ඩා වින්චි යනු ලොව පළමු ගුවන් යානා ගොඩබැස්ස වීමේ ගියර් පද්ධතිය සැලසුම් කල පුද්ගලයා බව බොහෝදෙනා නොදන්නා දෙයකි.මෙම ගියර් පද්ධතිය ඔහුගේ පියාඹන යන්ත්‍රවලට යොදාගැනීමට සිතා සිටියා විය හැකිය.සුරක්ෂිතව එම යන්ත්‍ර ගොඩ බැස්ව වීමේ උවමනාවක් ඔහුට තිබෙන්නට ඇති.

මෙහි දැක්වෙන කටු සටහන් දෙක ලියනාඩෝ ඩාවින්චිගේ කටු සටහන් පොතෙන් උපුටා ගත් ඒවාය.







source:Leonardodavincisinventions.com

ඩා වින්චිගේ පැරෂූටය යනු ඔහුගේ පියාඹන යන්ත්‍රවල හැකියාව මැන බැලූ එක් අවස්ථාවක් යැයි කිව හැකිය.එසේ වුවත් මෙම කිසිම යන්ත්‍රයක් ඩා වින්චි විසින් පෞද්ගලිකවම අත්හදා බැලූවා යැයි කිව නොහැකිය.මන්ද ඔහු එම කාලයේ තරුණ විය ඉක්මවා සිටි නිසාය.බොහෝවිට ඔහුගේ ගෝලයෙක් හෝ වෙන යම් අයෙක් මේවා අත්හදා බලන්නට යොදවන්නට ඇති.ඔහුගේ පැරෂූටයේ කටු සටහන්වල දක්වා තිබෙන්නේ මිනිසෙක් තම අත් පමණක් යොදාගෙන පැරෂූටයේ ඉල්ලී සිටින ආකාරයකි.


ඔහු එම සටහනේ මෙලෙස ලියා තිබේ.

"If a man have a tent made of linen of which the apertures (openings) have all been stopped up, and it be twelve braccia (about 23 feet) across and twelve in depth, he will be able to throw himself down from any great height without suffering any injury."

ලිනන් වලින් මසන ලද අඩි 23ක් දිග අඩි 23ක් උස ටෙන්ට් එකක් සහිතව ඕනෑම ඉහල උසකින් පනින අයෙක් කිසිම තුවාලයක් නැතිව බිමට ගොඩ බැසිය හැකිබව ඉන් ඔහු කියා තිබේ.


මෙම සැලැස්ම ගැන ඔහුට කිසිම සැකයක් තිබී නැත.ඩා වින්චි මෙම නිර්මාණයට ඔහු සතු සුළගේ ප්‍රතිරෝධය සහ ඝර්ෂණය සම්බන්ධ දැනුම සහ ගණිතමය හැකියාව යොදාගෙන තිබේ.

ඇන්ඩ්‍රියන් නිකොලස් සහ ඩා වින්චිගේ පැරෂූටය

ඩා වින්චිගේ පැරෂූටය සැලසුම් කිරීමෙන් වසර 500කට පසුව එනම් 2000 ජූනි මාසයේදී ඒ ගැන ආසාවක් තිබූ පිරිසක් සහ පැරෂූට්කරුවන් පිරිසක් ඔහුගේ පැරෂූටය නිර්මාණය කර අත්හදා බලන ලදි.එහිදී ඔවුන් සිදුකල එක වෙනස නම් නූතන පැරෂූට්කරුවාගේ ඇඳුමක් භාවිතා කිරීම පමණි.ඇන්ඩ්‍රියන් නිකොලස් නම් පැරෂූට්කරුවා මීටර් 3000ක් ඉහළින් වූ වායු බැලූනයක සිට ඩා වින්චිගේ පැරෂූටය සමග බිමට පනින ලදි.ඔහු නූතන පැරෂූටයක්ද රැගෙන ගියේ අත්හදා බැලීම අසාර්ථක වුව හොත් දිවිගලවා ගැනීමටය.නමුත් සියල්ලන්ම පුදුමයට පත් කරමින් ඩා වින්චිගේ පැරෂූටය මගින් ඔහුව ආරක්ෂා සහිතව පහළට ගෙන එන ලදි.නමුත් මීටර් 600ක උසකදී ඔහු තම අමතර පැරෂූටය ක්‍රියාත්මක කර පොළොවට ලගාවිය.




