එල්බිට් සිස්ටම්ස් සමාගමේ "සීගල්" නම් ස්වාධීනව ක්‍රියා කල හැකි බෝට්ටුව ග්‍රීසියේ නාවික හමුදාව සහ ඊශ්‍රායල නාවික හමුදාව පසුගියදා පැවැත්වූ ප්‍රති-සබ්මැරීන සංග්‍රාමික අභ්‍යාසයක් සඳහා භාවිතා කලේය.

සබ්මැරීන දඬයම ලිපි පෙළේ මුල් කොටස් තුන ඔස්සේ කතා කලේ දැනට ලෝකයේ නාවික හමුදාවන් විසින් භාවිතා කරන සබ්මැරීන දෙවර්ගය සම්බන්ධවයි.ඒ හරහා එම සබ්මැරීන වල හැකියාවන් සහ දුර්වලතා ගැන ප්‍රමාණවත් අවබෝධයක් ඔබට ලැබෙන්නට ඇතැයි සිතමි.මෙම ලිපිය ඔස්සේ කතා කරන්නේ ප්‍රති-සබ්මැරීන සංග්‍රාමික ෆ්ලැට්පෝම් සම්බන්ධවයි.සබ්මැරීන දඬයම් කිරීම සඳහා නෞකා,ගුවන් යානා,හෙලිකොප්ටර් සහ වෙනත් සබ්මැරීනද භාවිතා කරයි.

ගුවන් යානා ප්‍රවාහන නෞකා යනු සබ්මැරීනවල පහසු ගොදුරකි.ඒවා ආරක්ෂා කිරීමට ප්‍රති-සබ්මැරීන සංග්‍රාමික ෆ්ලැට්පෝම් බහුලව භාවිතා කරයි

ප්‍රති-සබ්මැරීන සංග්‍රාමය යනු අතිශය සංකීර්ණ/දුෂ්කර කාර්යයක් වන අතර ඒ සඳහා ගොඩබිම්,මුහුදු සහ ගුවන් සහායේ ඒකාබද්ධවීමක් අවශ්‍ය කෙරේ.යම් රටක් එය සතු නෞකා යොදාගෙන සබ්මැරීන දඬයම් කිරීමට තීරණය කලේ නම් සහ ඔවුන් සතුව හොඳ ප්‍රති-සබ්මැරීන සංග්‍රාමික හෙලිකොප්ටරයක් නොමැති නම් සතුරු සබ්මැරීනය අනාවරණය කරගැනීම සහ එය ලුහුබැඳීම දුෂ්කර කාර්යයක් වනු නියතය.

හෙලිකොප්ටර් යානා

හෙලිකොප්ටර් යනු ප්‍රති-සබ්මැරීන සංග්‍රාමයකදී වඩාත් ප්‍රතිඵලදායි අවියකි.මන්ද ඒවාට සබ්මැරීනවලින් එල්ලවන ටෝර්පිඩෝ සහ මිසයිල ප්‍රහාරවලින් ඈත්ව සිටීමට පුලුවන් නිසාය.සමහර සබ්මැරීන ගුවන් යානා සහ හෙලිකොප්ටර්වලට ප්‍රහාර එල්ල කල හැකි ගුවන් ආරක්ෂණ මිසයිල රැගෙන ගියද,එවැනි අවස්ථාවක් උදා වන්නේ කලාතුරකින්ය.බොහොමයක් සබ්මැරීන ඒවා රැගෙන නොයයි.සබ්මැරීන දඬයමේ යන නෞකාවක් බොහෝවිට එයත් සමග හෙලිකොප්ටර් යානාවක් හෝ දෙකක් ගෙනයයි.ඒවා සබ්මැරීන දඬයම් කිරීම සඳහා විශේෂයෙන් නිර්මාණය කල ඒවාය.මෙම හෙලිකොප්ටර් යානාවන් ගිල්වන සෝනාර්,ධ්වනිබෝයාව,විශ්ලේෂණ උපාංග සහ ප්‍රධාන අවිය ලෙස සැහැල්ලු ටෝර්පිඩෝද රැගෙන යයි.ප්‍රති-සබ්මැරීන සංග්‍රාමික හෙලිකොප්ටර් ලෙස සිකෝර්ස්කි එස් එච්-3 සීකිං(Sikorsky SH-3 Seaking),එච්-60 සීහැවොක්(SH-60 Seahawk),කමොව්-27(Kamov Ka-27) ආදිය ලොව පුරා නාවික හමුදාවන් බහුලවම භාවිතා කරයි.

රුසියාවේ Kamov Ka-27 හෙලිකොප්ටරයක්

නියමානුකූල ප්‍රති-සබ්මැරීන සංග්‍රාමික මෙහෙයුමකදී නෞකාවක සෝනාර් උපාංග ඔස්සේ සතුරු සබ්මැරීනය අනාවරණය කරගැනේ.ඉන්පසු සතුරු සබ්මැරීනය ලුහුබැඳීමට සහ එහි පිහිටීම ඉතා නිරවද්‍යව හඳුනාගැනීමට එම නෞකාව සතු ප්‍රති-සබ්මැරීන සංග්‍රාමික හෙලිකොප්ටරය පිටත් කර හරියි.සාගරයේ යම් ප්‍රදේශයකදී සබ්මැරීනයක් තිබෙන බව අනාවරණය කරගත් පසු හෙලිකොප්ටරය විසින් ධ්වනිබෝයා-sonobuoy(කුඩා ප්‍රමාණයේ සෝනාර්)එම ප්‍රදේශයට හෙළන ලැබේ.ඒ සබ්මැරීනය තිබෙන ස්ථානය තිතටම දැනගැනීමටයි.ඉන්පසු ධ්වනිබෝයාවෙන් ලැබෙන සංඥා අනුව හෙලිකොප්ටරය විසින් සබ්මැරීනය ලුහුබැද යයි.

