දැවැන්ත නෞකා-2

July 09, 2017

Fjord Semi-submersible Heavy Transport Vessel

පළමු ලිපියෙන් ලොව තිබූ සහ දැනට සේවයේ යොදවා ඇති විශාල ප්‍රමාණයේ නෞකා ගැන කතා කලා මතක ඇති.නමුත් ඒ සියල්ල පරයන දැවැන්තයෙක් සාගරයේ යාත්‍රා කරයි.මේවා Semi-submersible Ship/Heavy-lift ships නමින් හඳුන්වයි.මෙම නෞකා නිර්මාණය කර තිබෙන්නේ මුහුදු පත්ල විදීමේ පද්ධති ගෙනයාම,යාත්‍රා ආරක්ෂා සහිතව ගෙනයාම,ඛනිජ තෙල් කැණීමේ පද්ධති සහ අධික බරක් සහිත දොඹකර ආදිය රැගෙන යාමටය.




Heavy-lift නෞකාවල විශාල ප්‍රමාණයේ විවෘත වේදිකාවක් තිබේ.එහි මධ්‍යම ප්‍රමාණයේ නෞකාවල සිට දැවැන්ත දොඹකර මෙන්ම ටොන් 50 සිට 45,000ක් දක්වා බරක්ද ගෙන යා හැකිය.






මෙම නෞකාවල තිබෙන ටැංකි ජලයෙන් පුරවා එහි තිබෙන වේදිකාව ජල මට්ටම තෙක් හෝ ඊටත් වඩා ගිල්විය හැකිය.ඉන්පසු ඛනිජ තෙල් කණින විශාල ප්‍රමාණයේ වේදිකාවන්,නෞකා,බෝට්ටු හෝ වෙනත් ඕනෑම දෙයක් නෞකාවේ වේදිකාව මතට නංවයි.අවසානයේදී නෞකාවේ ටැංකිවලට පිරවූ ජලය ඉවත් කර එය ජල මට්ටමෙන් ඉහළට ඔසවා ගැනේ.








මුහුදේ ඛනිජ තෙල් කැණීමේ කටයුතු සඳහා යොදාගන්නා වේදිකාවක් ගෙන යන Blue Marlin නෞකාව.







ජලයේ පාවෙන දැවැන්ත තෙල් ටැංකියක්, Heavy-lift වර්ගයේ නෞකාවක ගෙන යන අයුරු(චීනයේ Yantai Raffles නෞකා නිෂ්පාදනාගාර තිබූ Sevan Voyageur නම් පාවෙන තෙල් ටැංකිය)







මෙම වර්ගයේ නෞකා වැඩි ප්‍රමාණයක් ඩොක්වයිස් නම් ප්‍රවාහන සමාගම සතුය.ඔවුන් සතුව Vanguard, Blue Marlin, Black Marlin සහ Mighty Servant වර්ගයේ නෞකා කිහිපයක්ද තිබේ.2004 පටන් ඔවුන් Blue Marlin නෞකාව සේවයේ යොදවා තිබේ.එම කාලයේ ලොව තිබූ විශාලතම බරින් වැඩිම භාණ්ඩ ප්‍රවාහන නෞකාව වන්නේද එයයි.


Blue Marlin නෞකාව අඩි 700ක් පමණ දිගය.එහි කාමර 38 තිබේ.ඒවා පුද්ගලයන් 60කට නවාතැන් පහසුකම් ගත හැකිය.මෙම නෞකාවේ පිහිනුම් තටාකයක්,උණුවතුර ස්නානය කිරීමේ පහසුකම් සහ තවත් දේ අඩංගුය.


මෙහි දැක්වෙන්නේ ගෑස් පිරිපහදුවක්, Blue Marlin නෞකාව මගින් ගෙන ගිය ආකාරයයි.2005 ජූලි මාසයේදී දින 7ක මුහුදු ගමනකින් පසුව එය ස්පාඤ්ඤයේ සිට නෝර්වේ රාජ්‍යයට ළඟාවිය.





Thunder Horse නම් ගැඹුරු මුහුදේ තෙල් කැණීම් කටයුතු සඳහා යොදාගන්නා වේදිකාවක් දකුණු කොරියාවේ සිට එ.ජනපදයේ ටෙක්සාස් තෙක් ගෙන යාමට ඩොක්වයිස් සමාගමේ Heavy-lift වර්ගයේ Blue Marlin නෞකාව යොදාගන්නා ලදි(2004).මෙම වේදිකාවේ බර ටොන් 60,000ක් පමණ වූ බවයි සඳහන් වන්නේය.