Source:Leonardodavincisinventions.com

ලියනාඩෝ ඩා වින්චිගේ ග්ලයිඩරයේ කටු සටහන තවත් පියාඹන යන්ත්‍ර සහ යාන්ත්‍රණ වල එකතුවකි.මෙම කටු සටහන් දෙස බැලීමේදී එම යන්ත්‍රය බොහෝවිට ඩා වින්චි ජීවත්ව සිටි සමයේ නිර්මාණය කරන්නට ඇතැයි සිතිය හැක.පහත රූප සටහන්වලින් පෙන්නේ ඔහු එම කටුසටහන් සඳහා සරුංගල සහ කුරුල්ලන් අධ්‍යනය කර තිබෙන බවයි.ඔහු සරුංගලයේ සැකිල්ල පියාඹන යන්ත්‍රයක් බවට පරිවර්තනය කරන්නට උත්සාහ ගෙන තිබෙන බව පෙනේ.


නූතන අමුද්‍රව්‍ය වන ඇලුමිනියම් සහ කෘත්‍රීම රෙදි ඔහුගේ සමයේ නොතිබිණි.ඉතිහාසඥයින් පසුකාලයේදී ඩා වින්චි ජීවත්ව සිටි සමයේ සපයා ගත හැකි වූ ද්‍රව්‍ය යොදාගෙන මෙම යන්ත්‍රය නිර්මාණය කල අතර ඊට සුලු නවීකරණයන් කිහිපයක් සමග පියාසර කිරීමේ හැකියාව තිබිණි.එහිදී ඔවුන් අලුතින් එකතු කලේ දිසාව වෙනස් කරන්නට සුක්කානමක් පමණි.

පහත දැක්වෙන්නේ ඩාවින්චි ඔහුගේ ග්ලයිඩරය නිර්මාණය කිරීමට යොමුකල මුල්ම කටුසටහන්ය. මෙයින් ඔහුගේ පරිකල්පන ශක්තියේ හික්මවීම කොපමණ දැයි සිතා ගත හැකිය.මෙය වවුලෙක්ගේ පියාපතක් පිළිබඳව කල අධ්‍යනයකි.


ඔහු නිතරම කුරුල්ලන් මිලදී ගත් අතර ඔවුන්ගේ පියාපත්වල ව්‍යුහය,පියාසැරිය,හැඩය ආදිය අධ්‍යනය කර මුදා හැර තිබේ.

ඊළඟ කටු සටහනේ දැක්වෙන්නේ කුරුළු පියාපතක සැකිල්ලට යාන්ත්‍රික චලනයක් ලබාදීමට ගත් උත්සාහයකි.



එහි මිනිසෙකුට ගමන් කල හැකි ආකාරයද ඔහු චිත්‍රයට නඟා තිබේ.මිනිසාගේ ඉගටිය මුදුව තුල තිබිය යුතුය.ඔහු පියාපත් දෙකෙන් පහලට එන දඬු දෙක අතින් අල්ලාගත යුතුය.පියාපත් පාලනය කිරීම පාදවලින් සිදු කරයි.






පහත දැක්වෙන්නේ ඩා වින්චි ඇඳි සරල ග්ලයිඩරයක සටහනකි.එහි සරල බව නිසා බොහෝ විට එය ක්‍රියාත්මක තත්ත්වයේ තිබෙන්නට ඇති.


පහත වීඩියෝව BBCහි වාර්තා වැඩසටහනකින් ලබාගෙන තිබෙන අතර එහි දැක්වෙන්නේ ඩා වින්චිගේ ග්ලයිඩරය ප්‍රතිනිර්මාණය කිරීමකි.ඒ සඳහා යොදාගෙන තිබෙන්නේ ඩා වින්චි ජීවත්ව සිටි සමයේ ඔහුට සපයා ගැනීමට හැකිවූවා යැයි උපකල්පනය කරන අමුද්‍රව්‍යයි.ඊට අමතරව එක් කර තිබෙන්නේ සුක්කානමක් පමණි.ඩා වින්චි ග්ලයිඩරය නිර්මාණය කිරීමේදී වායුගතික විද්‍යාවේ සමහර මූලධර්මයන්ද සොයාගෙන තිබෙන බව සමහරුන්ගේ අදහසයි.ඒ නිසා ලියනාඩෝ ඩා වින්චි වායුගති විද්‍යාවේ පීතෘවරයෙක් ලෙසද හඳුන්වනු ලැබේ.




source:Leonardodavincisinventions.com

ලියනාඩෝ ඩා වින්චිගේ නිර්මාණ පෙළහර ගැන ලියවෙන ලිපි පෙලේ 6 වන ලිපිය ඔබ වෙත ඉදිරිපත් කරන්නයි මේ සූදානම් වන්නේ.මෙහිදී සාකච්ඡා කරන්නට බලාපොරොත්තුවන්නේ ඩා වින්චි ගුවන ජය ගැනීමේ අරමුණින් සැලසුම් කල නිර්මාණ කිහිපයක් ගැනයි.

