සංග්‍රාම භූමිය: Cold War

Results for Cold War

කැස්පියන් මුහුදු රාක්ෂයා නැවතත් කරළියට

HarshaLulzSec July 31, 2020

The-worlds-only-rocket-ekranoplan-Lun-arrived-in-Derbent

සීතල යුද සමයේ සෝවියට් දේශය විසින් නිර්මාණය කල ලුන් පන්තියට අයත් ප්‍රොජෙක්ට් 903 එක්‍රනොප්ලේන් නම් ගොඩබිම් ආචරණ යානය නැවත වරක් මාධ්‍යවල අවධානය දිනා ගැනීම සමත් වූයේ,කැස්පියන් මුහුදට මුහුණ ලා පිහිටා ඇති රුසියාවට අයත් ඩගෙස්තාන් ජනරජයේ කැස්පියස්ක් නගරයේ සිට ඩර්බන්ට් නගරයේ ජාතිමාමක උද්‍යානය දෙසට මුහුද හරහා ඇදගෙන ඒමත් සමගයි.

කැස්පියන් මුහුදු රාක්ෂයා නැවතත් කරළියට

Reviewed by HarshaLulzSec on July 31, 2020 Rating: 5

ලොව වේගවත්ම ජෙට් යානයේ රහස් අනාවරණය කෙරේ

HarshaLulzSec December 01, 2019

secret-of-the-fastest-jet-in-the-world-revealed

පිටසක්වල යානයක පෙනුම සහිත ලොක්හීඩ් සමාගමේ ස්කන්ක් වර්ක්ස් කොට්ඨාශය 1960 දශකයේදී නිපදවන ලද ,1998 වර්ෂයේදී විශ්‍රාම යැවූ SR-71 බ්ලැක්බර්ඩ් යානය ලොව වේගවත්ම ජෙට් යානයයි.මෙම වර්ගයේ යානා 32ක් පමණක් නිෂ්පාදනය කර තිබේ.

ලොව වේගවත්ම ජෙට් යානයේ රහස් අනාවරණය කෙරේ

Reviewed by HarshaLulzSec on December 01, 2019 Rating: 5

සීතල යුද සමයෙන් ඇසෙන කතා:සෝවියට් දේශයේ පළමු නාවික කෲස් මිසයිලය

HarshaLulzSec November 18, 2019

russia-declassifies-soviet-era-document-ordering-creation-of-first-naval-cruise-missile

මැදපෙරදිග විවිධ ත්‍රස්තවාදී කණ්ඩායම්වලට පහරදීමට සඳහා රුසියානු හමුදාව යොදාගත් කලිබර් වැනි නූතන රුසියානු කෲස් මිසයිලවල ආදිතමයා ලෙස සැලකෙන්නේ පී-5 කෲස් මිසයිලයයි.

සීතල යුද සමයෙන් ඇසෙන කතා:සෝවියට් දේශයේ පළමු නාවික කෲස් මිසයිලය

Reviewed by HarshaLulzSec on November 18, 2019 Rating: 5

බුරාන් ෂටලයේ සිට කැස්පියන් මුහුදු රාක්ෂයා දක්වා:විශිෂ්ඨ සෝවියට් ව්‍යාපෘති 5ක්

HarshaLulzSec February 03, 2019

ටුපලෙව්-144 සුපර් සොනික් මගී ගුවන් යානය සේවයට එක් වූයේ මීට වසර 43කට ප්‍රථමයෙන්ය.සීතල යුද සමයේදී සෝවියට් දේශය විසින් හඳුන්වා දුන් ඉන්ජිනේරු විද්‍යාවේ මහා අනර්ඝ නිමැවුම් පහක් සම්බන්ධව මෙම ලිපිය ඔස්සේ කතා කරමු.