Blue Marlin නෞකාව ඉහත කී වේදිකාවත් රැගෙන දකුණු අප්‍රිකාවේ සුභ පැතුම් තුඩුව අසලින් යාත්‍රා කල අවස්ථාව වම්පස දැක්වේ.සම්පුර්ණ ගමනට දින 61ක් ගතවූ අතර ගෙවා ගිය දුර සැතපුම් 16,000කි.දකුණුපස දැක්වෙන්න තන්ඩර් හෝර්ස් වේදිකාව ඩෙනිස් නම් සුළිසුළගින් දරුණු ලෙස හානියට පත්ව තිබූ අයුරුය.






මුහුදු පතුල විදීමට යොදාගන්නා විදුම් වේදිකාවක්(Jim Day -ටොන් 40,000ක්)Blue Marlin නෞකාවේ ගෙන ගිය අයුරු






2005 නොවැම්බර් මාසයේදී Blue Marlin නෞකාව මගින් මුහුදේ රැදවිය හැකි රේඩාර් පද්ධතියක් සහිත වේදිකාවක් ටෙක්සාස් හි සිට ඇලස්කාව තෙක් රැගෙන ගිය අයුරු.






මෙම චාරිකාව අවසන් කලේ හවායි හි පර්ල් වරායෙනි.රූපයෙන් පෙන්වා තිබෙන්නේ Blue Marlin නෞකාව පර්ල් වරායට පැමිණි අවස්ථාවයි.








එක්සත් ජනපද නාවික හමුදාව ඔවුන්ගේ හානියට පත් නෞකා,පිළිසකර කල හැකි තොටුපලක් වෙත රැගෙන යාමට Blue Marlin නෞකාව භාවිතා කර තිබේ.2000 වසරේ ඔක්තෝම්බර් මස 12 දා ඒඩන් බොක්කේ යේමන් වරායක නවතා තිබූ USS Cole නම් එක්සත් ජනපද යුද නෞකාව ත්‍රස්ත ප්‍රහාරයකට ලක්විය.නැව් බදේ ඇතිවූ දැවැන්ත සිදුරක් නිසා එය තවදුරටත් යාත්‍රා කිරීමට නොහැකි තත්ත්වයේ තිබිණි.අවසානයේදී හානියට පත් USS Cole නෞකාව ,Blue Marlin නෞකාවේ පටවා එක්සත් ජනපදය වෙත රැගෙන යන ලදි.






එක්සත් ජනපදයේ USS Cardinal සහ USS Raven නෞකා දෙක(මුහුදු බෝම්බ සොයා යන්නෙක්) Blue Marlinහි ගෙන යන අයුරු






ඕස්ට්‍රේලියානු නාවික හමුදාවද Blue Marlin නෞකාවේ සේවය ලබාගෙන තිබේ.හෙලිකොප්ටර් ප්‍රවාහනයට සහ ගොඩබෑම වෙනුවෙන් නිර්මාණය කල HMAS Canberra නම් නෞකාවේ නිෂ්පාදන කටයුතු 2008 වසරේදී ආරම්භ කෙරිණි.එය නිර්මාණය කර අවසන් වූ වහාම ස්පාඤ්ඤයේ සිට ඕස්ට්‍රේලියාවට ප්‍රවාහනය කලේ Blue Marlin නෞකාව යොදාගෙනය.





එය 2012 ඔක්තෝම්බර් මාසයේදී මෙල්බර්න් නගරය වෙත ලඟාවිය.





විශාල බරක් ගෙන යා හැකි නෞකාවක් වන Mighty Servant හට ටොන් 29,000ක බරක් ගෙන යා හැකිය.මෙහි තවත් සංස්කරණ කිහිපයක්ම නිපදවා තිබේ.පහත දැක්වෙන්නේ Mighty Servant -2 හි ගෙන යන USS Samuel B. Roberts නම් නෞකාවයි.(1988දී)






Mighty Servant නෞකාව මුහුදේ පාවෙන වේදිකා දෙකක් රැගෙන යන අයුරු






කොතරම් දැවැන්තයෙක් වුවද මුහුදේ දී විවිධ කරදරවලට මුහුණුදීමට සිදුවේ.1999 දී Mighty Servant-2 නෞකාව ඉන්දුනීසියානු වෙරළේදී පෙරළී ගොස් තිබේ.Mighty Servant -3 නෞකාවද ඇන්ගෝලාවේ ලුන්ඩා(2006දී)හිදී ගිලීගියේය.නමුත් ජීවිත හානියක් සිදුනොවීය.Mighty Servant-3 නෞකාව ගොඩගෙන 2007 වසරේදී දකුණු අප්‍රිකාවට ගෙන ගොස් පිළිසකර කිරීම් රැසකට පසුව යළි සේවයේ යොදවා තිබේ.