ලියනාඩෝ ඩා වින්චි තම ජීවිතය අවසන් වන්නට පෙර පියාඹන යන්ත්‍රයක් නිර්මාණය කරන්නට බලාපොරොත්තු තබාගෙන සිටින්නට ඇති.ඔහු නිරන්තරයෙන් තමන්ගේ මුල් නිර්මාණවල කටු සටහන් යාවත්කාලීන කරන ලදි.වවුලන්ගේ සහ පක්ෂීන්ගේ පියාඹීම ඔහුගේ සිත් වශී කරන්නට සමත් වූ බවට සාක්ෂි ලෙස පිටු සියගණනක් පුරා ඇදි පක්ෂීන්ගේ පියාපත්වල සහ පියාපත්වල චලන ඉරියව්වල කටුසටහන් දැක්විය හැක.

ඩා වින්චි විසින් සැලසුම් කල පියාඹන යන්ත්‍ර සහ පියාසැරියට අවශ්‍යවන සමහරක් යාන්ත්‍රණයන් කිහිපයක් පහත දැක්වේ.ඉදිරි ලිපි ඔස්සේ ඒවා සම්බන්ධයෙන් සවිස්තරාත්මකව සාකච්ඡා කරනු ඇත.

-හෙලිකොප්ටර් සංකල්පය

-ග්ලයිඩරය

-පැරෂූටය

-ගොඩබැස්වීමට අවශ්‍ය ගියරය

ඩා වින්චි ඇදි හෙලිකොප්ටරයේ කටු සටහන

මෙම සැලසුම නිර්මාණය කර තිබෙන්නේ 1493 වසරේය.එනම් හෙලිකොප්ටරයක් සාර්ථකව ගුවන් ගත කිරීමට වසර 450කට පෙරය.එහි ප්‍රධාන තල දෙක මීටර් 2ක විශ්කම්භයක් සහිත වූ අතර ඒවා ප්‍රධාන ව්‍යුහය සමග බට යොදාගෙන සම්බන්ධ කර තිබිණි.

ඩා වින්චිගේ හෙලිකොප්ටර් සංකල්පය මේපල් ගසේ බීජ මත පදනම්ව නිර්මාණය කරන්නට ඇති.මෙම බීජ ඉහල සිට බිමට පතිත වන විට පාවී යන ස්වභාවය ඩා වින්චිගේ අවදානයට ලක්වන්නට ඇති.එසේම එම සංකල්පයට ආකිමිඩීස් ඉස්කුරුප්පුවද පදනම් කරගන්නට ඇති.මෙම ඉස්කුරුප්පු පොම්පය පුරාතන ග්‍රීසියේ විසූ ආකිමිඩීස් නම් ලියනාඩෝට සමාන තවත් ප්‍රාඥයෙක් විසින් සොයාගන්නා ලදි.

මේපල් ශාකයේ බිජයක් සහ එය පොලොවට වැටෙන අයුරු

ආකිමිඩීස්ගේ ඉස්කුරුප්පුව සහ ආකිමිඩීස්

ඩා වින්චිගේ හෙලිකොප්ටරය සැලසුම් කර තිබෙන්නේ මිනිස් බලයෙන් ක්‍රියා කරන පරිදිය.නමුත් අවාසනාවට ඒ සමයේ එන්ජින් සොයාගෙන නොතිබුණි.ඒ සමයේ තමන් පවා ගුරුත්වයට එරෙහිව ඉහලට ඔසවන්න ප්‍රමාණවත් බලයක් නිපදවීමේ හැකියාවට තරමක් භෝ මිනිසා ලංව නොතිබුණි.

