ඇමෙරිකානු ප්‍රොක්සි හමුදාවක් වන කුර්දි ආධිපත්‍ය සහිත සිරියානු ප්‍රජාතන්ත්‍රික හමුදා සහ තුර්කි ප්‍රොක්සි හමුදා අතර ගැටුම් ඉහළ යද්දී ඊසානදිග සිරියාවේ යොදවා සිටින රුසියානු සෙබලුන් ප්‍රමාණය ඉහළ දමන්නට ක්‍රියා කරමින් සිටියි.වාර්තාවලට අනුව සෙබලුන් රැගත් ඉලියුෂන්-76 ප්‍රවාහන ගුවන් යානයක් කාමිෂ්ලි ගුවන් තොටුපොලට පැමිණ තිබේ.

 2021 වර්ෂය තුල ඊශ්‍රායල ගුවන් හමුදාව සිරියාව තුල සිය පළමු ප්‍රහාරය දියත් කරන්නේ ජනවාරි මස 6දා රාත්‍රියත් 7වෙනිදා අලුයම් කාලයත් අතරතුරයි.ඊශ්‍රායල ජෙට් යානා සිරියාවේ රිෆ් ඩිමැෂ්ක් පළාතේ අල්-කිස්වා ප්‍රදේශයට මිසයිල ප්‍රහාරයක් එල්ල කලහ.

 පසුගිය වසරේ සිරියාව තුල සිදු කල සිය මෙහෙයුම්වල සාරාංශයක් ඉස්ලාමීය රාජ්‍ය ත්‍රස්තවාදීන්  2021 ජනවාරි මස 6දා අමාක් පුවත් සේවය හරහා ප්‍රසිද්ධ කර තිබිණි.එම වාර්තාවට අනුව ත්‍රස්තවාදීන් ගිය වසරේදී සිරියාවේ පළාත් හතක් ඇතුලත මෙහෙයුම් 593ක් සිදු කර ඇත.පහත ලැයිස්තු ගත කර තිබෙන්නේ ඒවාය.

 

 

 

 සිරියානු හමුදාව විසින් වටලා තිබූ සිය නිරීක්ෂණ මුරපොල රැසක් පසුගිය කාලයේ ඉවත් කර ගැනීමට තුර්කි හමුදාව කටයුතු කලද,ඉඩ්ලිබ් හි මුදානොගත් ප්‍රදේශයේ සිය ශක්තිය ක්‍රමයෙන් වැඩි කරන්නට තුර්කිය කටයුතු කරමින් සිටියි.

 

 2020 දෙසැම්බර් මස 30දා ඩීර් එසෝර් සහ හෝම්ස් නගර සම්බන්ධ කරන මාර්ගයේ ගමන් කරමින් තිබූ බස් රථ පෙළක් කබාජ් ගම්මානය ආසන්නයේදී ඉස්ලාමිය රාජ්‍ය ත්‍රස්තවාදීන් රැක සිට එල්ල කල ප්‍රහාරයක ගොදුරක් බවට පත් විය.වාර්තාවලට අනුව මෙම බස් රථවල ගමන් කර තිබෙන්නේ සිරියානු හමුදාවේ සෙබලුන් සහ සිවිල්වැසියන්ය.අවම වශයෙන් බස් රථ තුනක් වත් ත්‍රස්තවාදීන්ගේ ප්‍රහාරවලට ලක්ව තිබේ.

 
දෙසැම්බර් මස 30දා උදෑසන කාලයේදී ඊශ්‍රායල ගුවන් හමුදාව නැවත වරක් සිරියාවේ ඩැමැස්කස් නගරය අවට ඉරානීය ඉලක්ක වෙත ප්‍රහාර එල්ල කලේය.වාර්තාවලට අනුව ඉන් එක් පුද්ගලයෙක් මිය ගොස් තිදෙනෙක් තුවාල ලැබූහ.

 

 2020 වර්ෂය තුල හිස්බුල්ලා සංවිධානය සිය මිසයිල සංචිතයේ ප්‍රමාණය දෙගුණ කරගෙන තිබෙන බවත් තමන් සතු නියාමක මිසයිලවල පරාසය ඊශ්‍රායලයේ සම්පූර්ණ භූමියම ආවරණය කර බවත්,එම සංවිධානයේ මහ ලේකම් සෙයිඩ් හසන් නසරල්ලා දෙසැම්බර් මස 27දා අවධාරණය කලේය.

