රුසියාව සතු එකම ගුවන් යානා ප්‍රවාහන නෞකාව මේ වන විට අලුත්වැඩියා කරමින් තිබෙන අතර එය අත්හදා බැලීමේ චාරිකාවක් සඳහා මුහුදට පිවිසීමට නියමිතව තිබෙන්නේ 2022 වර්ෂයේදී යැ‍යි රුසියානු ටාස් පුවත් සේවය වාර්තා කලේය.

ඊශ්‍රායලයේ ඉමේජ් සැට් ඉන්ටර්නැෂනල් සමාගම අප්‍රේල් 20දා නිකුත් කල චන්ද්‍රිකා ඡායාරූප කිහිපයක දැක්වෙන පරිදි චීනය KQ-200 නම් නාවික මුර සංචාරක ගුවන් යානය දකුණු චීන මුහුදේ ෆයරි ක්‍රොස් නම් ගල්පරය පුළුල් කිරීමෙන් නිර්මාණය කල කෘත්‍රීම දූපතේ යොදවා තිබේ.

සුකොයි සමාගම සුකොයි-27K හෙවත් සුකොයි-33 ෆයිටර් ජෙට් යානය නිර්මාණය කලේ ගුවන් යානා ප්‍රවාහන නෞකාව වල සිට මෙහෙයුම් කටයුතු සිදු කිරීම සඳහාය.සුකොයි-27K යානයක් පළමුවරට රුසියාවේ අද්මිරාල් කුස්නෙට්සොව් ගුවන් යානා ප්‍රවාහන නෞකාව මතට ගොඩබසින ලද්දේ 1989 වර්ෂයේ නොවැම්බර් මාසයේය.එම ඓතිහාසික මොහොත සටහන් කර ගත් වීඩියෝ පටයක් රුසියානු ආරක්ෂක අමාත්‍යාංශයේ ස්වෙස්ඩා නිල රූපවාහිනී නාලිකාව විකාශනය කලේය.

එම නාලිකාවට අනුව සුකොයි 27 යානය පළමු ගොඩ බෑම සහ ගුවන් ගත කිරීම සිදු කර තිබෙන්නේ අත්හදා බැලීමේ ගුවන් නියමු වික්ටර් පුගචෙ විසිනි.මෙම යානය එරට නාවික හමුදාවේ සේවයට එක් වන්නේ 1990 දශකයේ මැද භාගයේදීය.




source:southfront.org

වර්ෂයක් පාසා රුසියාව සිය නාවික හමුදාවේ උපන් දිනය සමරනු ලබන්නේ නෞකා සහ ගුවන් යානා යොදාගෙන සිදු කරන උත්සවයක් මගිනි.මෙවර උත්සවයට නෞකා 40කට වැඩි ගණනක් සහභාගි වනු ඇත.ඊට අමතරව ගුවන් යානා සහ හෙලිකොප්ටර් යානා 40කට වැඩි ප්‍රමාණයක් සහ නාවිකයින් 4,000 ඉක්මවා ඊට එක් වේවි.

රුසියාවෙ කමොව් සැලසුම් කාර්යාංශය සාර්ථක හමුදා සහ සිවිල් හෙලිකොප්ටර් යානා මොඩල ගණනාවක් සැලසුම් කරන ලදි.නමුත් එම කාර්යාංශය ප්‍රසිද්ධ වන්නේ අද්විතීය සහ බලසම්පන්න බ්ලැක් ෂාර්ක් හා ඇලිගේටර් යන ප්‍රහාර හෙලිකොප්ටර් යානා නිසාය.

චීනය සිය නාවික බලය වර්ධනය කර ගනිමින් එරට නිෂ්පාදිත ප්‍රථම ගුවන් යානා ප්‍රවාහන නෞකාව අත්හදා බැලීමේ ගමන් වාර සඳහා පිටත් කර හරින ලදි.මැයි මස 13දා උදෑසන චීනයේ ලියොනින්ග් පළාතේ ඩාලියන් නෞකා තටාකාංගනයෙන් දියත් කරන ලද මෙම නෞකාව අත්හදා බැලීම්වලදී එහි විශ්වාසනීයත්වය සහ බල සැපයුම් පද්ධතියේ මෙන්ම අනෙක් උපාංගවල ස්ථායිතාවය පරීක්ෂාවට ලක් කෙරෙනු ඇති බව චීන මාධ්‍ය වාර්තා කරයි.





චීනයේ ස්වදේශීයව නිෂ්පාදනය කල ප්‍රථම ගුවන් යානා ප්‍රවාහන නෞකාව මෙයයි.දැනට මෙම නෞකාව ටයිප් 001ඒ යන තාවකාලික නාමයෙන් හඳුන්වයි.වසර හතරකට පෙර ඉදිකිරීම් කටයුතු ආරම්භ කල ටයිප් 001ඒ නෞකාව 2017 අප්‍රේල් මාසයේදී දියත් කරන ලදි.

ටයිප් 001ඒ නෞකාවේ දිග මීටර් 315කි.පළල මීටර් 75කි.එය විස්ථාපනය කරන ජල පරිමාවේ බර ටොන් 50,000කි(නෞකාව මෙහෙයුම් සඳහා සූදානම් කිරිමෙන් පසුව එම බර ටොන් 70,000 දක්වා වැඩි වේ).යාත්‍ර කරන වේගය නාවික සැතපුම් 31කි.චීන මාධ්‍ය වලට අනුව ටයිප් 001ඒ නෞකාවේ ෂෙන්යැන්ග් ජේ-15 ෆයිටර් ජෙට් යානා 36ක් රැගෙන යා හැකිය.

මෙම අත්හදා බැලීමේ ගමන් වාර සිදුවන්නේ චීන ජනපති ෂී ජින්පින්ග් අප්‍රේල් මාසයේදී 'වහාම බලවත් නාවික හමුදාවක් අවශ්‍ය' යැයි ප්‍රකාශයක් සිදු කිරීමෙන් පසුවයි.

නවතම නෞකාව චීන නාවික හමුදාවට එක් වන දෙවන ගුවන් යානා ප්‍රවාහන නෞකාවයි.1998 වර්ෂයේදී යුක්‍රේනයෙන් මිලදී ගත් ඉදිකිරීම අවසන් නොකල 'වරියාග්' නම් ගුවන් යානා ප්‍රවාහන නෞකාව අලුත් වැඩියා කිරීමෙන් පසුව 'ලියොනින්ග්' යන නමින් 2012 වර්ෂයේදී චීන නාවික හමුදාවේ සේවයට එක් විය.



source:southfront.org