මිනිසුන් දෙදෙනෙක් මෙම යන්ත්‍රයේ වක්‍රාකාර කොටසේ සිට එහි තිබෙන දැවයෙන් තැනූ දණ්ඩ ග්‍රහණය කරගෙන මධ්‍යයේ වූ දණ්ඩ වටා ගමන් කල යුතුව තිබිණි.එවිට යන්ත්‍රයේ තිබෙන තල භ්‍රමණය වෙමින් ඉහළට ගෙනයයි.නමුත් මිනිසුන් දෙදෙනාගේ බර උසවන්නට තරම් ඔවුන් සැපයූ ඉපිලුම් බලය ප්‍රමාණවත් නොවේ.මේ සඳහා එම කාලයේ යොදාගත හැකිව තිබූ සැහැල්ලුම අමුද්‍රව්‍ය වන්නේ තල සඳහා කැන්වස් රෙදි,සැකිල්ල වෙනුවෙන් පයින් දැවද යොදාගන්නට ඇති.මෙම අමුද්‍රව්‍යවල බරත් එහි ක්‍රියාකරුවන්ගේ බරත් එසවීමට තරම් ඩා වින්චිගේ හෙලිකොප්ටරයට ප්‍රමාණවත් බලයක් නිපදවීමට නොහැකි බවයි විද්‍යාඥයින් පවසන්නේ.


නමුත් ඩා වින්චිගේ මෙම සැලැස්ම පරිකල්පනයේ ශ්‍රේෂ්ඨ නිර්මාණය ලෙස තවමත් පිලිගැනේ.මෙවැනි යන්ත්‍රයක් සඳහා අවශ්‍ය කරන අමුද්‍රව්‍ය සහ එන්ජින් නිර්මාණය වන්නේ 1800 සියවසේ අවසන් කාලයත් 1900 සියවසේ මුල් කාලයත් අතරය.නමුත් වාෂ්ප එන්ජින් සොයාගත් සමයේ ඒවා ගුවන් යානා ආදියට යොදා ගැනීමට යෝග්‍ය නොවූයේ අධික බර(ඉන්ධනත් සමග) නිසාය.තවද වාෂ්ප එන්ජින් වලට හුමාලය නිපදවීමට ජලයද විශාල වශයෙන් අවශ්‍ය විය.වර්තමානයේදී හෙලිකොප්ටර් සැහැල්ලු ලෝහයක් වන ඇලුමිනියම් යොදාගෙන නිර්මාණය කරයි.




source:Leonardodavincisinventions.com

හරස් දුන්නේ සැලැස්ම දැක්වෙන මුල් සටහන

Da Vinci's Demons ටෙලි කතා මාලාවේ එන ඩා වින්චිගේ හරස් දුන්න

 ලියනාඩෝ ඩා වින්චිගේ කැටපෝලය

ලොව බිහිවූ බුද්ධිමතුන් අතර ලියනාඩෝ ඩා වින්චිට ප්‍රමුඛස්ථානයක් හිමිවන්නේ "ලොවින් එකෙක් එක් දේකට වෙයි සමතා" යන කියමන ඔහු විසින් අසත්‍යයක් කල නිසාම නොව ඔහු ජීවත්ව සිටි කාලයට වඩා ඉදිරිය දුටු පුද්ගලයෙක් නිසාය.ඉතාලි ජාතිකයෙක් වන ඩා වින්චි චිත්‍ර කලාව,ගෘහ නිර්මාණ ශිල්පය,ඉන්ජීනේරු විද්‍යාව,උද්භිත විද්‍යාව,තාරකා විද්‍යාව,භූවිද්‍යාව,ව්‍යහවිද්‍යාව,ගණිතය,සිතියම් විද්‍යාව,සාහිත්‍යය,ලේඛන කලාව,ඉතිහාසය,විද්‍යාව,සංගීතය සහ ප්‍රතිමා නිර්මාණය සම්බන්ධව උනන්දුව දැක්වූ අයෙක් මෙන්ම ඒ ඒ ක්ෂේත්‍ර සම්බන්ධව මනා දැනුමක් තිබූ අයෙකි.ඔහු ජීවත්වූයේ යුරෝපයේ පුනරුද(14-17 ශතවර්ෂ අතර කාලය) සමයේය.ඩාවින්චි පදිංචිව සිටියේ ඉතාලියේ ෆොලෝරන්ස්(යුරෝපා පුනරුද සමය ඇරඹෙන්නේ මෙම නගරයෙන් බවයි පිළිගැනෙන්නේ)නගරයේය(ක්‍රි.ව.1452-ක්‍රි.ව.1519).ඩා වින්චිගේ මරණයෙන් පසු ඔහුගේ පරිකල්පන හැකියාවට තරමක් හෝ ආසන්නයට පැමිණි අයෙක් බිහිවන්නේ 19 ශත වර්ෂයේදීය.ඔහු නිකොලා ටෙස්ලාය.නමුත් ඩාවින්චිගේ බහුශ්‍රැතබාවයට අභියෝග කල හැකි අයෙක් ඉන්පසු ලෝකයේ පහල නොවූ තරම්ය.