 

 සිරියාවේ හමා-ඇලෙපෝ-රක්කා නගර සම්බන්ධ කරන ත්‍රිකෝණාකාර භූමි භාගය තුල සැඟවී සිටින ඉස්ලාමීය රාජ්‍ය ත්‍රස්තවාදීන්ට එරෙහි නවතම ඒකාබද්ධ මෙහෙයුමක් සිරියානු හමුදාව විසින් දියත් කලේය.මෙම මෙහෙයුමට රුසියානු ගුවන් හමුදාවේද සහාය ලැබේ.දෙසැම්බර් මස 24දා වන විට හමුදාව සහ ඉස්ලාමීය රාජ්‍ය ත්‍රස්තවාදීන් අතර ගැටුම්වලින් ත්‍රස්තවාදීන් 7 දෙනෙක් මිය ගිය ගොස් තිබේ.

 

 රුසියානු හමුදාව සහ රුසියාවේ සහාය හිමි සිරියානු හමුදා සිරියා-ඉරාක දේශසීමාවේ සිය බලය වැඩි කරමින් සිටිති.

 

පසුගිය සතිවලදී,සිරියානු හමුදාව සහ එහි මිත්‍ර කණ්ඩායම් හෝම්ස්-ඩීර් එසෝර් කාන්තාරයේ සැඟව සිටින ඉස්ලාමීය රාජ්‍ය ත්‍රස්තවාදීන්ට එරෙහි සිය මෙහෙයුම් තිව්‍ර කලහ.

අගෝස්තු මස 18දා එක්සත් ජනපදයට අයත් MQ-9 රීපර් වර්ගයේ සංග්‍රාමික ඩ්‍රෝන් යානයක් සිරියාවේ ඉඩ්ලිබ් පළාතට කඩා වැටිණි.මුලදී සටන්කාමීන්ට පක්ෂපාතී මුලාශ්‍ර පැවසුවේ ඔවුන් රුසියානු ගුවන් හමුදාවට අයත් ඩ්‍රෝන් යානයක් බිම හෙළු බවයි.එනමුත් බිම් මට්ටමින් ලැබෙන වීඩියෝ සහ ඡායාරූපවලින් පැහැදිලිව පෙනෙන කරුණ වන්නේ ඔවුන් බිම හෙළා තිබෙන්නේ MQ-9 රීපර් වර්ගයේ ඩ්‍රෝන් යානයක් බවයි.

අගෝස්තු මස 17 දා ඉඩ්ලිබ් හි එම් 4 මහා මාර්ගය ඔස්සේ තුර්කි සහ රුසියානු හමුදා සිදු කල මුර සංචාරයක් ඉලක්ක කර පිපිරීමක් සිදු විය.එහි ඉලක්කය වූයේ තුර්කි සන්නද්ධ රථයකි.

ඉස්ලාම් ආගම තුල සමලිංගිකයන්ට හිමි දඬුවම මරණය බව පසුගිය සමයේ ඉස්මතු වූ ඉස්ලාමීය රාජ්‍ය ත්‍රස්තවාදී සංවිධානය සාක්ෂි සහිතව පෙන්වා දුන්නේ සමලිංගික පිරිමින්ට මරණ දඩුවම ලබා දෙමින්ය.කෙසේවෙතත් සිරියාවේ ඉඩ්ලිබ් පළාතේ සිටින ත්‍රස්තවාදීන් දෙදෙනෙක් සමලිංගික ක්‍රියාකාරකම්වල නිරත වන අයුරු දැක්වෙන වීඩියෝ පටයක් පසුගිය දා නිකුත් කර තිබිණි.

ජූලි මස 20දා පෙරවරුවේ ඉඩ්ලිබ් යුද මුක්ත කලාපයේ දකුණු කොටසේ ෆුරු,බහාසා සහ බෙයිට් හස්නෝ ගම්මානවල සිරියානු හමුදාවේ ස්ථාන ඉලක්ක කර සටන්කාමීන් කාලතුවක්කු ප්‍රහාර එල්ල කලහ.ඊට ප්‍රතිචාර වශයෙන් රජයේ හමුදා කන්සෆ්‍රරා ආසන්නයේ සහ ඒ අවට ප්‍රදේශවල හයාට් ටරිර් අල්-ෂාම් ත්‍රස්තවාදීන්ගේ ස්ථාන වෙත ප්‍රහාර එල්ල කරන ලදි.