බුරාන් ෂටලයේ සිට කැස්පියන් මුහුදු රාක්ෂයා දක්වා:විශිෂ්ඨ සෝවියට් ව්‍යාපෘති 5ක්

Reviewed by HarshaLulzSec on February 03, 2019 Rating: 5

සීතල යුද සමයෙන් ඇසෙන කතා - ඉරාන ඇමෙරිකා ඒකාබද්ධ ඔත්තු බැලීමේ මෙහෙයුම

HarshaLulzSec December 05, 2018

සෝවියට් සමූහාණ්ඩුවේ ගුවන් අවකාශ තුල සිදු කල ඇමෙරිකා-ඉරාන ඒකාබද්ධ ඔත්තු බැලීමේ මෙහෙයුමක් සෝවියට් මිග්-21 යානයක් විසින් 1973 නොවැම්බර් මස 28 දා අවසන් කරන ලදි.රුසියානු ගුවන් නියමුවෙක් වූ 35 හැවිරිදි කැප්ටන් එලිසීව් සිය ජීවිතයද කැප කරමින් සීතල යුද්ධ සමයේ ඇමෙරිකානු මධ්‍යම බුද්ධි තොරතුරු කාර්යාංශයේ ‘Project Dark Gene’ නම් ඔත්තු බැලීමේ වැඩසටහන අඩාල කලේය.

සීතල යුද සමයෙන් ඇසෙන කතා - ඉරාන ඇමෙරිකා ඒකාබද්ධ ඔත්තු බැලීමේ මෙහෙයුම

Reviewed by HarshaLulzSec on December 05, 2018 Rating: 5

යුද අවිවල සුසාන බිම් - 2

HarshaLulzSec June 11, 2018

ජොන්ස්ටන් දූපත-අතහැර දැමූ නාවික හමුදා කඳවුර

ලොව පුරා හුදකලා වූ හමුදා කඳවුරු රැසක් තිබුණත් ජොන්ස්ටන් අතොළුව(Johnston Atoll) වැනි ඉතා දුරින් පිහිටි(ජනාවාසවලින්) හමුදා කඳවුරු ඇත්තේ සුළු ප්‍රමාණයකි.මෙය මධ්‍යම පැසිෆික් සාගරයේ පිහිටි ගුවන් පථයකට වඩා දෙයක් නොපෙනෙන කඳවුරක් වුවද අතහැර දැමීමට පෙර කවර ආකාරයේ ඉදිකිරීම් තිබුණේද යැයි සිතාගත හැකිය.බොහෝවිට මෙහි භූගත පහසුකම් තිබෙන්නට ඉඩ ඇති.ජොන්ස්ටන් අතොළුව එක්සත් ජනපදයට අයත් භූමියකි.මේ අවට තිබෙන දූපත් ඇතුලුව වර්ග කිලෝ මිටර් 50ක භුමියක් ඔවුන් සතුය.ඒවා අතර ජොන්ස්ටන් දූපත ප්‍රධාන වේ.1926 වසරේ ලැබුණු නියෝග පරිදි මෙහි පක්ෂීන්ගේ අභ‍යභූමියක් ස්ථාපනය කෙරුණද 1934 දී එහි පාලනය එක්සත් ජනපද නාවික හමුදාව යටතට පත් කෙරිණි.ඉන්පසු මෙම දූපත න්‍යෂ්ඨික අවි අත්හදා බලන භූමියක් බවට පත්විය.

Johnston Atoll පිහිටීම

මෙම දූපත හවායි දූපත්වලට නාවුක සැතපුම් 750ක් බටහිර දෙසින් පිහිටි ස්වාභාවික කොරල් දිවයිනකි.වසර ගණනාවක් තිස්සේ එය කෘත්‍රීමව විශාල කිරීමේ ප්‍රතිඵලය ලෙස හමුදා කඳවුරකට උචිත ලෙස විශාල භූමි ප්‍රමාණයක් අත්පත් කරගන්නා ලදි.

කාලයත් සමග දූපතේ වර්ගප්‍රමාණය වර්ධනය වූ අයුරු

ජොන්ස්ටන් දූපත නාවික කඳවුරක් ලෙස USS Lansing වැනි නෞකාවලට පහසුකම් සැලසීය.පැසිෆික් සාගරයේ මෙම හුදකලා ප්‍රදේශයේ තිබූ එවැනි පහසුකම් සැලසිය හැකි එකම දූපතද එය විය.මෙහි තිබෙන ගුවන් පථය දූපතට සැපයුම් ගෙන ඒමට සහ අනෙකුත් ප්‍රවාහන කටයුතු සඳහා භාවිතා කෙරිණි.තවද මෙම දූපතට වාණිජ දුරකතන මාර්ග 10ක් සම්බන්ධව තිබූ අතර එහි සිට දුරකතන මාර්ග 10ක් විහිදී ගොස් තිබේ.