නිකොලා ටෙස්ලා

ලියනාඩෝ ඩා වින්චිගේ යුද ටැංකිය

“I can make armored cars, safe and unassailable, which will enter the closed ranks of the enemy with their artillery, and no company of soldiers is so great that it will not break through them. And behind these our infantry will be able to follow quite unharmed and without any opposition.”

ආරක්ෂා සහිත සහ සතුරන්ගේ ප්‍රහාරවලින් හානියක් නොවන සන්නද්ධ රථ තාමට නිපදවිය හැකි බවත් කිසිම හමුදාවකට ඒතුලට කඩාබිදගෙන යා නොහැකි බවත් යුද ටැංකි පිටුපසින් අපගේ පාබල හමුදාවලට කිසිදු සතුරු ප්‍රතිවිරෝධයකින් තොරව යා හැකි බවත් ඔහු එම ලිපියේ සඳහන් කර තිබේ.

ලුඩොවිකො ස්ෆෝසා

මෙම යුද ටැංකිය සැලසුම් කර තිබුණේ සංග්‍රාම භූමියට පිවිස අංශක 360 සීමාවේ සිටින සියලුම සතුරන් එහි තුවක්කුවලින් වෙඩි තබා විනාශ කල හැකි අයුරිනි.

සැමවිටම වාගේ ඩා වින්චි තම නිර්මාණ සැලසුම් කිරීමේදී අදහස් ලබා ගත්තේ ස්වභාවධර්මයෙනි.ඔහුගේ යුද ටැංකිය පවා පදනම් වන්නේ ඉබ්බෙක්ගේ පිටකටුව මතයි.




පහත දැක්වෙන වීඩියෝවෙන් ඩා වින්චිගේ යුද ටැංකිය ක්‍රියා කරන අයුරු පෙන්වා දෙයි.ඔහුගේ නිර්මාණය කොතරම් අනර්ඝ එකක් දැයි වීඩියෝව අවසානයේදී ඔබට පෙනේවි.

පළමු ලෝක සංග්‍රාමය එනම් ඩා වින්චි ජීවත්ව සිටි කාලයේ පටන් වසර 400ක් පමණ ගතවන තෙක් ඔහුගේ මෙම නිර්මාණ සැලැස්මට සමාන හෝ ඊට ආසන්න දෙයක් නිර්මාණය නොවීය.ශත වර්ෂ ගණනාවක් ගත වූ පසුත් පළමු ලෝක යුද සමයේ යුද ටැංකිවලට වඩා ඩා වින්චිගේ යුද ටැංකි සැලැස්ම සාර්ථක මෙන්ම ප්‍රබල එකක් විය.විශේෂයෙන්ම ඩා වින්චිගේ යුද ටැංකියෙ තිබූ ආනත වූ සන්නාහය ඔහුගේ බුද්ධියේ තරම පෙන්වන්නකි.

මෙය පහත උදාහරණය මගින් පැහැදිලි කර ගත හැකිය.එහි දැක්වෙන ඝනකාභ(A,B) සන්නාහ තහඩු යැයි සිතන්න.එම තහඩු දෙකම සමාන දිග,පළල සහ උසින් යුක්තය.B තහඩුව අංශක 45ක් ඇල වී තිබේ.එම ආනතිය නිසා උණ්ඩයකට තහඩුව හරහා යෑමට අමතර දුරක් ගමන් කරන්නට සිදුවේ.අමතර සන්නාහයක් යොදා ගැනීම හෝ ඝනකමින් වැඩි සන්නාහයක් යොදාගෙන බර වැඩි කරගන්නවා වෙනුවට මෙය සාර්ථක උපක්‍රමයකි.සරල නමුත් ඵලදායි මෙම සැලැස්ම මගින් උණ්ඩයක් ඇතිකරන බලය වෙනතකට හැරවිය හැකිය.



පහත දැක්වෙන පළමු ලෝක යුද සමයේ යුද ටැංකිය දෙස බලන්න.එහි විශාල ප්‍රදේශයක් පැතලි හැඩයක් ගන්නා අතර සෘජුවම ඒ දෙසට එන උණ්ඩයකට එහි සන්නාහය බිදගෙන යා හැකිය.