ඇමෙරිකානු SH-60 Seahawk හෙලිකොප්ටරයක් මගින් සෝනාර් උපාංගයක් ජලයේ ගිල්වන අයුරු

ධ්වනිබෝයාව සපයන සංඥා අනුව සබ්මැරීනය තිබෙන ස්ථානය නිවැරදිව ගණනය කරගෙන හෙලිකොප්ටරය මගින් ටෝර්පිඩෝවක් මුහුද හෙළයි.ටෝර්පිඩෝව ජලයේ ගැටුණු වහාම ක්‍රියාත්මක වන අතර එහි මෝටරය පණගැන්වී ගමන් කරන්නට පටන් ගනියි.ටෝපිඩෝව සතුවත් සෝනාර් උපාංගයක් තිබේ.එය යොදාගෙන ඉලක්ක කල සබ්මැරීනය සොයාගෙන යා හැකිය.ටෝර්පිඩෝව නිරවද්‍ය ස්ථානයේ,යෝග්‍ය කාලය තුල හෙළන ලද්දේ නම් එය අනිවාර්යෙන්ම සතුරු සබ්මැරීනයට මහත් හානියක් අත්කර දෙනු ඇත.

ඇමෙරිකානු Sikorsky SH-3 Seaking හෙලිකොප්ටරයක් මගින් චුම්භක විෂමතා අනාවරකයක් මුහුදට හෙළන අයුරු

සැහැල්ලු ටෝර්පිඩෝවක් රැගෙන යන NH90 හෙලිකොප්ටරයක්

මෙම හෙලිකොප්ටර්වල තිබෙන වාසිය නම් ඒවාට සිය මවු නෞකාවේ සිට කි.මී.සියගණනක් ඈතින් තිබෙන සතුරු සබ්මැරීන පවා දඩයම් කිරීමේ හැකියාව තිබීම සහ සතුරු සබ්මැරීනයක් නෞකා සමූහයක් වෙතට ලගා වීමට පොරොත්තුව ඒවා ආරක්ෂා කිරීමට හැකිවීමයි.තවද ඒවාට පැය 4කට වැඩි කාලයක් ගුවනේ රැදී සිටිමින් තර්ජනයකට වහාම ප්‍රතිචාර දැක්වීමට හැකියාව තිබේ.

Seahawk හෙලිකොප්ටරයකින් Mk46 ටෝර්පිඩෝවක් මුදාහරින අයුරු

අචල පියාපත් සහිත ගුවන් යානා

අචල පියාපත් සහිත ගුවන් යානා ප්‍රති-සබ්මැරීන සහ ප්‍රති-නෞකා ගුවන් යානා ලෙස දෙවන ලෝක යුද සමයේ පටන් යොදාගත්තේ ටෝර්පිඩෝ හෙළන යානා වශයෙනි.ප්‍රති-සබ්මැරීන සංග්‍රාමික හැකියාවන් සහිත නාවික මුර සංචාරක යානා සීතල යුද සමයේදී අතිශය ජනප්‍රිය වූ අතර පුළුල්ව භාවිතා කරන ලදි.මෙම ගුවන් යානා දෙවන ලෝක යුද්ධයේ පටන් ඒවාහි ප්‍රමාණයෙන්,පරාසයෙන්,ගෙන යන අවි ප්‍රමාණයෙන් සහ කාර්යසාධනයෙන් වර්ධනය විය.

රුසියානු Tu-142 යානයක් සහ ඇමෙරිකානු P-3 Orion යානයක් එකිනෙකට ආසන්නයෙන් පියාසර කල දුර්ලභ අවස්ථාවක්

මෙම ගුවන් යානා කිසිදු සෝනාර් උපාංගයක් රැගෙන නොයන අතර ඔවුන් ධ්වනිබෝයා,චුම්භක විෂමතා අනාවරකය සහ නෞකාවල සෝනාර්,සතුරු සබ්මැරීන සොයාගැනීමට භාවිතා කරයි.ගුවන් යානා භාවිතයේ තිබෙන වාසිය නම් ඒවාට පැය 8-18 අතර කාලයක් මුර සංචාරයේ යෙදීමට හැකිවීමත් වැඩි වේගයකින් දුරින් පිහිටි සබ්මැරීන හඹා යා හැකිවීමත්ය.තවද ඔවුන්ට හෙලිකොප්ටරයකට වඩා වැඩි වේගයෙන් ඉලක්ක කරන ස්ථාන වෙත ළඟාවීමේ හැකියාව තිබේ.දැනට භාවිත කරන ප්‍රසිද්ධතම ප්‍රති-සබ්මැරීන සංග්‍රාමික ගුවන් යානා වන්නේ ලොක්හීඩ් පී-3 ඔරායන්(Lockheed P-3 Orion),ටියුපොලෙව්-142(Tupolev Tu-142),බ්‍රිගෙට් ඇට්ලාන්ටික්( Breguet Atlantic) සහ බොයින් පී-8 පසයිඩන්(Boeing P-8 Poseidon) ආදියයි.

Breguet Atlantic යානයක්-එහි දිගු වල්ගයේ චුම්භක විෂමතා අනාවරකය අඩංගුය

මෙහෙයුමක් අතරතුර මෙම ගුවන් යානාවලට පැවරෙන්නේ දෙනු ලබන මුහුදු ප්‍රදේශයක මුර සංචාරයේ යෙදීමයි.සතුරු සබ්මැරීනයක් ඇති බවට නෞකාවලින් හෝ ධ්වනිබෝයාවලින් තොරතුරු හෝ සංඥා ලැබේ නම් ගුවන් යානය වහාම එම ප්‍රදේශයට ළඟාවී ධ්වනිබෝයා ගිල්වීමෙන් සහ චුම්භක විෂමතා අනාවරකය යොදාගෙන ප්‍රදේශය පරිලෝකනය කරයි.සතුරු සබ්මැරීනය සොයාගත් වහාම සිය බෝම්බ ගබඩාවේ තිබෙන සැහැල්ලු ටෝර්පිඩෝව මුහුදට හෙළනු ලැබේ.ජලයේ ගැටෙන වේගය බාල කිරීමට ටෝර්පිඩෝවට පැරෂූටයක් සම්බන්ධ කර තිබේ.ටෝර්පිඩෝව ජලයේ ගැටුණු වහාම ක්‍රියාත්මක වූ සතුරා සොයාගෙන ගමන් කිරීම අරඹයි.

