සෝවියට් යුගයට අයත් පී-15 ටර්මිට් නම් නෞකා නාශක මිසයිල අත්හදා බැලීමක් ජූලි මස 19දා ලිබියානු වෙරළේ සවියාට් සන්සූර් ආසන්නයේ සිදු කරන්නට ලිබියානු ජාතික හමුදාව ක්‍රියා කලේය.

නැගෙනහිර මධ්‍යධරණී කලාපයේ යුද්ධයක් ඇති වීමට තිබෙන අවස්ථාවන් තවදුරටත් වර්ධනය කරමින් තුර්කිය සහ ඊජිප්තුව ලිබියානු වෙරළාශ්‍රිතව සිය යුද ශක්තිය ප්‍රදර්ශනය කරමින් සිටිති.

ලිබියාවේ ට්‍රිපොලි නගරයට දකුණු දෙසින් තිබෙන සලා අඩ්-ඩින් ප්‍රදේශයේදී රුසියානු පෞද්ගලික හමුදා කොන්ත්‍රාත්කරුවෙක් මරා දැමූ බව තුර්කියේ සහාය හිමි ජාතික සම්මුති රජයේ හමුදා පවසයි.මිය ගිය රුසියානු කුලී හේවායාගේ අන්වර්ථ නාමය "හන්ගුස්" යැ‍යි ඔවුන් සඳහන් කරයි.සිදුවීම සම්බන්ධ වෙනත් තොරතුරු වාර්තා නොවේ.

තම ගුවන් ආරක්ෂක ඒකක තුර්කි ප්‍රහාරක ඩ්‍රෝන් යානයක් බිම හෙළුවේ යැ‍යි ලිබියානු ජාතික හමුදාව මැයි 23දා නිවේදනය කලේය.

සිය ගුවන් ආරක්ෂක බලකා ලිබියාවේ විවිධ ප්‍රදේශවලදී තුර්කි ඩ්‍රෝන් යානා හතරක් බිම හෙළු බව ලිබියානු ජාතික හමුදාව මැයි 22දා ප්‍රකාශ කලේය.

අල්-වටියා ගුවන් හමුදා කඳවුර අල්ලා ගැනීමෙන් පසුව ජාතික සම්මුති රජයේ හමුදා ටර්හුනා නගරය අත්පත් කිරීමට ඒ දෙසට ගමන් කරමින් සිටිති.මෙම නගරය ෆීල්ඩ් මාර්ෂල් කලීෆා හෆ්ටර් ගේ හමුදාවේ ප්‍රධාන ඉදිරිපෙල බලකොටුවකි.

තුර්කි හමුදාවේ සෘජු සහාය සහිත සිරියානු සටන්කාමීන් සහ ජාතික සම්මුති රජයේ හමුදා පසුගිය සතියේදී උතුරු ලිබියාවේ ලිබියානු ජාතික හමුදාවට එරෙහිව වැදගත් ජයග්‍රහණයක් අත්පත් කර ගත්හ.

ලිබියාවේ ට්‍රිපොලි නගරය ආසන්නයේදී ලිබියානු ජාතික හමුදාවේ සෙබලුන් ඉලක්ක කර එවූ තුර්කියේ නිෂ්පාදිත STM KARGU නම් මරාගෙන මැරෙන ඩ්‍රෝන් යානයක සුන්බුන්වල ඡායාරූප පෙළක් මැයි 27දා සමාජ ජාල මාධ්‍ය වෙබ් අඩවිවල පළවී තිබිණි.

ෆීල්ඩ් මාර්ෂල් හෆ්ටර් මෙහෙයවන ලිබියානු ජාතික හමුදාව සතුව තිබූ රුසියාවේ නිෂ්පාදිත පැන්ට්සියර් එස්1 ගුවන් ආරක්ෂක පද්ධති කිහිපයක් පසුගිය සති කිහිපයේදී විනාශ කලේ යැයි ජාතික සම්මුති රජයේ හමුදා සහ තුර්කියට පක්ෂපාතී මාධ්‍ය පවසති.

ලිබියානු ජාතික හමුදාවට අයත් ව තිබූ පැන්ට්සියර් -එස්1 ගුවන් ආරක්ෂක පද්ධති හතරක් තම ප්‍රහාරක ඩ්‍රෝන් යානාවල ඉලක්ක බවට පත් වූ බව ජාතික සම්මුති රජයේ ඇන්ගර් වොල්කැනො නම් මෙහෙයුම් මැදිරිය මැයි 20දා නිවේදනය කලේය.

මානව හිමිකම් සඳහා සිරියානු නිරීක්ෂණාගාරය මැයි 21දා වාර්තා කල පරිදි මේ දක්වා ලිබියානු යුද්ධයේදී මිය ගිය සිරියාවෙන් පැමිණි තුර්කි ප්‍රොක්සි හමුදා සටන්කාමීන් ගණන 311 දක්වා ඉහළ ගොස් තිබේ.මොවුන් සටන් වැදුණේ ට්‍රිපොලි නගරය කේන්ද්‍රකරගෙන පිහිටුවා ඇති එක්සත් ජාතීන්ගේ සංවිධානය පිළිගත්,තුර්කියේ සහාය හිමි ජාතික සම්මුති රජය වෙනුවෙනි.