ලියනාඩෝ ඩා වින්චි ජීවත් වූ සමයේ සංග්‍රාම භූමියෙන් සොයාගත හැකිවූ යුද ටැංකිවලට සම කල හැකි එකම දෙය වූයේ හස්තීන් මත නැගුණු මිනිසුන්ය(උපරිම තිදෙනෙක්).සතුන්ට හිංසා කිරීම ගැන ඩා වින්චි තුල පැහැදීමක් නොතිබුණු අතර ඔහුගේ යුද ටැංකි සංකල්පය නිර්මාණය වූයේ ඊට පිළියමක් ලෙසද විය හැකිය.

යුද ටැංකියේ ඇතුලත

මෙම යුද ටැංකිය ක්‍රියාත්මක වූයේ මිනිසුන් සිව්දෙනෙකුගේ අත් වලිනි.පැඩල කැරකවීමෙන් එය ගමන් කරන ලද අතර ඔවුන්ගේ පහසුව වෙනුවෙන් ඊට ගියර් පද්ධතියක්ද එක් කර තිබිණි.නමුත් මිනිස් ශ්‍රමය මගින් ප්‍රමාණවත් වේගයක් නොලැබේ.යුද ටැංකිය තුල සිටි අනෙක් මිනිසුන් ඒ තුල සවිකර තිබු තුවක්කුවලින් සතුරන්ට ප්‍රහාර එල්ල කරන්නට යොදවා තිබෙන්නේට ඇති.එම තුවක්කු සියලුම දිශාවලට පහර දිය හැකිසේ රඳවා තිබිණි.(අංශක 360)









තමාගේ සැලසුම දුෂ්ඨ අදහස් ඇතිවුන්ට හෝ සතුරන්ට නතු වුවහොත් යන සැකය මත ඩා වින්චි යුද ටැංකියේ සැලැස්මට හිතාමතාම දෝෂයන් ඇතුලු කලාද යන්න පැහැදිලි නැත.ඔහුගේ සැලැස්මට අනුව යුද ටැංකියක් නිර්මාණය කලේ නම් එහි රෝදවලට සම්බන්ධවන ප්‍රධාන යෂ්ඨි 2ක වැරදි දිශාවලට කැරකවේ.එවිට ඒවා එකිනෙකට විරුද්ධව ක්‍රියා කර ප්‍රථිපලයක් ලබා නොදෙයි.ඩා වින්චි යුද්ධයට අකැමැත්තක් දැක්වූ අයෙක් වු නිසා ඔහු හිතාමතාම එහි දෝෂයක් නිර්මාණය කරන්නට ඇතැයිද සිතිය හැකිය.ඒ කෙසේ වෙතත් එය නොදැනුවත්කමින් සිදුවූ දෝෂයක් යැයි කිව නොහැක්කේ ලොව ප්‍රථම ස්වබලයෙන් ක්‍රියාකරන රථය ,ප්‍රථම constantly variable transmission-සරලව කිව හොත් ගියර් පද්ධතියක් සහ ප්‍රථම අවලම්බක ඔරලෝසුව ඩාවින්චි විසින් සැලසුම් කර තිබීමත් යාන්ත්‍ර විද්‍යාව සම්බන්ධව එතරම් දැනුමක් සහිත අයෙක් අතින් මෙතරම් කුඩා දෝෂයක් සිදුවීම විය නොහැක්කකි.

මෙම යුද ටැංකි සැලැස්මේ ඊට ආවේණික දෝෂ තිබේ.එහි රෝද රථයේ බර දරා ගැනීමටත් තෙතමනය සහිත බිමක ගමන් කිරීමටත් නොහැකි තරම් තුනීය.එවැනි තුනී ඝනකමෙන් අඩු රෝද පහසුවෙන් පොලොවේ එරී යා හැකිය.නූතන යුද ටැංකි මෙම ප්‍රශ්නය මගින් විසදා ගත්තේ 20වන ශත වර්ෂයේදීය.




මෙම රථය ධාවන කරවීම ලේසි පහසු කාර්‍යක් නොවන බව මෙම වීඩියෝපටය නැරඹීමෙන් ඔබට අවබෝධ වේවි.

Assassin's Creed Brotherhood වීඩියෝ ක්‍රීඩාවේ එන ඩාවින්චිගේ යුද ටැංකිය

Source:Leonardodavincisinventions.com

ලියනාඩෝ ඩා වින්චිගේ යුද යන්ත්‍රණ සහ යුද්ධය සම්බන්ධ සොයා ගැනීම්

Cesare Borgia

මැෂින් තුවක්කුව

යුද ටැංකිය