ධ්වනි බෝයා P-3 යානයකට ඇතුල් කරන අයුරු සහ පැරෂූට් ආධාරයෙන් මුහුදට හෙළන අයුරු

සීතල යුද සමයේ සෝවියට් සබ්මැරීන දඬයම් කිරීම සඳහා එක්සත් ජනපදය සතුව පී-3 යානා 300ක් පමණ තිබිණි.සෝවියට් දේශය ආසන්න වශයෙන් ටියුපොලෙව්-142 යානා සියයක් පමණ සේවයේ යොදවා තිබූ බව කියවේ.එක්සත් ජනපදය සිය පී-3 යානා සමූහය ක්‍රමයෙන් විශ්‍රාම යවමින් ඒවා සඳහා පී-8 යානා 100ක් ආදේශ කිරීමෙහි යෙදී සිටියි.

ඇමෙරිකානු නාවික හමුදාවේ P-8A යානයකින් Mk54 ටෝර්පිඩෝවක් හෙළන අයුරු

නෞකා

නෞකා යනු ප්‍රති-සබ්මැරීන සංග්‍රාමයේ පාලන මධ්‍යස්ථානයි.ඒවා සතුව තිබෙන්නේ දිගු දුරක් ආවරණය කල හැකි අතිශය බලවත් සෝනාර් උපාංගයි.නෞකාවල තිබෙන බලසම්පන්නකම වනුයේ අනෙකුත් ප්‍රති-සබ්මැරීන සංග්‍රාමික ප්ලැට්ෆෝම්වලට වඩා ඒවාට අවි සහ සංවේදක උපාංග වැඩි ප්‍රමාණයක් රැගෙන යා හැකි වීමයි.නෞකාවල ගෙන යන එකිනෙකට වෙනස් සෝනාර් උපාංග ඔස්සේ ඉදිරිපසින්,දෙපසින්,පිටුපසින් සහ ගැඹුරු මුහුදේදී ඊට බොහෝ ගැඹුරින් ගමන් කරන සබ්මැරීන හඳුනාගැනීමට සහාය වේ.ඔවුන් රැගෙන යන ප්‍රති-සංග්‍රාමික හෙලිකොප්ටර් නිසා සබ්මැරීන වලට ප්‍රහාර එල්ල කරන්නට නව මානයක් එක්වී තිබේ.මුහුදු-ගුවන් ඒකාබද්ධ මෙහෙයුම් සබ්මැරීන දඩයම අතිශය ඵලදායි එකක් කරයි.

රුසියානු නාවික හමුදාවට අයත් Udaloy පන්තියේ destroyer වර්ගයේ ප්‍රති-සබ්මැරීන සංග්‍රාමික නෞකාව

Visby පන්තියේ නෞකා නොගැඹුරු මුහුදේ සබ්මැරීන දඩයම් කිරීමට සුදුසුය

සීතල යුද සමයේදී සෝවියට් දේශය සහ ඇමෙරිකා එක්සත් ජනපදය ප්‍රති-සබ්මැරීන සංග්‍රාමය උදෙසා විශේෂිත destroyer සහ frigate වර්ගයේ නෞකා විශාල ප්‍රමාණයක් නිපදවන ලදි.ඒවා ටෝර්පිඩෝ,මිසයිල,රොකට් සහ හෙලිකොප්ටර් රැගෙන යන්නේ සතුරු සබ්මැරීනවලට මාරාන්තික අභියෝගයක් එල්ල කරමින්ය.frigate සහ destroyer යනු නාවික හමුදාවක් සතු විශාලතම නෞකා විශේෂ දෙකකි.ඒවා ගැඹුරු මුහුදේ සබ්මැරීන දඩයම් කිරීම සඳහා යොදාගැනේ.නමුත් නොගැඹුරු මුහුදේ මෙහෙයුම් සඳහා වෙරළාශ්‍රිත අධි වේගී යාත්‍රා හෙවත් corvette යොදාගැනේ.මන්ද ඒවා ප්‍රමාණයෙන් කුඩා නොගැඹුරු මුහුදේ කඩිසරව යාත්‍රා කරන පහසුවෙන් හැසිරවිය හැකි වර්ගයේ යාත්‍රා වන නිසාය.නොගැඹුරු මුහුදේ රජ කරන ඩීසල්-විදුලි සබ්මැරීන දඩයම සඳහා corvette වර්ගයේ යාත්‍රා සැහැල්ලු ටෝර්පිඩෝ සහ රොකට් භාවිතා කරයි.

එක්සත් ජනපද නාවික හමුදාවේ Burke පන්තියේ corvette වර්ගයේ නෞකාවක දැවැන්ත ඉදිරිපස සෝනාර් ශිඛරය

ඉන්දියානු නාවික හමුදාව සතු Kamorta පන්තියේ corvette වර්ගයේ ප්‍රති-සබ්මැරීන සංග්‍රාමික නෞකාවක්

සබ්මැරීන

සබ්මැරීනයකට එරෙහිව යොදාගත හැකි හොඳම අවිය තවත් සබ්මැරීනයකි.ඒවා අධිබරැති ටෝර්පිඩෝ යොදාගෙන අනෙක් සබ්මැරීන වලට පහරදෙයි.ඩීසල්-විදුලි සබ්මැරීනවලට සාපේක්ෂව න්‍යෂ්ඨික සබ්මැරීන සතුව විශාල අවි තොගයක්,සංවේදක,අනාවරක වැඩි ප්‍රමාණයක් සහ දෙගුණයක වේගයක් තිබේ.එම නිසා යුද්ධයකදී න්‍යෂ්ඨික සබ්මැරීනයක් දියත් කිරීම යනු සතුරන්ගේ ඩීසල් සබ්මැරීන වරායට සීමා කිරීමක් හා සමානය.නමුත් වෙරළාශ්‍රිත මෙහෙයුම් සඳහා බහුලව යොදාගන්නේ සහ වඩාත්ම යෝග්‍ය වන්නේ ඩීසල්-විදුලි සබ්මැරීනයි.