USS Lansing නෞකාව

1958 සිට 1975 වසර තෙක් මෙම දූපත භූගත සහ මතුපිට න්‍යෂ්ඨික අවි සඳහා අත්හදා බැලීමේ භූමියක් ලෙස යොදාගන්නා ලදි.1962 වසරේ Operation Dominic මෙහෙයුමේදී න්‍යෂ්ඨික මිසයිල කිහිපයක් පරීක්ෂා කරන්නට මෙම ජොන්ස්ටන් දූපත යොදාගෙන තිබේ.පහත රූපයේ දැක්වෙන්නේ එම න්‍යෂ්ඨික අත්හදා බැලීමේදී අහසේ ඇතිවූ තියුණු දිලිසුමයි.අසාර්ථක වූ අත්හදා බැලීමක රොකට් එන්ජිමක් ඊළඟ රූපයෙන් පෙන්වා තිබේ.

ජොන්ස්ටන් දූව ඇමෙරිකාවේ පළමු ඔත්තුබලන චන්ද්‍රිකා සහ අනෙකුත් විද්‍යාත්මක රොකට් දියත් කරන්නට යොදාගෙන තිබේ.නමුත් 1993 පටන් එය හමුදාමය මෙහෙයුම් සඳහා යොදා ගැනීම අවම කර තිබෙන්නේ රසායනික අවිවල අවශේෂ විශාල වශයෙන් අඩංගු වීම නිසාය.මෙහි සිදුකල න්‍යෂ්ඨික අත්හදා බැලීම්(1962) නිසා ඉතිරි වූ විකිරණශීලී අවශේෂ,වියට්නාමයට එරෙහිව යොදාගත් රසායනික අවිවල අවශේෂ සහ සෝවියට් දේශයේ සරීන් ස්නායු වායු මෙම භූමියේ ඉතිරිව තිබේ.

1992 වසරේ පළවූ වාර්තාවකින් කියවුනේSR-71 Blackbird යානයට ආදේශකයක් ලෙස නිපදවූ ආවුරෝරා(Aurora) නම් ඔත්තුබලන යානය මෙම දූපතට ගොඩ බා තිබෙන බවයි.

"අවුරෝරා නෙවාඩා කාන්තාරයේ කඳවුරකින් ගුවන් ගත වී පැසිෆික් සාගරයේ දිවයිනකට ගමන් කලා,ඊටපසු එය යලි එ.ජනපදයට එන්නට පෙර තෙල් පුරවා ගන්නට ස්කොට්ලන්තයට පැමිණියා" යනුවෙන් එම වාර්තාවේ සඳහන් බව කියවේ.

Aurora spyplane

ජොන්ස්ටන් දූපතේ තිබෙන දිගු ගුවන් පථය මෙන්ම එය පැසිෆික් සාගරයේ සැඟවුණු ස්ථානයක් වූ නිසා එවැනි රහස්‍ය අතිධ්වනි ගුවන් යානයක් ගොඩ බස්සවන්නට යොදාගන්නට ඇතැයි සිතිය හැකිය.

2003 වසරේදී ජොන්ස්ටන් දූපත මත්ස්‍ය සහ වනජීවී රක්ෂිතයක් බවට පත්කරන ලදි.එහි තිබූ සියලුම හමුදාමය ඉදිකිරීම් පහසුකම් විනාශ කර දමන ලදි.ගුවන් පථය වසා දමන ලද බව පෙන්වීමට එහි දෙකෙළවර කතිරවලින් සලකුණුකරන ලදි.අතීතයේ මෙම දූපතේ තිබූ ගොඩනැගිලි මාර්ග ආදියේ සලකුණු ඡායාරූපවලින් පැහැදිලිව පෙනේ.මාර්ක් එග්රිච් නැමැත්තා අවසර සහිතව ලබාගත් ඡායාරූපවලට අනුව දැන් දූපත පිහිනුම් තටාකයක්,ජල ක්‍රීඩා මධ්‍යස්ථානයක් සහ ආපනශාලාවකින් සමන්විතය.ඉදිකිරීම් ඉවත් කරන අයුරුද එම ඡායාරූපවල දැක්වේ.

