ඔපරේෂන් ගිඩියන් නම් මෙහෙයුමට සම්බන්ධ කාන්තාවක් ඇතුලුව තවත් කුලී හේවායන් කණ්ඩායමක් අත් අඩංගුවට ගත් බව වෙනසුවෙලා බලධාරීන් නිවේදනය කලහ.ඒ අනුව මැයි 11 දා වන විට මෙහෙයුමට අදාලව අත් අඩංගුවට පත් වූ පිරිස 45කි.

ඇමෙරිකානු කුලී හේවායන්ගේ සහභාගීත්වයෙන් කොලොම්බියාවේ සිට ක්‍රියාත්මක අසාර්ථක වෙනසුවෙලා කුමන්ත්‍රණයට අදාලව තවත් තොරතුරු අනාවරණය වෙමින් තිබේ.

වෙනසුවෙලාවට එරෙහි ඇමෙරිකානු කුලී හමුදාවන්ගේ සතුරු ක්‍රියාකාරකම් වලට ප්‍රතිචාරයක් වශයෙන් එරට හමුදා ආරම්හ කල ඔපරේෂන් ෂාර්ක් 2020 මෙහෙයුම යටතේ මැයි 8 වෙනිදා සිදු කල මුර සංචාරයට රුසියානු විශේෂඥයෝ 8 දෙනෙක් සහභාගී වූ බව වාර්තාවේ.

පසුගිය මැයි 3දා කොලොම්බියාවෙන් පැමිණි හොඳින් සන්නද්ධ කුලී හමුදා කණ්ඩායමක් දියත් කල නාවික ආක්‍රමණයක් සාර්ථකව මැඩපවත්වා ආක්‍රමණිකයන් කිහිපදෙනෙක් මරු තුරුලට යවමින්,ඇමෙරිකානු ජාතිකයින් දෙදෙනෙක් ඇතුලුව තවත් කුමන්ත්‍රණකරුවන් පිරිසක් ජීවග්‍රහණයෙන් අල්ලා ගැනීම වෙනසුවෙලා හමුදාව සමත් විය.එදින පටන් මේ දක්වා තවත් කුලී හමුදා සාමාජිකයන් හමුදාවට යටත්  වී තිබේ.

වෙනසුවෙලා ජනපති බලයෙන් පහ කිරීමේ ඇමෙරිකානු උත්සාහය ක්‍රමයෙන් පහව යද්දී එය ඔවුන්ගේ මාධ්‍ය අධිකාරයේ කියවීම්වලට පමණක් සීමා වෙමින් තිබූ බව පසුගිය සමයේ දී දක්නට ලැබිණි.නමුත් කැරිබියන් මුහුදට ඇමෙරිකානු නාවික යාත්‍රා පිවිසි බවට වාර්තා වූ අතර එය පසුගිය මාසයේදී ධවල මන්දිරය විස්තර කලේ 'මත්ද්‍රව්‍ය වීරෝධී' මෙහෙයුම් වශයෙනි.

කුලී හමුදා කණ්ඩායමක් මැයි 3දා අළුයම් කාලයට පෙර බෝට්ටු මගින් වෙනසුවෙලාවේ අගනුවර වන කරාකස් නගරයට පිටතින් වූ ලා ගයිරා වරාය නගරයට සේනදු වී තිබේ.අසල්වැසි කොලොම්බියාවෙන් පැමිණි මෙම ප්‍රහාරයකයෝ වෙනසුවෙලා හමුදාව විසින් මැඩපත්වන ලදි.

ඇමෙරිකානු සහාය හිමි විපක්ෂ නායක ජුවාන් ගුවයිඩෝ සහ ඔහුගේ ආධාරකරුවන් විසින් දියත් කල නිකොලස් මැඩුරෝගේ රජය පෙරළා දැමීමේ තවත් උත්සාහයක් මැයි 3දා වන විට අසාර්ථක විය.

ඇමෙරිකා එක්සත් ජනපදය වෙනසුවෙලාවට එරෙහිව දියත් කල දෙමුහුන් යුද්ධය දැන් උණුසුම් අධියරයකට ප්‍රවිෂ්ඨ වී තිබේ.

වෙනසුවෙලාවේ "අන්තර්වාර ජනපති" වශයෙන් එක්සත් ජනපදය ප්‍රසිද්ධියේ ප්‍රකාශ කල ජුවාන් ගුවයිඩෝ නැමැත්තේ අප්‍රේල් මස 30දා වීඩියෝ පටයක පෙනී සිටිමින් යුදමය නැඟිටීමක් සඳහා කැඳවීමක් කලේය.කරැකස් අගනුවර ජෙනර්ලිසමෝ ෆ්‍රැන්සිස්කෝ ද මිරන්ඩා නම් ගුවන් හමුදා කඳවුරේ දී පටිගත කල එම වීඩියෝවේ පෙනී සිටින ගුවයිඩෝ හොඳින් සන්නද්ධ වූ පුද්ගලයින් සමග සිටින අතර තමන්ට එරට හමුදාවේ සහාය හිමි යැ‍යිද පවසයි.

