ඊශ්‍රායලය සතුව රහසිගත න්‍යෂ්ඨික අවි වැඩසටහනක් තිබෙන අතර එය මීට දශක ගණනාවකට පෙර ආරම්භ වූවකි.කෙසේවෙතත් එරට බලධාරීන්,ඊශ්‍රායලයේ න්‍යෂ්ඨික අවි තිබෙන බව පිළිගන්නේ හෝ ප්‍රතික්ෂේප කරන්නේ කලාතුරකින්ය.දැනට විශ්වාස කරන පරිදි ඔවුන් සිය පළමු න්‍යෂ්ඨික අවිය නිර්මාණය කරන්නේ 1960 දශකයේ අග භාගයේදීය.ඇස්තමේන්තු කරන පරිදි ඊශ්‍රාලය සතු න්‍යෂ්ඨික අවි ගණන 80-400 අතර වේ.ඊශ්‍රායලයට ඒවා ගොඩබිමින් සහ සබ්මැරීන මගින් දියත් කිරීමට හැකියාව තිබේ.ඒ සඳහා ඔවුන් ජෙරිකෝ නම් බැලස්ටික් මිසයිල වර්ගය භාවිතා කරති.ඊට අමතරව ගුවන් යානා මගින් ද මෙම න්‍යෂ්ඨික අවි දියත් කරන්නට පුලුවනි.

කිලෝ ටොන් 150-500 අතර විනාශකාරී බලයක් සහිත න්‍යෂ්ඨික අවි හයක් දක්වා රැගෙන යා හැකි මිසයිලය රුසියානු උපයාමාර්ගික මිසයිල බලකා වෙත හඳුන්වාදීම ආරම්භ වූයේ 2010 දශකයේ මුල් භාගයේදීය.එය ඉදිරි දශකයන් හිදී එරට න්‍යෂ්ඨික ත්‍රිකයේ ගොඩබිම් සංචකයෙහි කොදුනාරටිය ලෙස ක්‍රියා කරනු ඇත.

එක්සත් ජනපදය හිරෝෂිමා සහ නාගසාකි නගරවලට 1945 වර්ෂයේ අගෝස්තු මාසයේදී පරමාණු බෝම්බ හෙළීමෙන් පසුව තමන්ගේම පරමාණු බෝම්බයක් නිර්මාණය කරමින් සමතැනට පත් වීමේ අවශ්‍යතාවය සෝවියට් නායකත්වයට දැනිණි.මෙම කාර්යය වසර හතරකට පසුව සාර්ථක කර ගත් ආකාරය දැක්වෙන,මෙතෙක් කාලයක් රහස් ලෙස තබා ගත් ලියකියවිලි රුසියාව විසින් ප්‍රසිද්ධියට පත් කරන ලදි.

රුසියාවට මුහුණ දීමට සිදුවන විදේශීය ආක්‍රමණයකදී ඊට ප්‍රතිචාර දැක්විය හැකි විවිධ මාර්ග ඔවුන් සතුය.එරට පැවැත්මට තර්ජනයක් වන ආකාරයේ ප්‍රහාරයක් එල්ල වුවහොත් ප්‍රතිප්‍රහාර එල්ල කිරීම සඳහා න්‍යෂ්ඨික අවි භාවිතා කල හැකිය.මෙම න්‍යෂ්ඨික අවි ගුවනින්,ගොඩබිම් සහ මුහුදින් දියත් කිරීමට හැකි අවි පද්ධතීන් රුසියාව සතුය.පසුගියදා පැවති ගෘම්-2019 හෙවත් තන්ඩර්-අකුණ නම් යුද අභ්‍යාසයේදී රුසියාව සිය න්‍යෂ්ඨික ත්‍රිකයේ සංරචක තුන පරීක්ෂාවට ලක් කලේය.

