වඩාත්ම වැදගත් දේවල් සැඟවී ඇත යන උද්‍යෝග පාඨය සඳහන් වන්නේ, ඊශ්‍රායල ගුවන් හමුදාවේ මෙහෙයුම්වල සාර්ථකත්වය සහතික කිරීමේ වගකීම භාරව තිබෙන සහ ඊශ්‍රායල හමුදාව සතු වඩාත් රහසිගතම ඒකකවලින් එකකය.එය නමින් "ඉලෙක්ට්‍රොනික් සංග්‍රාමික ඒකකය 555" එසේත් නැත්නම් "ස්කයි රේවන්ස්/ස්කයි ක්‍රෝව්ස්" ය.මෙම ඒකකයේ නායකයන් යැ‍යි කියන පිරිසක් 2010 වර්ෂයේදී සිදු කල මාධ්‍ය හමුවකදී පවසා තිබුණේ ඔවුන්ගේ ඒකකය සහභාගී නොවන ඊශ්‍රායල ගුවන් හමුදාවේ කිසිදු මෙහෙයුමක් නොමැති බවයි.ඔවුන් විශේෂ මෙහෙයුම්,දෛනික මුර සංචාර මෙන්ම මහා පරිමාණ යුද්ධවලටද සහභාගී වී තිබේ.

සැහැල්ලු මැරීන් ගුවන් ආරක්ෂක සංකලිත පද්ධතිය නිර්මාණය කර තිබෙන්නේ මැරීන් බලකායේ සැහැල්ලු රථවල ස්ථාපනය කර ගොඩබිම් භාවිතය සඳහාය.නාවික හමුදාව මෙම පද්ධතිය සහිත රථ සිය නෞකාවලට ගෙනැවිත් තිබෙන්නේ ඒවා මුහුදු ප්‍රදේශවලදී ක්‍රියා කරන්නේද යන්න පරීක්ෂා කිරීමටයි.

ඇමෙරිකානු මැරීන් බලකාය සතුව තිබූ ඊ ඒ-6බී ප්‍රෞලර් යානාවලින් සමන්විත ගුවන් හමුදා කණ්ඩායම 2019 මාර්තු මාසයේදී විශ්‍රාම යැවෙනු ඇත.ඒ අනුව එක්සත් ජනපදය හමුදාව තුල ප්‍රෞලර් යානාවල සක්‍රීය සේවය අවසන් වේවි.1971 තරම් ඈත කාලයේදී ඇමෙරිකානු හමුදාවේ සේවයට එක් වූ මෙම උපායමාර්ගික ඉලෙක්ට්‍රොනික සංග්‍රාම ගුවන් යානය ඇමෙරිකාව සතු පැරණිතම ගුවන් යානාවලින් එකකි.