පස්වන පරම්පරාවේ සුකොයි-57 ෆයිටර් ජෙට් යානය රුසියානු ගුවන් හමුදාවේ සේවයට එක් වූ බව ටාස් පුවත් සේවය පසුගිය දෙසැම්බර් මාසයේදී වාර්තා කර තිබුණේ රුසියානු හමුදා-යුදෝපකරන නිෂ්පාදන ක්ෂේත්‍රයේ නිර්නාමික මූලාශ්‍රයක් මත පදනම්වයි.නමුත් මේ දක්වා එම පුවත රුසියානු ආරක්ෂක අමාත්‍යාංශය නිල වශයෙන් තහවුරු කර නොමැත.

 2021 වර්ෂය තුල ඊශ්‍රායල ගුවන් හමුදාව සිරියාව තුල සිය පළමු ප්‍රහාරය දියත් කරන්නේ ජනවාරි මස 6දා රාත්‍රියත් 7වෙනිදා අලුයම් කාලයත් අතරතුරයි.ඊශ්‍රායල ජෙට් යානා සිරියාවේ රිෆ් ඩිමැෂ්ක් පළාතේ අල්-කිස්වා ප්‍රදේශයට මිසයිල ප්‍රහාරයක් එල්ල කලහ.

 පසුගිය වසරේ සිරියාව තුල සිදු කල සිය මෙහෙයුම්වල සාරාංශයක් ඉස්ලාමීය රාජ්‍ය ත්‍රස්තවාදීන්  2021 ජනවාරි මස 6දා අමාක් පුවත් සේවය හරහා ප්‍රසිද්ධ කර තිබිණි.එම වාර්තාවට අනුව ත්‍රස්තවාදීන් ගිය වසරේදී සිරියාවේ පළාත් හතක් ඇතුලත මෙහෙයුම් 593ක් සිදු කර ඇත.පහත ලැයිස්තු ගත කර තිබෙන්නේ ඒවාය.

 

 

 

 සිරියානු හමුදාව විසින් වටලා තිබූ සිය නිරීක්ෂණ මුරපොල රැසක් පසුගිය කාලයේ ඉවත් කර ගැනීමට තුර්කි හමුදාව කටයුතු කලද,ඉඩ්ලිබ් හි මුදානොගත් ප්‍රදේශයේ සිය ශක්තිය ක්‍රමයෙන් වැඩි කරන්නට තුර්කිය කටයුතු කරමින් සිටියි.

 

 

 රුසියාව සතු එකම ගුවන් යානා ප්‍රවාහන නෞකාව මේ වන විට අලුත්වැඩියා කරමින් තිබෙන අතර එය අත්හදා බැලීමේ චාරිකාවක් සඳහා මුහුදට පිවිසීමට නියමිතව තිබෙන්නේ 2022 වර්ෂයේදී යැ‍යි රුසියානු ටාස් පුවත් සේවය වාර්තා කලේය.

 

 

 ඉරාක සන්නද්ධ හමුදාව පිහිටුවා 2021 ජනවාරි 6දා වසර සියයක් සපිරිණි.එය සැමරීම පිණිස ඉරාක හමුදාව බැග්ඩෑඩ් නගරයේ හරිත කලාපය නම් අධි ආරක්ෂක ප්‍රදේශය තුල යුද පෙළපාලියක් සංවිධානය කර තිබිණි.

 

 

රුසියානු පෞද්ගලික ආරක්ෂක කොන්ත්‍රාත්කරුවන් මධ්‍යම අප්‍රිකානු ජනරජයේ අගමැති ෆර්මින් නග්‍රබාඩාට ආරක්ෂාව සපයන අයුරු දැකගන්නට ලැබේ.

 

 

 දකුණු කොරියාවේ හන්වා ඩිෆෙන්ස් සිස්ටම්ස් නම් යුදෝපකරණ නිෂ්පාදන සමගාම ජනවාරි මස 6දා ප්‍රවර්ධන වීඩියෝ පටයක් හරහා නවතම උපායමාර්ගික මිනිසුන් රහිත ගොඩබිම් රථ පෙළක් හඳුන්වා දුන්නේය.

 

 ඊජිප්තුවේ සිනායි අර්ධද්වීපයේ දී ඊජිප්තු හමුදාවේ වාහනයක් ඉලක්ක කරගෙන ඉස්ලාමීය රාජ්‍ය ත්‍රස්තවාදීන් එල්ල කල මර උගුල් ප්‍රහාරයකට අදාල ඡායාරූප කිහිපයක් අමාක් නම් පුවත් සේවය විසින් ජනවාරි 7දා ප්‍රසිද්ධ කරන ලදි.

දින දෙකක් තිස්සේ පැවැත්වුණු ඉරාන ඉතිහාසයේ දැවැන්තම යුද අභ්‍යාස මාලාව එරට සෙම්නන් පළාතේ සහ වෙරළාශ්‍රිත මුහුදු ප්‍රදේශයේදී ආරම්භ වූයේ ජනවාරි 5දාය.ඒ සඳහා දේශීයව නිෂ්පාදනය කල ඩ්‍රෝන් යානා සිය ගණනක් සහ මරාගෙන මැරෙන ඩ්‍රෝන් යානාද සහභාගී විය.

 

 

බ්‍රිතාන්‍යයේ අලුත්ම ගුවන් යානා ප්‍රවාහන නෞකාව වන එච් එම් එස් ප්‍රින්ස් ඔෆ් වේල්ස් පසුගිය වසර දෙකක කාලය තුල මුහුදේ ගත කර තිබෙන්නේ දින 87ක් පමණක් යැයි හෙළිදරවු වී ඇත.

 පසුගිය වසරේ නගෝර්නෝ-කරබැක් නම් මතභේදාත්මක කලාපය මුල් කරගෙන අසර්බයිජානය දියත් කල යුද මෙහෙයුමේදී ආර්මේනියාවට අයත් එස්-300 මිසයිල පද්ධතියක මිසයිල රැගෙන යන රථයක් ඉලක්ක කරගෙන අසර්බයිජානයේ මරාගෙන මැරෙන ඩ්‍රෝන් යානයක් කඩා වදින ආකාරය රැගත් වීඩියෝ පටයක් ජනවාරි 6දා ප්‍රසිද්ධ කර තිබිණි.

 

 උපරිම පීඩනය යෙදවීමේ ට්‍රම්ප් පරිපාලනයේ පියවරක් වශයෙන්  පනවා ඇති සම්බාධක සහ සීමාවන් සමග ගනුදෙනු කිරීමට ඉරානය ක්‍රමයක් සොයා ගෙන තිබේ.

 

 

දකුණු චීම මුහුදට යුද නැව් යැවීමට එරෙහිව චීන ආරක්ෂක අමාත්‍යාංශයේ ප්‍රකාශක ටැන් කෙෆෙයි බටහිර බලවතුන්ට අනතුරු ඇඟවීය.අවශ්‍ය නම් පහර දෙන්නේ යැ‍යි ඔහු අවධාරණය කලේය.