ඩොක්වයිස් සමාගම සතුව Vanguard නම් දැවැන්ත නෞකාවක් තිබේ.Vanguard මගින් රැගෙන යන්නේ තෙල් සහ ගෑස් කැණීම සඳහා යොදාගන්නා වේදිකාය.



Vanguard නෞකාවේ තට්ටුව/වේදිකාව,Blue Marlin නෞකාවට වඩා 70%ක් විශාලය.එම නිසා Vanguard නෞකාවේ වේදිකාව මත දිගින් සහ පළලින් වැඩි භාණ්ඩ පවා ගෙන යා හැකිය.එහි ගෙන යා හැකි උපරිම බර ටොන් 110,000ක් බව කියවේ.එනම් Vanguard නෞකාවේ ධාරිතාවය,Blue Marlin මෙන් දෙගුණයකි.


වසර කිහිපයකට පෙර රුසියානු සබ්මැරීන කිහිපයක් ඒවා කොටස් කරන ස්ථාන දක්වා ප්‍රවාහනයට ඩොක්වයිස් සමාගමේ නෞකාවක් යොදාගන්නා ලදි.






ඩොක්වයිස් සමාගමට අමතරව semi-submersible නෞකා සතු සමාගම් කිහිපයක් තිබේ.මෙහි දැක්වෙන්නේ නෙදර්ලන්තයේ FJELL නම් නෞකාවයි(සමාගම-Fairstar Heavy Transport).








Kang Sheng Kou නම් නෞකාව 2003දී නිපදවා තිබේ.ඊට ටොන් 18,000ක් බර භාණ්ඩ ප්‍රවාහනය කල හැකිය.







USS Pigeon සබ්මැරීන මුදාගැනීමේ නෞකාවටද එහි ප්‍රධාන වේදිකාව මත සබ්මැරීන ගෙන යා හැකිය.






චීනයේ නිපදවූ ගංගාවල ප්‍රවාහන කටයුතු සඳහා යොදාගන්නා කුඩා ප්‍රමාණයේ නෞකා රැසක් ගෙන යන Blue Marlin නෞකාව.






Source: Darkroastedblend.com
දැවැන්ත නෞකා-2 දැවැන්ත නෞකා-2 Reviewed by HarshaLulzSec on July 09, 2017 Rating: 5

නාසි අවිවල නූතන හැඩය

July 09, 2017



හිට්ලර් නාසි ජර්මනිය බිහි කලදා පටන් දෙවන ලෝක යුද්ධය අවසන් වෙන තෙක්ම නාසීන් විසින් යුද අවි,ගුවන් යානා,රථයන් සහ අනෙකුත් උපකරණ පිළිබඳ පර්යේෂණ සහ දියුණු කිරීම් මහා පරිමාණයෙන් සිදුකරන ලදි.නාසි විද්‍යාඥයින් සහ ඉංජිනේරුවන් වෙනත් ජාතීන්ට වඩා නවීන තාක්ෂණයෙන් නාසි ජර්මනිය සන්නද්ධ කරන්නට අවදානය යොමුකරන ලදි.

පහත දැක්වෙන්නේ නාසීන්ගේ සුපිරි රහස් අවි කිහිපයක් සහ ඒවායේ නූතන හැඩයයි.