සීවුල්ෆ් පන්තියේ ඇමෙරිකානු න්‍යෂ්ඨික සබ්මැරීන ලොව තිබෙන වඩාත් නිහඬතම සබ්මැරීන වේ

රුසියාවේ "කිලෝ" පන්තියේ සබ්මැරීනයක්

නව ප්‍රවණතා

21 සියවස යනු ඩ්‍රෝන් තාක්ෂණයේ ආධිපත්‍යට නතුවූ සමයකි.සබ්මැරීන දඩයමටද මිනිසුන් රහිත නෞකා මෙන්ම සබ්මැරීනද ඉදිරි කාලයේදී යෙදෙවනු ඇත.ඇමෙරිකාවේ DARPA ආයතනය ඩ්‍රෝන් නෞකාවක් යොදාගෙන සබ්මැරීන දඩයමට සැරසෙමින් සිටියි.දැනට අත්හදා බැලීම් අදියරයේ තිබෙන මෙම ව්‍යාපෘතිය ASW Continuous Trail Unmanned Vessel (ACTUV) නමින් හඳුන්වයි.එය ප්‍රති-සබ්මැරීන ඩ්‍රෝන් යාත්‍රාවකි.

ASW Continuous Trail Unmanned Vessel (ACTUV)

Source:defencyclopedia.com

සබ්මැරීන දඩයම ලිපි පෙලේ තුන්වන කොටස ඉදිරිපත් කරන්නයි මේ සූදානම් වන්නේ.මීට පෙර ලිපියෙන් "ඩීසල්-විදුලි සබ්මැරීන" ගැන සංක්ෂිප්ත විස්තරයක් ගෙන එන ලදි.මෙම කොටසින් කතා කරන්නේ මාස ගණනක් වුවද මහා සාගරයේ ගත කල හැකි ,මහද්වීපයක් වුවද විනාශ කර දැමීමට වුවද ප්‍රමාණවත් න්‍යෂ්ඨික අවි ගෙන යා හැකි,යළි ඉන්ධන ලබාගන්නා තෙක් දශකයකට වැඩි කාලයක් වුවද යාත්‍රා කිරීමට හැකි සබ්මැරීන වර්ගයක් සම්බන්ධවයි.මෙම හැකියාවන්ගේ එකතුව සහිත සබ්මැරීනයක් නූතන සංග්‍රාමයකදී අතිමහත් විනාශයක් සිය සතුරන්ට ලගාකර දිය හැකි අවියක් වේ.මේවා න්‍යෂ්ඨික සබ්මැරීන නම් වේ.

න්‍යෂ්ඨික සබ්මැරීනයක කොටස්

න්‍යෂ්ඨික සබ්මැරීනයකට බලය සපයන්නේ දියයට,සීමා සහිත පරිසරයක් තුල භාවිතා කල හැකි අයුරින් නවීකරණය කල න්‍යෂ්ඨික ප්‍රතික්‍රියාකාරකයක් මගින්ය.මෙම න්‍යෂ්ඨික ප්‍රතික්‍රියාකාරකය උත්පාදනය කරන තාපය යොදාගෙන නිපදවන හුමාලයෙන් ටර්බයින් ක්‍රියාත්මක කරවන අතර ඊට අවරපෙත්ත සහ අභ්‍යන්තර කාර්යයන් සඳහා අවශ්‍ය බැටරි ආරෝපණය කිරීම ජෙනරේටරය සම්බන්ධ කර තිබේ.න්‍යෂ්ඨික ප්‍රතික්‍රියාකාරකය සබ්මැරීනවලට අසීමිත පරාසයක් සහ මාස ගණනක් ජලය යට ගත කිරීමට අවස්ථාව සලසා දි තිබේ.ඒවාහි තිබෙන අභ්‍යන්තර ඔක්සිජන් උත්පාදන පද්ධති සහ ආහාර,ජලය විශාල ප්‍රමාණයක් ගබඩා කිරීමට ඇති හැකියාව නිසා සාමාන්‍යයෙන් න්‍යෂ්ඨික සබ්මැරීනයකට දින 90 ක පමණ කාලයක් නැවත සැපයුම් ලබාගන්නා තුරු එකදිගට ජලය යට ගත කිරීමට හැකියාව තිබේ.

එක්සත් ජනපද න්‍යෂ්ඨික සබ්මැරීනයක එන්ජින් සැලැස්ම

ප්‍රති-සබ්මැරීන සංග්‍රාමයක නපුරු සිහිනයක් ලෙස න්‍යෂ්ඨික සබ්මැරීනයක් හැඳින්විය හැකිය.ඊට හේතුව ඒවාට මීටර් 600 වඩා ගැඹුරට කිමිදීමට හැකිවීමත්,දියයටදී නාවික සැතපුම් 30-35 වේගයකින් ගමන් කල හැකිවීමයි.මෙය ඩීසල්-විදුලි සබ්මැරීනවලින් ලබාගත නොහැකි වාසියකි.ඩීසල්-විදුලි සබ්මැරීන Hatchback වර්ගයේ මෝටර් රථයකට සමාන කලහොත්,එවැන්නක් ඕනෑම කෙනෙකුට ලබාගැනීමේ හැකියාව තිබේ.මෙහෙයවීම පහසුය.මිලෙන් අඩුය.න්‍යෂ්ඨික සබ්මැරීනයක් Hummer රථයකට සමාන කලහොත්,එවැන්නක් සතු කරගැනීම පහසු නොවේ.සුළු පිරිසකට පමණක් එවැන්නක් ලබාගත හැකිය.මිලෙන් අධිකය.අතිශය බලවත්ය.මේ නිසා ලොව රටවල් 6ක් පමණක් න්‍යෂ්ඨික සබ්මැරීන භාවිතා කරයි.රටවල් 50ක් ඩීසල්-විදුලි සබ්මැරීන භාවිතා කරයි.