එක්සත් ජනපද ගුවන් හමුදා ගෝලීය ප්‍රහාරක බල ඇණිය මැයි මස 1දා ඔවුන් සතු මිනිට්මෑන් 3 අන්තර් මහද්වීපික බැලස්ටික් මිසයිලයක් අත්හදා බැලීය.එය අවි ශීර්ෂ වලින් සන්නද්ධ කර නොතිබිණි.මිනිට්මෑන් 3 යනු එක්සත් ජනපදයේ න්‍යෂ්ඨික අවි සංචිතයේ කොදුනාරටියයි.

තමන් සාර්ථකව හයිඩ්‍රජන් බෝම්බයක් අත් හදා බැලූ බව උතුරු කොරියානු රජය 2016 ජනවාරි මාසයේදී නිවේදනය කලේය.විශේෂඥයින්ගේ මතය වූයේ උතුරු කොරියාව යම් ආකාරයක න්‍යෂ්ඨික අවියක් අත්හදා බලා තිබෙන බවයි.නමුත් එය කුමන වර්ගයේ අවියක්ද යන්න සනාථ කරගෙන නොමැත.

කැලිෆෝනියාවේ ලෝරන්ස් ලිවර්මෝ ජාතික විද්‍යාගාරය විසින් න්‍යෂ්ඨික අවි අත්හදා ලැබීම් වල විඩියෝ දර්ශන 250කට වැඩි ගණනක් යූටියුබ් වෙබ් අඩවියේ ප්‍රසිද්ධ කර තිබේ.

න්‍යෂ්ඨික පිපිරීමක් චමත්කාර ජනක දර්ශනයක් වුවත් එය මහා විනාශකාරී නොනැවැත්විය හැකි බලයක් උත්පාදනය කරයි.සාමාන්‍යයෙන් මෙවැනි පිපිරවීම් රහස ලෙස තබා ගනියි.කෙසේවෙතත් යූටියුබ් වෙබ් අඩවියට මුදා හැර ඇති න්‍යෂ්ඨික පිපිරවීම් සහිත දර්ශන මිලියන 10 වැඩි වාර ගණනක් නරඹා තිබේ.

මෙලෙස ප්‍රසිද්ධ කරන ලද බොහොමයක් වීඩියෝ පටවල ධාවන කාලය මිනිත්තුවක් පමණ වන අතර ඒවා ආරම්භ වන්නේ පිපිරීම සිදුවන ක්ෂණයේය.අනෙක් ඒවා මිනිත්තු හතක් තරම් කාලයක් දිවේ.

"අපි නැවත වරක් න්‍යෂ්ඨික අවියක් භාවිතා නොකරාවි යැ‍යි බලාපොරොත්තු වෙනවා.මෙම අවි වල බලය සහ ඒවාට කල හැකි විනාශය දැක ගැනීමෙන් පසුව මිනිසුන් ඒවා පාවිච්චි කරන්න අකමැති වේවි " - ලෝරන්ස් ලිවර්මෝ ජාතික විද්‍යාගාරයෙහි අවි පිළිබද භෞතික විද්‍යාඥ ග්‍රෙග් ස්ප්‍රිග්ස්

ලෝරන් ලිවර්මෝ යනු ලිවර්මෝ,කැලිෆෝනියා හි ජාතික ආරක්ෂක විද්‍යාගාරයකි.එයට පැවරී තිබෙන කාර්යභාර්යය වනුයේ එක්සත් ජනපදයේ න්‍යෂ්ඨික අවි සංචිතය කෙරෙහි අවධානය යොමු කිරීම සහ අතීත අත්හදා බැලීම්වල දර්ශන ඩිජිටල්කරණය,විශ්ලේෂණය කිරීමයි.මෙම විද්‍යාගාරය නම් කර තිබෙන්නේ මෑන්හැටන් ව්‍යාපෘතිය යටතේ ලොව ප්‍රථම න්‍යෂ්ඨික බෝම්බය නිර්මාණය කිරීමට සහභාගී වූ අර්න්ස් ලෝරන්ස් සිහිවීම පිණිසයි.මෙම විද්‍යාගාරය ආරම්භ කරන්නේද එම න්‍යෂ්ඨික භෞතික විද්‍යාඥයා විසින්ය.