ස්ටෙල්ත් ගුවන් යානා


Horten Ho 229 යනු ලොව ප්‍රථම ස්ටෙල්ත් වර්ගයේ ගුවන් යානයයි(රේඩාර්වලට හසුනොවන ).ඊට රාත්තල් 2000ක් බර අවි රැගෙන අඩි 50,000ක් උසින් පියාසර කල හැකිවිය.උපරිම වේගය පැයට සැතපුම් 600කි.එහි ටර්බෝ ජෙට් එන්ජින් දෙකක් තිබූ අතර තුවක්කු සහ රොකට්වලින් සන්නදධ විය.නාසි පක්ෂයේ ප්‍රධානි හර්මන් ගෝරින් විසින් මෙම ව්‍යාපෘතියට රිච් මාකස්(නාසි ජර්මනියේ මුදල් ඒකකය ) 500,000කට වඩා ලබාදීමට අවසර දී තිබිණි.Horten Ho 229 යානය පළමුවරට ගුවන් ගත වූයේ 1944 වසරේදීය.එහි අඩුපාඩු රැසක් පැවතියද යුද්ධ සමයේදි කෙටි කාලයක් භාවිතා කර තිබේ.





නූතන හැඩය


දෙවන ලෝක යුද්ධය අවසාන වීමෙන් පසුව නාසි ජර්මනියේ තාක්ෂණය මෙන්ම නාසි විද්‍යාඥයින්ද ඇමෙරිකා එක්සත් ජනපදයට ලබාගත් අතර Horten Ho 229 යානයට සමාන ගුවන් යානා නිපදවීම පසුකාලීනව සිදුවිය.ඇමෙරිකා එක්සත් ජනපදයේ B-2 නම් උපාය මාර්ගික බෝම්බ හෙළන යානය ස්ටෙල්ත් තාක්ෂණයෙන් සන්නද්ධය.මෙයද ජර්මන් Horten Ho 229 යානය මෙන් වල්ගයක් රහිත flying wing වර්ගයේ යානාවක් වන අතර ගුවන් නියමුවන් දෙදෙනෙකුට එහි ගමන් කල හැකිය.මෙම යානයට සාම්ප්‍රදායික න්‍යෂ්ඨික බෝම්බ මෙන්ම තාප න්‍යෂ්ඨික බෝම්බ පවා රැගෙන යා හැකිය.






නියාමක මිසයිල


Fritz X නම් බෝම්බය රාත්තල් 3,500ක බරකින් යුක්ත පුපුරණ ද්‍රව්‍යවලින් සමන්විත විය.බෝම්බයට නිවැරදිව ඉලක්කය වෙත ගමන් කිරීමට මඟ පෙන්වූයේ රේඩියෝ සංඥා යොදාගෙනය.මෙම බෝම්බ ගෙන යන යානාවලට ගුවන් යානා නාශක තුවක්කුවල ප්‍රහාරක පරාසයට ඇතුල් නොවී අඩි 20,000ක පමණ උසක සිට බෝම්බ හෙළීමට හැකිවූයේ මෙම තාක්ෂණය නිසාය.නමුත් එය යුද්ධයේදී ප්‍රයෝජනයට ගත්තේ සීමා සහිත කාලයක් පමණි.ඊට හේතු වූයේ මෙවැනි බෝම්බ ගෙන යාමට සහ හෙළීමට හැකියාව තිබුණු ජර්මන් ගුවන් යානා ප්‍රමාණවත් තරම් නොතිබීමයි.නමුත් එවැනි දුෂ්කරතා මධ්‍යයේ වුවද මෙම බෝම්බ යොදාගෙන සාර්ථක ප්‍රහාර එල්ල කරන ලදි.1943 සැප්තැම්බර් මාසයේදී ඉතාලියේ රෝමා නම් නෞකාවට එල්ල කල මෙම බෝම්බ ප්‍රහාර දෙකකින් එකක් නිසා නෞකාවේ පුපුරණද්‍රව්‍ය ගබඩාව විනාශ වීමෙන් නැව පුද්ගලයන් 1255ක් සමග ගිලී ගියේය.මිත්‍ර හමුදාවන් මෙම බෝම්බ වලට මඟ පෙන්වන සංඥාවලට බාධා කිරීමට හැකි ක්‍රමයක් සොයා ගන්නා තෙක් නාසීන්ට නෞකා 5කට පමණ මෙම බෝම්බ යොදාගෙන හානි සිදු කිරීමට හැකිවිය.




නූතන හැඩය


නාසින්ගේ නියාමක බෝම්බ වලට සමාන වර්තමාන අවියක් වන්නේ කෲස් මිසයිලයි.මේවා අධික වේගයෙන් නිවැරදිව සතුරු ඉලක්ක වෙත මාරක ප්‍රහාර එල්ල කිරීමට යොදා ගැනේ.නූතන කෲස් මිසයිලවලට අතිධ්වනි වේගයෙන් ගමන් කල හැකි අතර ඒවාට තනිවම මාර්ගය සොයා ගත හැකි ලෙස දියුණු කර තිබේ.