Mark Eggerich ජොන්ස්ටන් දූපතේදී ලබාගත් ඡායාරූප කිහිපයක්

වොෂින්ටනයේ භූගත මිසයිල ගබඩාව

මෙය ටයිටෑන් මිසයිල සංකීර්ණයකි.මෙය ඇමෙරිකා එක්සත් ජනපදයේ මධ්‍යම වොෂින්ටනයේ අක්කර 57ක් පුරා විහිදී ගිය පොළොව මත පිහිටි ඉදිකිරීම් සහ භූගත ගොඩනැගිලි 16කින් සමන්විතය.මෙම භූගත කඳවුරු සංකීර්ණයට න්‍යෂ්ඨික යුද්ධයකදී මිනිසුන් 150ක් දවස් 30ක් දක්වා පිටතින් සැපයුම් හෝ ආධාර නොමැතිව නඩත්තු කිරීමේ හැකියාව තිබුණු බව කියවේ.නමුත් පසුකාලයේදී පහසුවෙන් තැනින් තැනට ගෙන යා හැකි මිසයිල දියත් කරන පද්ධති පහසුකම් නිර්මාණය වීමත් සමග භූගතව පිහිටි මෙවැනි මිසයිල දියත් කරන කඳවුරුවල අවශ්‍යතාවය ක්‍රමයෙන් අවම කරන ලදි.ගංවතුර නිසා සිදුවන ජල කාන්දුවීම්,නඩත්තු කිරීම් ක්‍රමයෙන් නවතා දැමීම නිසා මෙම භූගත කඳවුරු අභාවයට ගියේය.මෙම භූගත පහසුකම් 1961-1965 අතර කාලයේ භාවිතා කර තිබේ.මෙය නිර්මාණය කිරීම එසමයේ ඇ.ඩො. මිලියන් 170ක් හෙවත් 2011 වසරට අනුව ඇ.ඩො. බිලියන 1.26ක් වැය වී තිබේ.

පොළොව මතුපිටින් බැලූවිට පෙනෙන අයුරු(පැරණි ඡායාරූපයකි)

භූගත ගොඩනැගිලි සංකීර්ණයේ සැලැස්ම

HGM-25A Titan I මිසයිලයක්

භූගත ගොඩනැගිලිවල දර්ශන

සෝවියට් යුද ටැංකිවල ඇෆ්ගන් සුසාන බිම

වසර 10ක් ඇෆ්ගනිස්ථානයේ යුද වැදී 1989 වසරේදී එරට හැර යන විට සෝවියට් හමුදා දමා ගිය යුද ටැංකි විශාල ප්‍රමාණයක් කාබුල් නගරයේ ගුවන් තොටුපල පිටත ප්‍රදේශයක තවමත් ඉතිරිව තිබේ.ඒවා 1960,1970 දශකවල නිපදවූ යුද ටැංකිවන අතර ඉන් සමහරක් ඇෆ්ගන් හමුදාව විසින් අලුත්වැඩියා කර තලෙයිබාන් ත්‍රස්තවාදීන්ට එරෙහිව පාවිච්චි කරන බව වාර්තාවේ.ඔවුන් කියන පරිදි T-55, T-62 යුද ටැංකි කිහිපයක් තවමත් ක්‍රියාත්මක කල හැකි තත්ත්වයේ පවතියි.තවද ඔවුන්ගේ යුද ටැංකිවලට අවශ්‍ය සමහර කොටස් පවා සෝවියට් හමුදා හැරදමා ගිය යුද ටැංකිවලින් ලබාගෙන තිබේ.මෙම යුද ටැංකි ඇෆ්ගනිස්ථානයේ කඳුකර ප්‍රදේශවලට ඉතා යෝග්‍ය බවයි ඇෆ්ගන් හමුදාව පවසන්නේ.

මෙම යුද ටැංකි අතහැර දමා තිබෙන්නේ ඇෆ්ගනිස්ථානයේ කාබුල් නගරයේය

මෙම යුද ටැංකි අතහැර දමා තිබෙන්නේ ඇෆ්ගනිස්ථානයේ කාබුල් නගරයේය

source:cracked.com

යුද අවිවල සුසාන බිම් - 2

Reviewed by HarshaLulzSec on June 11, 2018 Rating: 5

යැංකි රහස් මෙහෙයුම් - 6

HarshaLulzSec April 01, 2018

සීතල යුද සමයේදී එක්සත් ජනපදය,සෝවියට් දේශයේ රහස් සෙවීමට දියත් කල මෙහෙයුම් පහක් සම්බන්ධව තොරතුරු පසුගිය කොටස්වලින් ඔබ වෙත සමීප කරන ලදි.මෙම ලිපියේ අවසන් කොටස ලෙසින් ගෙන එන්නේ ආක්ටික් ප්‍රදේශයේ අතහැර දමා තිබූ සෝවියට් ගවේෂණ සහ හමුදාමය මධ්‍යස්ථානයක් වෙත රහසේ ඇතුලුවී එහි රහස් සෙවීමට ඇමෙරිකානුවන් දියත් කල මෙහෙයුමක් ගැනයි.