අර්න්ස් ලෝරන්ස්

ආවර්තිතා වගුවේ 103 මූලද්‍රව්‍ය වන ඔහු සිහිවීම පිණිස ලොරෙන්සියම් නමින් නම් කරන ලදි.116 වන මූලද්‍රව්‍යය මෙම විද්‍යාගාරය සිහිවනු පිණිස ලිවර්මොරියම් නමින් නාමකරණය කර තිබේ.මෙම මුලද්‍රව්‍ය දෙකම අතිශය විකිරණශීලීය.

1945-1962 කාල සමයේදී සිය භූමි ප්‍රදේශය තුල එක්සත් ජනපදය න්‍යෂ්ඨික අවි අත්හදා බැලීම් 210 සිදු කර ඇත.ලැබෙන තෙක් ඒවාට අදාල විඩියෝ දර්ශන දහස් ගණනක් රහස් ලෙස තබා ගන්නා ලදි.




source:sputniknews.com

2018 මාර්තු මස පළමු වනදා ජනපති විලැඩ්මීර් පුටීන් රුසියානු ෆෙඩරල් සමුළුව ඉදිරි පිට සිය වාර්ෂික ජාතිය ඇමතීමේ කතාව පැවැත්වූ අතර එහිදී තම රට සතුව තිබෙන නවතම අධි තාක්ෂණික අවි පද්ධතීන් 6ක් ලෝකයාට එළිදරව් කරන ලදි.

පුටීන්ට අනුව මෙම නවතම අවි අද්විතීය තාක්ෂණික ජයග්‍රහණ මත පදනම්ව තිබේ.ඉන් එකක් වන්නේ "සුළු පරිමාණ අතිමහත් බලයක් ලබාදෙන කල්පවත්නා න්‍යෂ්ඨික බල ශක්ති ඒකකයයි.ඒ හරහා රුසියාවට උපාය මාර්ගික න්‍යෂ්ඨික අවි පද්ධති සහිත න්‍යෂ්ඨික බලයෙන් ක්‍රියාත්මක මිසයිලයක් සංවර්ධනය කිරීමට අවකාශය ලැබිණි.


එය පොළොවට ආසන්නයෙන් පියාසර කරන,න්‍යෂ්ඨික අවි ශීර්ෂයක් සහිත ස්ටෙල්ත් මිසයිලයකි.එහි පරාසය සීමා රහිතය.ගමන් පථය කලින් නිශ්චය කල නොහැකි අතර අතරමගදී බිම හෙළීම හෙවත් අන්තර්නිරෝධනයේ මායිම් මඟ හැර යෑමේ හැකියාවද එය සතුය.තවද දැනට භාවිතා කරන සහ අනාගතයේදී හඳුන්වා දිය හැකි සියලුම මිසයිල ආරක්ෂක සහ ප්‍රති-ගුවන් ආරක්ෂක පද්ධතීන් අභිබවා යෑමටද පුලුවනි.අවශ්‍ය නම් මිසයිලය හැකි තරම් කාලයක් පියාසර කරවිය හැකිය.මෙය 2017 වර්ෂයේ අවසන් භාගයේදී මධ්‍යම පුහුණු භූමියේදී සාර්ථකව දියත් කරන ලදි.

