අවසානයේදී පර්සියානු බොක්කට ප්‍රජාතන්ත්‍රවාදය පැමිණෙමින් තිබේ.

ඉරානය මෙල්ල කිරීමේ උවමනාවෙන් පසුවන ඊශ්‍රායලයේ මිත්‍ර රාජාණ්ඩු සහ එක්සත් ජනපදය සමග ඒකාබද්ධ ප්‍රයත්නයක කොටසක් වශයෙන් පර්සියානු බොක්ක අවට ඒකාබද්ධ මිසයිල ආරක්ෂණ පද්ධතියක් ස්ථාපනය කිරීමේ සැලැස්මක් ඊශ්‍රායලය විසින් නිවේදනය කලේය.

අගෝස්තු මස 29 දා එක්සත් අරාබි එමීර් රාජ්‍යය,යේමනයේ සෞදි ප්‍රොක්සි හමුදා ඉලක්ක කරගෙන ගුවන් ප්‍රහාර මාලාවක් එල්ල කලේය.ප්‍රහාරවලින් මිය ගිය සහ තුවාල ලැබූ පිරිස 300කට වැඩි යැ‍යි වාර්තා වේ.එමිරේටය පැවසුවේ ප්‍රහාරවල ඉලක්ක වූයේ ත්‍රස්තවාදී සටන්කරුවන් පිරිසක් බවයි.කෙසේවෙතත්,සෞදියට පක්ෂපාතී යේමන් රජය පැවසුවේ ඒඩන් සහ සින්ජිබාර් හි හමුදා ඉලක්ක කරගෙන එක්සත් අරාබි එමීර් රාජ්‍යය ප්‍රහාර එල්ල කලේ එරටට පක්ෂපාතී දකුණුදිග සංක්‍රාන්තික කවුන්සිලයට සහාය පිණිස බවයි.සෞදි ප්‍රොක්සි හමුදා සමග ගැටුම්වලදී දකුණුදිග සංක්‍රාන්තික කවුන්සිල හමුදාවන්ට එමිරේටය සෘජු හමුදා සහාය ලබා දුන් පළමු අවස්ථාව මෙයයි.

ඇමෙරිකානු හමුදාවේ ප්‍රදානයක් වශයෙන් අගෝස්තු මස 16දා ලෙබනන හමුදාවට දුසිම් ගණනක් හම්වී රථ ලැබිණි.

ජෝර්දානය සිය පළමු දිය යට හමුදා කෞතුකාගාරය රතු මුහුදේ අකාබා වෙරළ ආශ්‍රිතව පසුගිය ජූලි මාසයේදී නිරාවරණය කලේය.ජූලි මස 24දා පැවැති උත්සවයේදී යුද ටැංකි,සෙබලුන් ප්‍රවාහනය කරන රථ සහ හෙලිකොප්ටරයක් රතු මුහුදේ කොරල් පරයක් ආශ්‍රිතව ගිල්වා දමන ලදි.එරට බලධාරීන් පවසන්නේ මේ හරහා ප්‍රදේශයට කිමිදුම්කරුවන් ආකර්ශනය කර ගෙන සංචාරක ව්‍යාපාරයට රුකුලක් වීමට බලාපොරොත්තු වන බවයි.

ජූනි මස 20දා හෝමුස් සමුද්‍ර සන්ධියට ඉහළ අහසේදී ඉරාන විප්ලවකාරී ආරක්ෂක බලකා විසින් ඩොලර් මිලියන 110 ක් පමණ වටිනා එක්සත් ජනපදයට අයත් RQ-4A ග්ලෝබල් හොක් ඔත්තු බැලීමේ ඩ්‍රෝන් යානයක් වෙඩි තබා බිම හෙළීමත් සමග පර්සියානු බොක්කේ වාතාවරණය තවත් නරක අතට හැරීණි.

ජූනි මාසයේ 13දා ඕමාන බොක්කේ යාත්‍රා කරමින් තිබූ තෙල් ප්‍රවාහන නෞකා දෙකකට ප්‍රහාර එල්ල වීමෙන් ඒවාට හානි සිදුවූ අතර නෞකාවල කාර්ය මණ්ඩලයන් ඉවත් කර ගන්නා ලදි.දකුණු ඉරාන වෙරළේ සිට නාවික සැතපුම් 19ක් දුරින් තිබූ ෆ්‍රෙන්ට් ඇල්ටයර් නෞකාවට ග්‍රිනිච් වේලාවෙන් 03.12කට ප්‍රහාරයක් එල්ල වූ බව එම නෞකාව තමන්ට දැනුම් දුන් බව ඇමෙරිකානු නාවික හමුදාව පැවසීය.ඒ අතරතුර ඉරානයට නාවික සැතපුම් 21ක් දුරින් තිබූ කොකුකා කරේජස් නෞකාවට පස්වරු 04.00ට ප්‍රහාරයක් එල්ල වී තිබේ.