SSN සබ්මැරීන

SSN සබ්මැරීන සාගරයේ රජෙක් වැනිය. SS යන්න මගින් සබ්මැරීනය(Submarine) යන්නද N අකුරින් න්‍යෂ්ඨික බලය(nuclear power) යන්නද නිරූපණය කරයි.මේවා ඉහළ වේගයකින් ගමන් කල හැකි සතුරු නෞකා,සබ්මැරීන සහ ගොඩබිම් ඉලක්ක වෙත කෲස් මිසයිල හෝ ටෝර්පිඩෝ යොදාගෙන ප්‍රහාර එල්ල කල හැකි සබ්මැරීන වේ.SSN සබ්මැරීන සාමාන්‍යයෙන් මෙහෙයුම්වල යෙදෙන්නේ යුද නෞකා කණ්ඩායමක් සමග හෝ හුදකලාවයි.වැඩි කාලයක් ජලය යට ගත කිරීමට තිබෙන හැකියාව,යාත්‍රා කල හැකි දුර ප්‍රමාණය වැඩිවීම සහ ඉහළ වේගයක් තිබීම ආදිය නිසා සතුරු නෞකා සහ ඩීසල්-විදුලි සබ්මැරීනවලට පහරදීමට න්‍යෂ්ඨික සබ්මැරීන යොදාගත හැකිය.මෙම සබ්මැරීනවලට තිබෙන හැකියාව පෙන්වූ අවස්ථාවක් ලෙස ෆෝක්ලන්ඩ් යුද්ධය පෙන්වා දිය හැකිය.එහිදී බ්‍රිතාන්‍ය සතු න්‍යෂ්ඨික සබ්මැරීනයක් එල්ල කල ටෝර්පිඩෝ ප්‍රහාරයක් නිසා ආර්ජන්ටිනාවේ General Belgrano නම් යුද නෞකාව ගිලීගිය අතර ඉන්පසුව ආර්ජන්ටිනාව සිය නෞකා සියල්ල ෆෝක්ලන්ඩ් දූපත් ආශ්‍රිත මුහුදු ප්‍රදේශයෙන් ඉවත් කරගන්නා ලදි.

ලොව පළමු න්‍යෂ්ඨික බලයෙන් ක්‍රියාත්මක වන ප්‍රහාරක සබ්මැරීනය(SSN) වන්නේ 1954 වසරේදී දියත් කල එක්සත් ජනපද නාවික හමුදාවේ USS Nautilus නම් සබ්මැරීනයයි.පහත දැක්වෙන්නේ SNN වර්ගයේ සබ්මැරීන සතු රටවල් සහ ඒවාහි පන්තීන්ය.

ඇමෙරිකා එක්සත් ජනපදය සතු Los Angeles පන්තියේ සබ්මැරීනයක්

රුසියාවේ Akula පන්තියේ සබ්මැරීනයක්

එක්සත් රාජධානියේ Astute පන්තියේ සබ්මැරීනයක්

ප්‍රංශය සතු Rubis පන්තියේ Casabianca නම් සබ්මැරීනයක්

චීනයේ Type 093 සබ්මැරීනයක්

ඇමෙරිකා එක්සත් ජනපදයේ Los Angeles පන්තියේ සබ්මැරීන සතුව කෲස් මිසයිල නිකුත් කිරීමට සිරස් දියත් කිරීමේ පද්ධතියක් තිබේ.කෲස් මිසයිල සාමාන්‍යයෙන් දියත් කරන්නේ සබ්මැරීනවල ටෝර්පිඩෝ ටියුබ්වලින්ය.එක්සත් ජනපදය,රුසියාව,චීනය,ප්‍රංශය ආදී රටවල් තමන්ගේ ප්‍රහාරක න්‍යෂ්ඨික සබ්මැරීන නිපදවන රටවල්ය.මෙම කණ්ඩායමට අලුතින්ම එකතුවූ රට වන්නේ අසල්වැසි ඉන්දියාවයි.ඉන්දියාව රුසියාවෙන් බද්දට ගත් Akula පන්තියේ සබ්මැරීනයක් INS Chakra යන නමින් මෙහෙයුම්වල යොදවා තිබේ(න්‍යෂ්ඨික සබ්මැරීන අලෙවි කිරීම ජාත්‍යන්තර නීතියට පටහැනිය).

බැලස්ටික් මිසයිල සබ්මැරීන(SSBN)

SSBN යනු න්‍යෂ්ඨික අවි ශිර්ෂ සහිත බැලස්ටික් මිසයිල දියත් කල හැකි සබ්මැරීන වර්ගයකි.SS යන්නෙන් "සබ්මැරීන"(Submarine) යන වචනයද,B අකුරින් "බැලස්ටික් මිසයිල"(ballistic missile) සහ N අක්ෂරයෙන් "න්‍යෂ්ඨික බලැති"(nuclear powered) යන්නද නිරූපණය කෙරේ.මේවා සීතල යුද සමයේදී ඇමෙරිකා එක්සත් ජනපදය සහ සෝවියට් දේශය සතුව තිබූ ප්‍රධානතම අවි පද්ධතියක් විය.මෙම සබ්මැරීන සතු මෙහෙයුම වන්නේ න්‍යෂ්ඨික යුද්ධයකදී සැඟවී සිට න්‍යෂ්ඨික අවි ශීර්ෂ සහිත බැලස්ටික් මිසයිල එල්ල කිරීමයි.ඒ අනුව සැබෑ සංග්‍රාමයකදී සබ්මැරීනයකින් මිසයිලයක් දියත් කිරීම යනු තුන්වන ලෝක යුද්ධයක් ඇරඹීයි.

ඉහත සඳහන් කල SNN වර්ගයේ න්‍යෂ්ඨික සබ්මැරීන සේවයේ යොදවා තිබෙන රටවල් අතරින් සමහරක් සතුව SSBN වර්ගයේ සබ්මැරීන තිබේ.ඉන්දියාව සිය රටේම නිපදවූ Arihant* සබ්මැරීන පන්තියේ පළමු සබ්මැරීනය තවමත් නිල වශයෙන් සේවයේ පිහිටුවා නැත.පහත දක්වා තිබෙන්නේ SSBN වර්ගයේ සබ්මැරීන සතු රටවල් සහ ඔවුන් සතු SSBN සබ්මැරීන පන්තීන්ය.