රුසියාව සතුව අති නියතාර්ථ හයිපර්සොනික් ගුවන් යානා මිසයිල පද්ධතියක් තිබෙන බව පුටීන් විසින් සිය කතාවේදී හෙළිකරන ලදි.එහි නම කින්සාල්ය.හයිපර්සොනික් යනු ශබ්දයේ වේගය මෙන් 5 ගුණයක් හෝ ඊට වඩා වැඩි වේගයකින් ගමන් කිරීමයි(ශබ්දයේ වේගය මෙන් 5-10 ගුණයත් අතර වේගයක්).සිය පියාසර කාලය තුල ගමන් පථයේ සියලුම අවධි අතරතුර ගමන් දිශාව උපායශීලීව වෙනස් කිරීමේ හැකියාවද මෙම මිසයිලය සතුය.එම හැකියාව ප්‍රති-ගුවන් යානා සහ ප්‍රති-මිසයිල ආරක්ෂක පද්ධති මඟ හැර යෑමට අවස්ථාව ලබාදෙයි.කින්සාල් මිසයිලයට න්‍යෂ්ඨික සහ සාම්ප්‍රදායික අවි ශීර්ෂ කිලෝ මීටර් 2,000කට වැඩි දුරක් ප්‍රවාහනය කල හැකිය.2017 දෙසැම්බර් මස 1 දා පටන් මෙම පද්ධති රුසියාවේ දකුණුදිග හමුදා දිස්ත්‍රික්කයේ ගුවන් හමුදා පරීක්ෂා භූමිවල අත්හදා බැලීමේ කටයුතු ආරම්භ කරන ලදි.



සබ්මැරීනයක උපරිම වේගය මෙන් කිහිප ගුණයක් වේගයෙන්,දැනට තිබෙන නවීනතම,වේගවත්ම ටෝර්පිඩෝ සහ ජලය මතින් යාත්‍රා කරන අනෙකුත් යාත්‍රා පරයා යන වේගයකින්,සාගරයේ ඉතා ගැඹුරින් යාත්‍රා කල හැකි,අන්තර් මහද්වීපික, න්‍යෂ්ඨික අවි ශීර්ෂ ගෙන යා හැකි ඩ්‍රෝන් යානාවක් සම්බන්ධවද ජනපතිවරයා තොරතුරු ප්‍රසිද්ධියට පත් කරන ලදි.මෙම යානාවලට සාම්ප්‍රදායික හෝ න්‍යෂ්ඨික අවි ශීර්ෂ රැගෙන යා හැකිය.දිය යටින් ගමන් කරන ඩ්‍රෝන් යානය සඳහා නිපදවන ලද න්‍යෂ්ඨික බලශක්ති ඒකකය එහි අත්හදා බැලීම් වාර සම්පූර්ණ කරන ලද්දේ 2017 දෙසැම්බර් මාසයේ බව සඳහන් වේ.



රුසියාව සතු ඇවන්ගාඩ් නම් උපායමාර්ගික හයිපර්සොනික් මිසයිල පද්ධතිය සාර්ථකව අත්හදා බලා මහා පරිමාණයෙන් නිෂ්පාදනය කිරීම අරඹා ඇතැයි පුටීන් ප්‍රකාශ කරන ලදි.මෙම මිසයිලය ග්ලයිඩරයක හැඩයක් සහිත ඒකකයි.අන්තර්මහද්වීපික පියාසැරියක් සහිත ඇවන්ගාඩ් මිසයිලයට ශබ්දයේ වේගය මෙන් 20 ගුණයකට වැඩි වේගයක් අත්පත් කර ගැනීමට පුලුවන් යැ‍යි සඳහන්ය.දිගු දුරක් ගමන් කිරීමට මෙන්ම කඩිනමින් සිය ගමන් මග වෙනස් කර ගැනීමේ හැකියාවද එය සතුය.එනම් ආංශිකව සහ සිරස්ව සිය ඉලක්කය වෙත පතිත වීමට ඇවන්ගාඩ් මිසයිලයට පුලුවනි.සිය උපරිම වේගයට ලගාවන විට මිසයිලය මතුපිට උෂ්ණත්වය සෙල්සියස් අංශක 1600-2000 පමණ වෙතැ‍යි සඳහන් වේ.