මේ සතිය තුල ලැබුණු දැවැන්ත තුර්කි හමුදා සහාය නිසා අවසානයේදී ලිබියානු ජාතික හමුදාවට එරෙහිව යම් ජයග්‍රහණයක් අත්පත් කරන්නට ජාතික සම්මුති රජය සමත් වූයේය.

ලිබියාවේ අල්-වටියා ගුවන් හමුදා කඳවුරට මැයි 16දා තුර්කිය එල්ල කල ප්‍රහාරවල ප්‍රතිඵල දැක්වෙන චන්ද්‍රිකා ඡායාරූප කිහිපයක් ඊශ්‍රායලයේ ඉමේජ්සැට් ඉන්ටර්නැෂනල් සමාගම නිකුත් කර තිබිණි.ප්‍රහාර එල්ල වෙද්දී කඳවුර ලිබියානු ජාතික හමුදාව යටතේ පැවති අතර මැයි 18දා එය තුර්කි ප්‍රොක්සි හමුදා විසින් අල්ලා ගත්හ.

තුර්කි හමුදාවේ සෘජු සහාය ඇතිව සටන් වදින තුර්කියේ සහාය හිමි ජාතික සම්මුති රජයේ හමුදා සහ සිරියානු සටන්කාමීන්ගෙන් සමන්විත තුර්කි ප්‍රොක්සි හමුදා මැයි 18දා වෙද්දී ලිබියාවේ අල්-වටියා ගුවන් හමුදා කඳවුරේ බලය මුළුමනින්ම තහවුරු කර ගත්හ.කඳවුරේ රැදී සිටි ලිබියානු ජාතික හමුදාව දමා ගිය පැන්ට්සියර්-එස්1 ගුවන් ආරක්ෂක පද්ධතියක් සහ Mi-35 ප්‍රහාරක හෙලිකොප්ටරයක් තුර්කි ප්‍රොක්සි හමුදා අතට පත් විය.

ලිබියානු ඉතිහාසයේ විශාලතම ගුවන් සංග්‍රාමය ආරම්භ කිරීමට සූදානම් බව ලිබියානු ජාතික හමුදාවෙහි ගුවන් හමුදාවේ ප්‍රධානී සකර් අල්-ජරොෂි මැයි 21දා නිවේදනය කලේය.

මැයි මස 18දා ජාතික සම්මුති රජයේ හමුදා අල්-වටියා ගුවන් හමුදා කඳවුරේ බලය ෆීල්ඩ් මාර්ෂල් කලීෆා හෆ්ටර්ගේ ලිබියානු ජාතික හමුදාවෙන් ඩැහැ ගත්තේය.

මැයි 16දා අල්-වාටියා ගුවන් හමුදා කඳවුරේ තිබූ රුසියානු පැන්ට්සියර් එස්1 ගුවන් ආරක්ෂක පද්ධතියක් විනාශ කල බව ලිබියාවේ ජාතික සම්මුති රජයේ ඇන්ගර් වොල්කැනෝ මෙහෙයුම් මැදිරිය පැවසීය.

ලිබියාවේ ට්‍රිපොලි නගරය ආසන්නයේදී ලිබියානු ජාතික හමුදාවේ උපකරණ ඉලක්ක කර තුර්කි ඩ්‍රෝන් යානා එල්ල කල ප්‍රහාර ඇතුලත් වීඩියෝ පටයක් මැයි මස 13දා තුර්කියට පක්ෂපාතී මුලාශ්‍රයක් විසින් නිකුත් කර තිබිණි.

ලිබියානු ජාතික හමුදාවේ සෙබලුන් දකුණු අප්‍රිකාවේ ජී5 නම් ඇදගෙන යා හැකි හොවිත්සර අවියක් භාවිතා කරන අයුරු දැක්වෙන වීඩියෝපටයක් ලිබියානු ක්‍රියාකාරීන් විසින් අන්තර්ජාලයට මුදා හැර තිබිණි.

මැයි 2දා ලිබියාවේ මිටිගා ජාත්‍යන්තර ගුවන් තොටුපොල ආසන්නයේ අරාඩා දිස්ත්‍රික්කයට තුර්කි බයිරක්ටර් ටීබී2 වර්ගයේ ප්‍රහාරක ඩ්‍රෝන් යානයක් කඩා වැටිණි.අර්ධ-සිවිල් ගුවන්තොටුපොලක් වන මෙය නැගෙනහිර ට්‍රිපොලි ප්‍රදේශයේ පිහිටා ඇති අතර තුර්කි සෙබලුන් රැඳී සිටින ස්ථානයක් ලෙසද ප්‍රසිද්ධය.