ඉරාන වෙරළාසන්නයේදී ගුවන් ආරක්ෂක බලකා විසින් ඇමෙරිකානු නාවික හමුදාවට අයත් RQ-4A ග්ලෝබල් හොක් ඩ්‍රෝන් යානය බිම හෙළීමට අදාල වීඩියෝ පටයක්  ජූනි මස 20දා ඉරාන විප්ලවකාරී ආරක්ෂක බලකා විසින් නිකුත් කරන ලදි.

පසුගිය සමයේ ඕමාන් බොක්ක,පර්සියානු බොක්ක ආශ්‍රිතව තෙල් ප්‍රවාහන නෞකාවලට එල්ල වූ ප්‍රහාරවලට වගකිව යුතු යැ‍යි චෝදනා එල්ල වූ ඉරානයට එරෙහිව එක්සත් ජනපදය ජාත්‍යන්තර සහාය ලබා ගනිමින් සිටින පසුබිමකදී තමන් ඇමෙරිකානු ඩ්‍රෝන් යානයක් බිම හෙළුවේ ‍යැයි ඉරානය නිවේදනය කලේය.එය හුදෙක් සාමාන්‍යය ඩ්‍රෝන් යානයක් නොවේ.RQ-4 ග්ලෝබල් හොක් ඩ්‍රෝන් යානය ඇසුරින් ඇමෙරිකානු නාවික හමුදාව වෙනුවෙන් නිපදවූ MQ-4C ට්‍රයිටන් නම් ඇමෙරිකානු ඩොලර් මිලියන 120 පමණ වටිනා යුදෝපකරණයකි.

මරාගෙන මැරෙන ඩ්‍රෝන් යානා යොදාගෙන එල්ල වූ ප්‍රහාරවලින් පසුව එරට නැගෙනහිර-බටහිර වෙරළ යා කරමින් දිවෙන කි.මී. 1,200ක් දිග තෙල් නළ මාර්ගය ඔස්සේ බොර තෙල් පොම්ප කිරීම නවතා දමන්නට මැයි මස 14දා සෞදි අරාබිය තීරණය කලේය.

ඉරානය සමග ඇතිවිය හැකි යුද්ධයක් සඳහා ඇමෙරිකානු සෙබලුන් 120,000 දක්වා පිරිසක් මැදපෙරදිගට යැවීමේ යුද සැලැස්මක් එරට ඉහළ පෙළේ ආරක්ෂක බලධාරීන් විසින් ජනපති ඩොනල්ඩ් ට්‍රම්ප්ගේ පාලන තන්ත්‍රය වෙත ඉදිරිපත් කර ඇතැයි,ට්‍රම්ප් රජයේ නිර්ණාමික ආරක්ෂක බලධාරීන් කිහිපදෙනෙක් උපුටා දක්වමින් නිව්යෝර්ක් ටයිම් පුවත්පත මැයි 13දා වාර්තා කර් තිබිණි.

ප්‍රංශයේ නිෂ්පාදිත VCAC "මෙපිස්ටෝ" නම් යුද ටැංකි නාශක නියාමක මිසයිල වාහක රථ දහයක් සහ පුහුණු උපකරණ ලැබුණු බව ලෙබනන හමුදාව මැයි 11දා නිවේදනය කලේය.

ඉරාන රජයේ හමුදාවල විශ්වාසනීය තර්ජනයක ඇඟවීමකට ප්‍රතිචාර වශයෙන් එක්සත් ජනපදය B-52 Stratofortress උපාය මාර්ගික බෝම්බ හෙළන යානා මැදපෙරදිගට යවන බව ඇමෙරිකානු හමුදාව මැයි 7 දා නිවේදනය කලේය.

ජෝර්දානයේ අගනුවර හමුදා කඳවුරක පැවැත්වෙන ප්‍රදර්ශනයකට ඉදිරිපත් කර තිබූ පියාපත් යට මිසයිල සහ බෝම්බ සවිකල විශාල ප්‍රමාණයේ ඩ්‍රෝන් යානයක් අසල සිටි ඇමෙරිකානු ව්‍යාපාරිකයෝ තිදෙනෙක් අතර මෙවැනි කතාබහක් ඇති විය(ඡායාරූපය:ජෝර්දානයේ විශේෂ මෙහෙයුම් බලකා ප්‍රදර්ශනය සහ සමුළුවේ ප්‍රදර්ශනය පිණිස තබා තිබූ ජෝර්දානයට අයත් චීන සී එච්-4 ඩ්‍රෝන් යානය).