පුටීන් සිය දේශනයේදී සඳහන් කල ප්‍රබලම අවිය වන්නේ සුපිරි-බරැති අන්තර් මහද්වීපික බැලස්ටික් මිසයිලයයි.එහි බර ටොන් 200 ඉක්මවන බව කියවේ.මෙහි තිබෙන එක් විශේෂත්වයක් වන්නේ  කෙටි boost phase තිබීමයි.boost phase යනු බැලස්ටික් මිසයිලයක පියාසැරියේ එක් පියවරකි.මෙහිදී ද්‍රව ඉන්ධන රොකට් භාවිතා කර මිසයිලය එහි උපරිම වේගය කරා රැගෙන යයි.boost phase අධිරය මිනිත්තු 3-4ක් කාලයක් පවතියි.මෙම කාලය කෙටි වන තරමට සතුරු ප්‍රති-මිසයිල පද්ධතිවලට බැලස්ටික් මිසයිලය බිම හෙළීමේ හැකියාව අවම වේ.'සාර්මට්' යන නමින් හඳුන්වන මෙම නවතම බැලස්ටික් මිසයිල නේටෝ සංවිධානය හඳුන්වන්නේ සාටන්-2 ලෙසයි.මිසයිලය සතුව පුලුල් පරාසයක දියත් කල හැකි බලවත් න්‍යෂ්ඨික අවි ශීර්ෂ අඩංගුය.ඒවා අතර හයිපර්සොනික් අවි ශීර්ෂද ඇතුලත් බව සඳහන්ය.සාර්මට් මිසයිලයේ පරාසයට ප්‍රායෝගිකව සීමා මායිම් නැත.



මේවාට අමතරව 2017 වර්ෂයේ පටන් රුසියානු හමුදා ලේසර් අවිවලින් සන්නද්ධ බව සඳහන් වේ.

"වැඩි විස්තර හෙළිදරව් කිරීමට මට උවමනාවක් නැහැ.ඒ සඳහා කාලය තවමත් පැමිණ නැත.නමුත් එවැනි ආයුධ හරහා රුසියාවේ ආරක්ෂ හැකියාව වැඩි වන බව විශේෂඥයින්ට තේරුම් ගත හැකිය.තවත් අවි දියුණු කරමින් තිබේ.නමුත් දැනට මේ ඇති" යනුවෙන් පුටීන් සිය දේශනයේදී ප්‍රකාශ කරන ලදි.

ඔහුගේ හෙළිදරව් කිරීම්වලට අනුව මෙම අවි දැනටමත් රාජය මට්ටමේ අත්හදා බැලීම්වලින් සමත්ව තිබෙන අතර නුදුරේදීම සංග්‍රාමික අත්හදා බැලීම් සඳහා යොමු කිරීමෙන් පසුව සක්‍රීය සේවයට එක්වීමට නියමිතය.මෙම අවි පද්ධති ප්‍රධාන අරමුණු දෙකක් වෙනුවෙන් භාවිතා කරනු ලැබේවි.

• ආක්‍රමණිකයෙක්ගෙන් එල්ල විය හැකි උපායමාර්ගික මිසයිල තර්ජන වෙනස් උන්නතාංශයන්හිදී අන්තඃඛණ්ඩනය කිරීම

• උපාය මාර්ගික න්‍යෂ්ඨික බලකාවලට  අභ්‍යාවකාශය,ගුවනේ සහ ජලය අභ්‍යන්තරයේ යාත්‍රා කරන යානා යොදාගෙන ප්‍රහාර එල්ල කිරීමට අවස්ථාව ලබාදීම.මෙම යානා, මිසයිල ආරක්ෂක පද්ධති මඟ හැර යෑමට සහ සතුරු හමුදාවලට සහ යටිතල ව්‍යුහයන්ට අනපේක්ෂිත හානි සිදු කිරීමට භාවිතා කරාවි.සතුරු භූමියේ හදවතේ තිබෙන ඉහල වටිනාකමක් සහිත ඉලක්ක වෙත පහරදීමට අමතරව ගුවන් යානා ප්‍රවාහන නෞකා ප්‍රහාරක කණ්ඩායම්,වෙරළාශ්‍රිත අධි ආරක්ෂිත කලාප,හමුදා මූලස්ථාන මෙන්ම ගෝලීය පිහිටුම් පද්ධතිය වැනි චන්ද්‍රිකා පද්ධති ආදී අනෙකුත් ඉලක්ක විනාශ කිරීමටද පුටීන් එළිදරව් කල අවි යොදාගත හැකිය.

Source:southfront.org