උත්තර ධ්‍රැවයේ සෝවියට් සහ රුසියානු ගවේෂණ මධ්‍යස්ථාන(කඳවුරු)

උත්තර ධ්‍රැවය අසල්වැසි රටවල් විසින් බෙදාගෙන තිබෙන අයුරු

එක්සත් ජනපද මධ්‍යම බුද්ධි තොරතුරු කාර්යාංශය විසින් 1962 වසරේදී ක්‍රියාත්මක කල මෙම මෙහෙයුම Project COLDFEET නමින් හැඳින්වීය.එහි අරමුණ වුයේ සෝවියට් දේශය ආක්ටික් ප්‍රදේශයේ පිහිටුවා තිබූ ගවේෂණ මධ්‍යස්ථානයක් වෙත පිවිසීම සහ එහි අතහැර දමාගිය වැදගත් සාක්ෂි එකතු කරගැනීමයි.මෙම මධ්‍යස්ථාන North Pole(NP,North Pole-1,North Pole-2 .... )යන නමින් හැඳින්වීය.මේවා හි සාගර ගවේෂණය,වායු විද්‍යාව,භූභෞතික විද්‍යාව ආදිය මෙන්ම නාවුකවේදය ගැනත් පර්යේෂණ සිදුකරන ලදි.

Project COLDFEET මෙහෙයුමේ ගමන් මාර්ග

චුම්භකමානයක් සහිත හෙලිකොප්ටරයක්

Project COLDFEET මෙහෙයුම ඇරඹෙන්නේ 1961 මැයි මාසයේදීය.ඊට පෙර නාවික හමුදා ගුවන් යානයක් සිදුකල භූ-භෞතික සෝදිසි කිරීමකදී ආක්ටික් සාගරයේ අතහැර දැමූ සෝවියට් ගවේෂණ මධ්‍යස්ථානයක් අනාවරණය කරගන්නා ලදි(චුම්භකමාන සහිත ගුවන් යානා මේ සඳහා යොදාගන්නා බව කියවේ).එය NP 9 නම් මධ්‍යස්ථානයයි.මෙම සොයාගැනීම එක්සත් ජනපද නාවික හමුදාවේ Office of Naval Research(ONR)හි අවදානයට පාත්‍රවිය.පෙර වසරේදී ONR ආයතනය විසින් එක්සත් ජනපදය සතු ආක්ටික් මධ්‍යස්ථානයක් යොදාගෙන ප්‍රදේශයේ සැරිසරන සෝවියට් සබ්මැරීන නිරීක්ෂණය සඳහා ධ්වනික ඔත්තුබැලීමේ ජාලයක් නිර්මාණය කරන ලදි.ඇමෙරිකානු සබ්මැරීනවල ක්‍රියාකාරකම් අධ්‍යයනය කිරීම සඳහා සෝවියට් දේශයද ඒ හා සමාන ක්‍රමයක් යොදාගන්නා බව ඔවුන් විශ්වාස කලහ.ONR ආයතනයට සෝවියට් සහ ඇමෙරිකානු තාක්ෂණයන් සංසන්දනයක් කිරීමට උවමනාවක් තිබිණි.නමුත් ඒ සඳහා ඔවුන් NP 9 මධ්‍යස්ථානයට පිවිසිය යුතුව තිබිණි.නමුත් එහි පිහිටීම හිමකඩන නෞකාවකට හෝ හෙලිකොප්ටරයකට ළඟාවිය නොහැකි සීමාවක පිහිටා තිබිණි.

Fulton surface-to-air recovery system හෙවත් Skyhook එනම් ගමන් කරන ගුවන් යානයක් කේබලයක් ආධාරයෙන් පොළොවේ සිටින අයෙක් ඩැහැගැනීමේ ක්‍රමය සොයාගත් CIA සංවිධානයේ රොබට් ඊ. ෆෝල්ටන්

Fulton surface-to-air recovery system

Fulton surface-to-air recovery system ප්‍රායෝගිකව යොදාගත් අවස්ථාවක්

මෙම රහස් මෙහෙයුමට අණ දුන්නේ කැප්ටන් ජෝන් කැඩ්වොලඩර් විසිනි.මෙහෙයුම සඳහා "Fulton surface-to-air recovery system" පද්ධතිය භාවිතා කිරීමේ හැකියාව තිබෙන බව ඔහුට වැටහිණි.NP 9 මධ්‍යස්ථානයට පිරිසක් ගොඩබැස්සවීමට 1961 සැප්තැම්බර් මාසයේ යහපත් කාලගුණයක් සහිත දිනක් යොදාගන්නා ලදි.NP 9 මධ්‍යස්ථානය ග්‍රීන්ලන්තයේ Thule හි එක්සත් ජනපද ගුවන් කඳවුරේ සිට කි.මී.970ක් දුරින් පිහිටා තිබිණි.