නැගෙනහිර සිරියාව සිය පාලනයට නතු කරගෙන සිටින එක්සත් ජනපදයේ සහාය ලබන සිරියානු ප්‍රජාතන්ත්‍රික හමුදාවන්ට එරෙහි ප්‍රාදේශීය පදිංචිකරුවන්ගේ ප්‍රතිවිරෝධය ක්‍රමයෙන් වර්ධනය වෙමින් ඇත.බහුතරය කුර්දි ජනවර්ගයෙන් සමන්විත මෙම හමුදාවන්ට එරෙහිව නොබෝදා විරෝධතා ඇති වූයේ මැන්බිජ්,හසාකාහ් සහ රක්කාහ් යන නගරවලයි.

සිරියානු ප්‍රජාතන්ත්‍රික හමුදා ක්‍රියාවට නංවා තිබෙන ප්‍රතිපත්තීන්,ඔවුන්ගේ හැසිරීම සහ බලහත්කාරයෙන් හමුදා සේවයට සිවිල් වැසියන් බදවා ගැනීම ආදියට එරෙහිව අතිප්‍රමුඛ අරාබි දේශීය ජනගහනය සිය බලවත් විරෝධය ප්‍රකාශ කරයි.කුර්දි ජනතා ආරක්ෂක ඒකක සහ ප්‍රාදේශීය අරාබි ඒකක අතර රක්කා ප්‍රදේශයේ ගැටුම් ඇති වීම වැළැක්වීමට එක්සත් ජනපදය ප්‍රමුඛ මිත්‍ර සන්ධානයේ හමුදා මැදිහත් වී තිබේ.

සිරියානු ප්‍රජාතන්ත්‍රික හමුදා සහ ඔවුන් යටතේ තිබෙන ප්‍රදේශය ඇත්ත වශයෙන්ම පාලනය කරන්නේ කුර්දි ජනතා ආරක්ෂක ඒකක/කාන්තා ආරක්ෂක ඒකක යන සටන්කාමී කණ්ඩායම් සහ ඔවුන්ගේ දේශපාලනික පක්ෂය වන ප්‍රජාතන්ත්‍රවාදී එක්සත් පක්ෂයයි.ප්‍රාදේශීය ජනයාගේ විරෝධයට එක් හේතුවක් වන්නේ මෙයයි.

ෆෙයිලාක් අල්-ෂාම්,නිදහස් ඉඩ්ලිබ් හමුදාව ඇතුලුව සිරියාවේ ඉඩ්ලිබ් පළාතේ සිටින කැරලිකාර කණ්ඩායම් 11ක් ඒකාබද්ධ වී ජබාත් අල්-වටනියා ලිල්-ටහියර්(නිදහස සඳහා ජාතික පෙරමුණ) නමින් තුර්කියේ සහාය හිමි අලුත් කැරලිකාර හමුදාවක් නිර්මාණය කෙරිණි.ප්‍රාදේශීය නිරීක්ෂකයන්ට අනුව මෙම නව හමුදාවේ අරමුණක් වන්නේ තුර්කියේ සැලැස්මට අනුව ඉඩ්ලිබ්,ලටාකියා සහ ඇලපෝ පළාත්වල කැරලිකරුවන් සතු ප්‍රදේශයන්හි සිය බලපෑම වැඩි කිරීමයි.

මැයි මස 29 සහ 30 දිනවලදී ඊශ්‍රායල ආරක්ෂක හමුදා ගාසා තීරයේ ඉලක්ක 65කට පමණ ප්‍රහාර එල්ල කරන ලදි.ප්‍රහාරවල ඉලක්ක වූයේ හමාස් සහ ඉස්ලාමීය ජිහාඩ් යන කණ්ඩායම්වලට අයත්,රොකට් එන්ජින් සහ රොකට් විදින නිෂ්පාදනය කරන කර්මාන්ත ශාලාය.එසේම සිය හමුදා ගාසා තීරය තුල මෙහෙයුම් දියත් කරමින් සිටින බවද ඊශ්‍රායල හමුදාව පවසයි.

මෙම ගැටුම්කාරී තත්ත්වයට මුල් වූයේ මැයි මස 29දා ගාසා තීරයෙන් ඊශ්‍රායලයට එල්ල වූ මෝටාර් ප්‍රහාරයි.එදින පුරාවට පලස්තීන සටන්කාමීන් මෝටාර් ප්‍රහාර,රොකට් ප්‍රහාර 70ක් පමණ ඊශ්‍රායල ඉලක්ක වෙත දියත් කරන ලදි.




source:southfront.org