පසුගිය සතියේදී සිරියානු හමුදාව,ලීවා අල්-කුඩ්ස් කණ්ඩායම සහ ජාතික ආරක්ෂක බලකා හෝම්ස්-ඩීර් එසෝර් කාන්තාරයේ ඉස්ලාමීය රාජ්‍ය ත්‍රස්තවාදීන්ට එරෙහිව මෙහෙයුම් මාලාවක් සිදු කලහ.

ඩැමැස්කස් රජයට සහාය පළ කරන අල්-කුඩ්ස් බ්‍රිගේඩය නම් පලස්තීන කණ්ඩායම මැයි 19දා නැගෙනහිර හෝම්ස් හි පිරික්සුම් මෙහෙයුමක් සිදු කලේය.

උතුරුදිග සිරියාවේ පසුගිය සමයේ සිදුවූ ගැටුම් වලින් තුර්කි ප්‍රොක්සි හමුදා සටන්කාමීන් දුසිම් දෙකක් පමණ තුවාල ලබන්නට හෝ මිය යන්නට ඇතැයි වාර්තාවේ.ඔවුන්ගෙන් 14දෙනෙක් මරණයට පත් වූයේ මැයි 17දා කුබ් ලික් ආසන්නයේ සිරියානු ප්‍රජාතන්ත්‍රික හමුදවෙ ස්ථාන වෙත එල්ල කල අසාර්ථක ප්‍රහාරයේදීය.ඊට මත්තෙන් මැයි 15දා හස්වාන් ආසන්නයේ සටන්වලින් තවත් 10 දෙනෙක් මිය යන්නට හෝ තුවාල බලන්නට ඇත.තම අසාර්ථකත්වයට ප්‍රතිචාර දැක්වීමක් වශයෙන් මැයි 16,17 සහ 18දා පෙරවරුවේ තුර්කි ප්‍රොක්සි හමුදා අයින් ඊසා,ටෙල් ටම් ර් සහ ටෙල් උනයිබ් ආසන්නයේ  රැඳී සිටින සිරියානු ප්‍රජාතන්ත්‍රික හමුදා හි ඒකක වෙත කාලතුවක්කු සහ මෝටාර් ප්‍රහාර එල්ල කලහ.

දකුණුදිග සිරියාවේ වාතාවරණය නරක අතට හැරෙමින් තිබේ.ගෙවීගිය පැය 24ක කාලය තුල අල්-මුසයිෆර් සහ සයිඩ් අල්-ටයිබා හිදී තුවක්කුකරුවන්ගේ ප්‍රහාරවලින් රජයට පක්ෂපාතී සටන්කරුවන් තිදෙනෙක් සහ සිවිල් වැසියක් මරණයට පත් විය.මෙම ප්‍රහාර එල්ල වූයේ මැයි 13 සහ 14 දිනවල ටෆස් නගරයේ සහ ඩාරා නගරයේ ඩාරා අල්-බලාඩ් ප්‍රදේශවල උද්ඝෝෂණ ආරම්භ වීමත් සමගයි.

මැයි මස 14දා,දකුණු ඉඩ්ලිබ් හි රජයේ පාලනය යටතේ තිබෙන සරාකිබ් නගරය සහ සර්මින් නගරය අතර දිවෙන මාර්ගයේ ගමන් කරමින් තිබූ හයාට් ටරිර් අල්-ෂාම් ත්‍රස්තවාදීන්ට අයත් රථයක් ඉලක්ක කර ඩ්‍රෝන් ප්‍රහාරයක් එල්ල විය.

ඩාරා පළාතේ ආරක්ෂක මෙහෙයුමක් ක්‍රියාත්මක කිරීමට සූදානමින් සිටින අතරතුර මැයි 14දා සිරියානු හමුදාව ඉලක්ක කර අලුත් ප්‍රහාර දෙකක් එල්ල වී තිබේ.