ඇමෙරිකා එක්සත් ජනපදය සතු Ohio පන්තියේ USS Alabama (SSBN-731) නම් සබ්මැරීනය

රුසියාවේ Delta II class පන්තියේ සබ්මැරීනයක්

රුසියාවේ Typhoon පන්තියේ සබ්මැරීනයක්

රුසියාව සතු Borei පන්තියේ පළමු සබ්මැරීනය වන K-535 Yury Dolgorukiy

එක්සත් රාජධානියේ රාජකීය නාවික හමුදාවේ Vanguard පන්තියේ HMS Vanguard නම් සබ්මැරීනය

ප්‍රංශය සතු Triomphant පන්තියේ සබ්මැරීනයක්

චීනයේ Type 094 සබ්මැරීනයක්

ඉන්දියාවේ පළමු බැලස්ටික් මිසයිල සබ්මැරීනය වන INS Arihant

SSBN වර්ගයේ සබ්මැරීනයක් දියත් කල පළමු රට වන්නේ සෝවියට් දේශයයි.එය Project 611 (Zulu IV class) නමින් හඳුන්වන ලදි.එක් බැලස්ටික් මිසයිල දියත් කිරීමේ හැකියාව තිබෙන ටියුබයකින් සමන්විත වූ එය, ප්‍රථම වරට SLBM වර්ගයේ බැලස්ටික් මිසයිලයක්( R-11FM) දියත් කල සබ්මැරීනය බවට පත්විය(1955 සැප්තැම්බර් 16).රුසියානු SSBN සබ්මැරීනවල R-29 බැලස්ටික් මිසයිල සහ නේටෝ/ඇමෙරිකානු SSBN සබ්මැරීනවල Polaris, Poseidon සහ Trident-II බැලස්ටික් මිසයිල රැගෙන යති.මුල් කාලීන SSBN සබ්මැරීන ජලය මතුපිටට විත් සිය බැලස්ටික් මිසයිල දියත් කල යුතු වුවද නූතන SSBN සබ්මැරීනවලට ජලය යට එනම් මීටර් 50ට නොඅඩු ගැඹුරක සිට මිසයිල දියත් කිරීමේ හැකියාව තිබේ.

වම්පස:ඇමෙරිකාවේ Ohio පන්තියේ සබ්මැරීනයක් දකුණුපස:සබ්මැරීනයකින් බැලස්ටික් මිසයිලයක් නිකුත් කරන අයුරු

කුඩා ප්‍රමාණයේ SSBN සබ්මැරීනයක් විශාලතම SSN සබ්මැරීනයක විශාලත්වයට සමානය.රුසියාව නිපදවා තිබෙන Typhoon පන්තියේ සබ්මැරීන ලොව විශාලතම සබ්මැරීනය ලෙස හැඳින්වේ.මේවාට දශක ගණනක ආයු කාලයක් තිබේ.මෙවැනි සබ්මැරීන අනාවරණය කරගැනීම සහ විනාශ කිරීම අතිදුෂ්කර කාර්යයකි.ඒවා රැගෙන යන බලවත් සෝනාර් පද්ධති,ඔබ ඔවුන් සොයාගැනීමට ප්‍රථමව ඔවුන්ට ඔබව සොයා ගනියි..

Seawolf පන්තියේ සබ්මැරීනයකින් ටෝර්පිඩෝ ප්‍රහාරයක් එල්ල කරන අයුරු

මෙම සබ්මැරීනවලට ගමන් කල හැකි ගැඹුර සහ වේගය ඩිසල්-විදුලි සබ්මැරීනවලට සාපේක්ෂව වඩා වැඩි නිසා ඒවා දඬයම් කිරීම ලේසි පහසු කටයුත්තක් නොවේ.ඇමෙරිකා එක්සත් ජනපදයේ ලොස් ඇන්ජලීස් පන්තියේ සබ්මැරීන වල උපරිම වේගය නාවුක සැතපුම් 30-32 පමණ වේ.රුසියානු Akula පන්තියේ සබ්මැරීන නාවුක සැතපුම් 35ක් වේගයක් වාර්තා කර තිබේ.කෙසේවෙතත් තමන්ගේ සබ්මැරීනවල සැබෑ හැකියාවන් හෙළිකිරීමෙන් වැළකී සිටීමට ඇමෙරිකාව සහ රුසියාව පෙළඹී සිටින නිසා න්‍යෂ්ඨික සබ්මැරීනවල උපරිම වේගය සම්බන්ධව තොරතුරු එතරම් ප්‍රසිද්ධියට පත්ව නොමැත.

ප්‍රංශයේ Le Terrible සබ්මැරීනය

න්‍යෂ්ඨික සබ්මැරීනවල තිබෙන එක් අවාසියක් වන්නේ ඒවාහි න්‍යෂ්ඨික ප්‍රතික්‍රියාකාරක උත්පාදනය කරන ශබ්දයයි.ඩීසල් විදුලි සබ්මැරීන මෙන් මේවාහි න්‍යෂ්ඨික ප්‍රතික්‍රියාකාරක නවතා දැමීම කල නොහැකිය.ඒවා හැමවිටම සක්‍රීයය.ඒ නිසා දියුණුතම ධ්වනි නිවාරණ ශිල්ප ක්‍රම යොදාගෙන න්‍යෂ්ඨික සබ්මැරීනවල ශබ්දය හැකි තරම් අවම කරගෙන තිබේ.

ලොව විශාලතම සබ්මැරීන වන Typhoon පන්තියේ සබ්මැරීන පහක්

කොළ පැහැයෙන්: ඩීසල් විදුලි සබ්මැරීන සහිත රටවල් තැඹිලි පැහැයෙන්:ඩීසල් විදුලි සහ බැලස්ටික් මිසයිල(න්‍යෂ්ඨික) සහිත සබ්මැරීන සතු රටවල්ද පෙන්වා තිබේ

ඊළඟ ලිපියෙන් සබ්මැරීන මහා සාගරයේදී අනාවරණය කරගන්නා අයුරු,ලුහුබඳින අයුරු සහ විනාශ කරන ආකාරය ගැන කතා කරමු.