Thule ගුවන් කඳවුරේ පිහිටීම

ONR ආයතනය විසින් මෙහෙයුම සඳහා අත්දැකීම් සහිත පැරෂූට්කරුවෙක් සහ රුසියානු භාෂාවේදියෙක් වූ මේජර් ජේම්ස් ස්මිත් නැමැත්තා සහ හිටපු ඇන්ටාක්ටික් භූවිද්‍යා විශේෂඥයෙක් වන ලුතිනන් ලෙනාඩ් ඒ ලෙස්චැක්(පැනීම සම්බන්ධව අත්දැකීම් නොමැති නිසා මොහුට පැරෂුට් පැනීම සම්බන්ධව පාඨමාලාවක් කිරීමට සිදුවිය) තෝරාගන්නා ලදි.ඉන්පසු ඔවුන් දෙදෙනාටම Fulton surface-to-air recovery system පද්ධතිය සම්බන්ධ මනා පුහුණුවක් ලබාදෙන ලදි.

දකුණුපස ඉහළින්:ජේම්ස් ස්මිත් පහළින්:ලෙනාඩ් ඒ ලෙස්චැක්(1962 ජූනි 2 දා යානයක් තුල)

1962 මාර්තු මාසයේ අලුත් හෝඩුවාවක් ලැබිණි.ඒ NP 8 නම් සෝවියට් මධ්‍යස්ථානයද අතහැර දමා තිබෙන බවයි.එම මධ්‍යස්ථානය කැනඩාවේ ගුවන් පථයක් ආසන්නයේ පිහිටා තිබූ අතර NP 9 මධ්‍යස්ථානයට වඩා යාවත්කාලීන කල එකක් විය.ඒ නිසා ඇමෙරිකානුවන් ඔවුන්ගේ අවධානය NP 8 මධ්‍යස්ථානය වෙත යොමුකලෝය.1962 මැයි 28 දා CIA සංවිධානය වෙනුවෙන් විශේෂයෙන් සැකසූ B-17 Flying Fortress 44-85531 යානයක් මගින් ලෙනාඩ් ඒ ලෙස්චැක්,ජේම්ස් ස්මිත් යන දෙදෙනා පැරෂූට් යොදාගෙන සෝවියට් NP 8 මධ්‍යස්ථානය වෙත ගොඩබස්සවන ලදි.ඉන්පසු ජූනි 1දා යළි පැමිණි B-17 යානය විසින් ඇමෙරිකානුවන් දෙදෙනා සොයාගත් සෝවියට් උපකරණ පළමුව ඉවත් කරගන්නා ලදි.අවසානයේදී ලෙස්චැක් සහ ස්මිත් යන දෙදෙනා රැගෙන යාමට ගුවන් වාර දෙකක් ක්‍රියාත්මක කෙරිණි.මෙම මෙහෙයුමේදී B-17 යානයේ Fulton Skyhook system පද්ධතිය ස්ථාපනය කර තිබිණි.

මෙහෙයුමට යොදාගත් විශේෂිත B-17 යානය(1962 මැයි)

Operation Coldfeet මෙහෙයුම සාර්ථක එකක් විය.සෝවියට් දේශයේ ආක්ටික් ගවේෂණ ක්‍රියාකාරකම් සහ අයිස් යටින් ගමන් කරන ඇමෙරිකානු සබ්මැරීන අනාවරණය කරගැනීමේ ධ්වනික පද්ධති ගැන වැදගත් තොරතුරු ඒ ඔස්සේ එක්සත් ජනපදය විසින් සොයාගෙන තිබේ.ඒ තොරතුරු අනුව යමින් ඔවුන් ආක්ටික් කලාපයේ ප්‍රති-සබ්මැරීන සංග්‍රාමික තාක්ෂණයන් වැඩිදියුණු කරන ලදි.

Source:cracked.com