ලෙබනනය සමග උතුරු දේශසීමාවේ සතුරු උමං වලට එරෙහිව සටන් කිරීම විශේෂ අරමුණ කරගත් ඒකකයක් පිහිටුවීමට ඊශ්‍රායල ආරක්ෂක හමුදා පියවර ගෙන තිබේ.

පසුගිය ශීත සෘතුවේ සිදු කල ඔපරේෂන් නෝර්තන් ෂීල්ඩ් මෙහෙයුමේදී සොයා ගත් හිස්බුල්ලා සංවිධානයට අයත් ප්‍රහාරක උමං මාර්ගයක් මැයි මස 29දා ඊශ්‍රායල හමුදාව විසින් අනාවරණය කලේය.මෙතෙක් සොයාගත් දිගම සහ අතිශය සුවිශේෂි උමං මාර්ගය ලෙස එය හඳුන්වා දී තිබේ.

භූගත උමං මාර්ග,නගර සහ මට්ටම් කිහිපයකින් සමන්විත ගුහා තවමත් ගරිල්ලා යුද්ධයේ බලවත් සහ කාර්යක්ෂම මෙවලමක්ව තිබේ.ලෙබනනය සහ සිරියාව පටන් ඇෆ්ගනිස්ථානය දක්වා මෙම ආරක්ෂක විධිවිධාන පද්ධති විදේශීය සහ රජයේ සාම්ප්‍රදායික හමුදාවලට එරෙහිව අවියක් ලෙස දිගින් දිගටම භාවිතා කරන අතරේ ඒවා සිවිල් ජනාවාසවලටද දැඩි අභියෝගයක් බවට පත්ව ඇත.