වෙනසුවෙලාවේ වාතාවරණය අස්ථාවර කිරීමට කඩාකප්පල්කාරී ක්‍රියාවල නිරත වන එක්සත් ජනපදය,ජනපති නිකොලස් මැඩුරෝ "වසර 20ක කාලය තුල බිහි වූ නරකම සහ දුෂ්ඨම" පාලකයා යැ‍යි චෝදනා කරන රාජ්‍ය විරෝධි විපක්ෂයට අනෙක් පසින් එළිපිට සහයෝගය ලබාදෙන්නේ යැ‍යි කරැකස් රජය පවසයි.

ඊශ්‍රායලයේ ඉමේජ් සැට් ඉන්ටර්නැෂනල් සමාගම විසින් නිකුත් කල චන්ද්‍රිකා ඡායාරූප එකතුවකට අනුව සිදුවිය හැකි ඇමෙරිකානු මැදිහත් වීමක් සඳහා වෙනසුවෙලා හමුදාව සූදානම් වන අයුරු දැක ගත හැකිය.එස්-300 ගුවන් ආරක්ෂක පද්ධතීන් සහ සුකොයි-30 ෆයිටර් ජෙට් යානා කැප්ටන් මැනුයෙල් රියෝස් ගුවන් හමුදා කඳවුරේ අසාමාන්‍ය ක්‍රියාකාරකමක  නිරත වන ආකාරය පෙන්වයි.

මේවන විට වෙනසුවෙලාව සහ ජම්මු හා කාශ්මීරය යන එකිනෙකට වෙනස් කලාප දෙකක අර්බුදකාරී වාතාවරණයක් නිර්මාණය වී තිබේ.

නීත්‍යානුකූලව පත් වූ ජනපති මැඩුරෝ බලයෙන් පහ කිරීම සඳහා යුදමය ක්‍රියාමාර්ගයක් ගැනීමට එක්සත් ජනපදය සූදානම් වෙමින් සිටින්නේ යැ‍යි රුසියානු ආරක්ෂක කවුන්සිලයේ ලේකම් නිකොලායි පැට්‍රොෂෙව් පෙබරවාරි මස 26දා පැවසීය.

වෙනසුවෙලා රජය ඇමෙරිකානු හමුදාවේ ආක්‍රමණයකට මුහුණු දීමට සූදානම් වෙමින් සිටින බව පෙනේ.

පෙබරවාරි මස 10දා වෙනසුවෙලා හමුදා මහා පරිමාණ යුද අභ්‍යාස මාලාවක් ආරම්භ කරන ලදි.එය අවසන් වන්නට නියමිතව තිබෙන්නේ පෙබරවාරි මස 15දාය.ජනපති නිකලස් මැඩුරෝට අනුව වසර 200කට වෙනසුවෙලා ඉතිහාසය තුල පවත්වන විශාලතම යුද අභ්‍යාස මාලාව මෙයයි.

වෙනසුවෙලා නායක නිකලස් මැඩුරෝ විසින් ඉතිහාසයේ වඩාත් වැදගත්ම යුද අභ්‍යාස යැ‍යි විස්තර කල,එක්සත් ජනපදය සහ එහි මිත්‍ර රාජ්‍යයන් රූකඩ "තාවකාලික ජනපති" ගුවායිඩෝ පිළිගැනීමෙන් පසුව එල්ල විය හැකි ඕනෑම ආක්‍රමණයක් ව්‍යර්ථ කිරීම සඳහා සූදානමක් වශයෙන් යුද අභ්‍යාස මාලාවක් පෙබරවාරි මස 10දා ඇරඹීය.

පසුගිය දින කිහිපය තුල වෙනසුවෙලාහි ආණ්ඩු විරෝධී උද්ඝෝෂණවල සැර බාල වී ගියේ ඇමෙරිකාව ප්‍රමුඛ කඳවුර ප්‍රසිද්ධියේ සහ රහසිගතව උද්ඝෝෂකයෝ ධෛර්යමත් කිරීමට ගන්නා ලද උත්සාහයන් නොසලකා හරිමින්ය.කෙසේවෙතත් අර්බුදය තවදුරටත් ඉදිරියට ඇදෙමින් තිබෙන්නේ මැඩුරෝ රජයත්,ඇමෙරිකාව ප්‍රමුඛ කඳවුරේ සහාය ලබන රජයේ එදිරිවාදීනුත් අතර මාධ්‍ය හරහා සිදුවන තීව්‍ර ගැටුම හරහාය.