Source:defencyclopedia.com

මේ දිග හැරෙන්නේ සබ්මැරීන දඩයම ලිපි පෙලේ දෙවන ලිපියයි.සබ්මැරීනවලට එරෙහි සංග්‍රාමයකදී පළමුව දැන ගත යුත්තේ ඔබේ සතුරා කුමන ආකාරයේ සබ්මැරීනයක්ද යන්නයි.දැන ලෝකයේ සබ්මැරීන දෙවර්ගයක් භාවිතා කෙරේ.එනම් ඩීසල්-විදුලි සබ්මැරීන සහ න්‍යෂ්ඨික සබ්මැරීනයි.මෙම ලිපියෙන් ඩීසල්- විදුලි සබ්මැරීන සම්බන්ධව සංක්ෂිප්ත විස්තරයක් ගෙන එනු ඇත.

ඩීසල්-විදුලි සබ්මැරීනයක එන්ජිම

ඩීසල්-විදුලි සබ්මැරීන යන නමින් කියවෙන පරිදි ඒවා ඩීසල් සහ විදුලිය යන දෙකෙන්ම ක්‍රියාත්මක වේ.ඒවාහි ඩීසල් ජෙනරේටරයකින් ආරෝපණය වන බැටරි විශාල ප්‍රමාණයක් තිබේ.මෙම සබ්මැරීනවලට තම බැටරි ආරෝපණය කරගැනීමට ජලය මතුපිටට පැමිණිය යුතුය.ඩීසල්-විදුලි සබ්මැරීන ජලය මතුපිටින් හෝ ආසන්නයෙන් ගමන් කරද්දී සිය ඩීසල් ජෙනරේටරය ක්‍රියාත්මක කරයි(ජලය මතුපිටට එන්නේ ඩීසල් ජෙනරේටරය වාතය නොමැතිව ක්‍රියාත්මක කල නොහැකි නිසාය.වාතය ලබාගන්න ස්නොර්කෙල් නම් උපකරණයක් ඒවා සතුව ඇත).ඩීසල් ජෙනරේටරය ක්‍රියාත්මක කරවා බැටරි ආරෝපණය කර ගැනීමෙන් පසුව ඔවුන්ට සාගරයේ ගැඹුරට ගමන් කර ඩීසල් ජෙනරේටර් අක්‍රීය කර සිය බැටරි බලයෙන් නිශ්ශබ්දව යාත්‍රා කල හැකිය. දින කිහිපයක් බැටරි බලයෙන් ක්‍රියා කල පසු යළි බැටරිවල බලය අඩුවී යන අතර සුපුරුදු පරිදි සබ්මැරීනයට ජලය මතුපිටට පැමිණ ඒවා ආරෝපණය කරගැනීමට සිදුවේ.ඩිසල්-විදුලි සබ්මැරීන SSK (Sub Surface Killer)/ඩීසෙල්ස් නමින්ද හඳුන්වයි.

USS U-3008 සබ්මැරීනයේ snorkel නම් උපකරණය

Kilo class සබ්මැරීනයක් හුස්ම ගන්නා අයුරු(snorkel උපකරණය ජලය මතුපිට පෙනෙන්නට තිබේ)

1.න්‍යෂ්ඨික සබ්මැරීනවලට සාපේක්ෂව ඉතා අවම ශබ්දයක් උත්පාදනය කරයි

2.කුඩා මෙන්ම කඩිසර නිසා නොගැඹුරු ජලය සහිත ප්‍රදේශවල මාරාන්තික අවියක් ලෙස ක්‍රියාත්මක වේ.

3.අවශ්‍ය අවස්ථාවක එන්ජින් අක්‍රීය කල හැකිය(නමුත් න්‍යෂ්ඨික සබ්මැරීනවල ප්‍රතික්‍රියාකාරකය පැය 24 ක්‍රියාත්මක වේ).

4.සාපේක්ෂව නිපදවීම පහසුය.නාවිකයන් පුහුණු කිරීම සහ නඩත්තුකිරීම,හැසිරවීම පහසුය.

5.නූතන ඩීසල්-විදුලි සබ්මැරීනවලට න්‍යෂ්ඨික සබ්මැරීනවලට මෙන්ම ගොඩබිම් ප්‍රහාර දියත් කිරීමේ හැකියාව තිබේ.


මුල් කාලයේදී ඩීසල්-විදුලි සබ්මැරීන මහත් ශබ්දයක් ඇතිකරන සහ සෙමින් ගමන් කරන ඒවා විය.නමුත් නූතන ඩීසල්-විදුලි සබ්මැරීන සතුව ශබ්දය කපා හැරිය හැකි පද්ධති තිබේ.වැඩිදියුණු කල සැලසුම් සහිතව පැමිණි පසුකාලීන ඩීසල්-විදුලි සබ්මැරීන වෙරළබඩ මුහුදු ප්‍රදේශවල සංග්‍රාමයන්හිදී මාරාන්තික සතුරෙක් වීමට හැකිව තිබෙන්නේ ඒවාට සිය ජෙනරේටර් අක්‍රීය කර කිසිදු ශබ්දයක් උත්පාදනය නොවන අයුරින් ගමන් කල හැකිවීම නිසාය.සතුරුන්ට හසුනොවන ලෙස මැරුණා සමානව සාගර පත්ලේ රැඳී සිටීමට ඒවාට හැකිය.නූතන තාක්ෂණයක් වන Air Independent Propulsion System භාවිතා කරන ඩීසල් සබ්මැරීන වලට සතියක පමණ කාලයක් ජලය යටම ගත කල හැකිය.නමුත් සාමාන්‍ය ඩීසල්-විදුලි සබ්මැරීන එනම් ඉහත කී තාක්ෂණය රහිතව ජලය යට ගත කල හැක්කේ දින 1-2කාලයක් පමණි.සාමාන්‍යය ඩීසල්-විදුලි සබ්මැරීනයකට මීටර් 150-300 පමණ ගැඹුරකට කිමිදීමට පුලුවනි.ඒවාහි ජලය යටදී නාවුක සැතපුම් 15-20 වේගයකින් ගමන් කරයි.




මෙය න්‍යෂ්ඨික නොවන සබ්මැරීනවලට වායුගෝලීය ඔක්සිජන් ලබාගැනීමකින් තොරව(වාතය ලබාගැනීමට ජලය මතුපිටට පැමිණීම හෝ ස්නොර්කෙල් නම් උපකරණය ජලය මතුපිටට ගෙන ආයුතුවේ)ක්‍රියාත්මක වීමට ඉඩ සලසා දෙන ප්‍රචාලන තාක්ෂණයකි.මෙම ප්‍රචාලන පද්ධතිය ඩීසල්-විදුලි ප්‍රචාලන පද්ධතිය වෙනුවට භාවිතා කල හැකිය.

ඊශ්‍රායල නාවික හමුදාව සතුව Dolphin-class වර්ගයේ AIPS තාක්ෂණය භාවිතා කරන සබ්මැරීන තුනක් තිබේ

නූතන නාවික හමුදාවන් දැන් න්‍යෂ්ඨික සබ්මැරීනවලට දිශානත වීමට පටන් ගෙන තිබුණද රුසියාව,චීනය සහ ඉන්දියාව ආදී රටවල නාවික හමුදා තවමත් ඩීසල්-විදුලි සබ්මැරීන විශාල ප්‍රමාණයක් නඩත්තු කරනු ලැබේ.මේවා මගින් ලබාදෙන වාසි න්‍යෂ්ඨික සබ්මැරීනයකින් ලබාගත නොහැකිය.ඩීසල්-විදුලි සබ්මැරීන ලාභදායි මෙන්ම කුඩා නාවික හමුදාවකට වුවද ඒවා පරිහරණය කිරීමේ හැකියාව තිබේ.නූතන ඩීසල්-විදුලි සබ්මැරීනවලට උදාහරණ වන්නේ Type 212,වැඩිදියුණු කල Kilo class,Scorpene,Soryu ආදී පන්තිවල සබ්මැරීනයි.Type 212 සබ්මැරීනය මේ අතරින් වඩාත්ම ප්‍රසිද්ධතම සබ්මැරීනය වන්නේ ඒවා ප්‍රමාණයෙන් ඉතා කුඩා සහ නිශ්ශබ්ද නිසාය.ඒවාහි 30දෙනෙකුට ගමන් කල හැකිය.වැඩිදියුණු කල Kilo Class සබ්මැරීන යනු ඉතාම නිශ්ශබ්ද සහ අමතර වෙඩි බලයක් සහිත සබ්මැරීන පන්තියකි.ඊට කි.මී. 300 දුරට නෞකා නාශක මිසයිල දියත් කිරීමට පුලුවනි.Soryu යනු සාපේක්ෂව විශාල සහ ගමන් කල හැකි දුර ප්‍රමාණයද වැඩි සබ්මැරීන පන්තියකි.කෙසේවෙතත් ඩීසල්-විදුලි සබ්මැරීනවල අවාසිද තිබේ.

ජර්මනිය නිෂ්පාදනය කරන Type 212 සබ්මැරීනයක්

රුසියාව නිපදවන Kilo Class සබ්මැරීනයක්

Scorpene class සබ්මැරීනයක්

ජපානයේ Soryu class සබ්මැරීනය යනු ලොව තිබෙන තිබෙන විශාලතම සහ වඩාත් සන්නද්ධතම ඩීසල්-විදුලි සබ්මැරීනයයි

1.මෙම සබ්මැරීනවල ජලය යටදී උපරිම වේගය නාවුක සැතපුම් 15-20 පමණ වන නිසා සතුරු ටෝර්පිඩෝ හෝ සබ්මැරීන දඬයම් කරන නෞකාවලින් ගැලවී යාම අසීරුය.

2.කිමිදිය හැකි ගැඹුර මීටර් 150-300 පමණ වන නිසා ගැඹුරු මුහුදේදී සැඟවී සිටීම පහසු නැත.

3.ජලය යට සිටීමට හැකි කාල සීමා අවමය.AIP පද්ධතිය භාවිතා කරන සබ්මැරීනවලට සතියක් දක්වා එම කාලය වැඩි කර ගත හැකිය.

4.ගබඩා කල හැකි අවි ප්‍රමාණය අවමය.ටෝර්ෆිඩෝ/මිසයිල 12-20 ක් පමණ ගෙනයනු ලැබේ.

5.දිගු දුර මෙහෙයුම් සඳහා යොදාගැනීම අපහසුය.

උතුරු කොරියානු ඩීසල් සබ්මැරීනයකින් මිසයිලයක් දියත් කරන අයුරු

නූතන ඩීසල්-විදුලි සබ්මැරීන යනු අතිශය නිහඬ සහ AIP තාක්ෂණය සහිතව සතියක පමණ කාලයක් ජලය මතුපිටට නොපැමිණ යාත්‍රා කල හැකි සබ්මැරීන වර්ගයක් බව දැන් ඔබට පැහැදිලි ඇති.ඒවාට කෲස් මිසයිල සහ ටෝර්පිඩෝ ප්‍රහාර දියත් කිරීමට තිබෙන හැකියාවත් සමග දැන් ඒවා විශේෂයෙන් නොගැඹුරු මුහුදේ සංග්‍රාම වලදී මාරක අවියක් බවත් පත්ව තිබේ.සංග්‍රාමයක මුල් අවස්ථාවේදිම මෙම සබ්මැරීන අනාවරණය කරගැනීම සහ විනාශ කිරීම අත්‍යාවශ්‍ය කටයුත්තක් වන්නේ ඒ නිසාය.ඊළඟ කොටසින් න්‍යෂ්ඨික සබ්මැරීන ගැන කතා කරමු.


Source:defencyclopedia.com