දුරස්ථව පාලනය කල හැකි රථ


මෙය නාසීන් විසින් පුපුරණ ද්‍රව්‍ය ගෙන යාමට නිර්මාණය කල කුඩා ප්‍රමාණයේ රථයකි(Goliath).එහි රාත්තල් 220ක පුපුරණ ද්‍රව්‍ය ගෙන යා හැකිය.දුරස්ථව පාලනය කල හැකිවූ මේවා 7000ක් පමණ නිපදවූ බව කියවේ.මෙය රේඩියෝ සංඥාවලින් පාලනය කල හැකි රථ වාහන වල ආරම්භක අවස්ථාව ලෙස හැඳින්විය හැකිය.





නූතන හැඩය


දුරස්ථපාලන රථ වර්තමානයේදී බහුලවම භාවිතා වන්නේ බිම්බෝම්බ ඉවත් කිරීම් කටයුතු සඳහාය.එක්සත් ජනපද හමුදා ඉරාකය සහ ඇෆ්ගනිස්ථානයේ දී මෙවැනි දුරස්ථපාලන රථ යොදාගත්හ.ඊට අමතරව මෙවැනි රථ ඔත්තු බැලීමේ සහ රහසිගත මෙහෙයුම් සඳහා යොදා ගැනේ.







අන්තර් මහද්වීපික බැලස්ටික් මිසයිල


නාසීන්ගේ ප්‍රබලම අවියක් ලෙස V-2 මිසයිලය හැඳින්විය හැකිය.එය ලොව පළමු දිගුදුර නියාමක බැලස්ටික් මිසයිලයයි.තම නගරවලට මිත්‍ර හමුදා බෝම්බ හෙළීමට පළිගැනීමක් ලෙස මෙම අවිය ජර්මානුවන් විසින් නිපදවූයේ යැයි කියවේ.1944 සැප්තැම්බර් මාසයේදී V-2 මිසයිල 3000ක් පමණ ලන්ඩන් සහ මිත්‍ර හමුදා ඉලක්ක වෙත එල්ල කරන ලදි.





නූතන හැඩය


වර්තමානයේ විවිධ රටවල් අන්තර් මහද්වීපික මිසයිල අත්හදා බලන්නේ එවැනි අවිවලින් සන්නද්ධ වීම තම යුද ශක්තිය විදහා පෙන්වීමට හොඳම අවස්ථාවක් නිසා පමණක් නොව ඒවාහි බලසම්පන්නකම නිසාය.මෙම මිසයිල න්‍යෂ්ඨික ශීර්ෂ ගෙන යා හැකිසේ එක්සත් ජනපදය,රුසියාව,චීනය ආදී රටවලින් විසින් දියුණු කර තිබේ.එසේම මේවා ගොඩබිම,වාහන ,සබ්මැරීන සහ ගුවන් යානාවල සිට පවා දියත් කල හැකිය.




Source:Warhistoryonline.com
නාසි අවිවල නූතන හැඩය නාසි අවිවල නූතන හැඩය Reviewed by HarshaLulzSec on July 09, 2017 Rating: 5

පුටීන්ගේ නවතම නිල මෝටර් රථය

July 09, 2017


රුසියානු ජනපති විලැඩ්මීර් පුටීන් රුසියාවේ නිෂ්පාදිත ලිමොසින් රථය එනම් කොටේජ් ව්‍යාපෘතියේ කොටසක් වන අනාගත ජනපති නිල මෝටර් රථය ගැන කැමැත්තකින් පසුවන බව කර්මාන්ත සහ වෙළඳ අමාත්‍ය ඩෙනිස් මැන්ටුරොව් තහවුරු කරන ලදි.මෙම ව්‍යාපෘතිය යටතේ නිර්මාණය කෙරෙන රාජ්‍ය නිලධාරීන් උදෙසා වූ රථ මාලාව ඊළඟ වසරේ ජනපති මැතිවරණයෙන් පසුව එන පුටීන්ගේ 4වන ධූර කාලයේදී නිකුත් කිරීමට නියමිතව තිබේ.

අමාත්‍යවරයාට අනුව පුටීන් නවතම නිල මෝටර් රථය පෞද්ගලිකවම පරීක්ෂාවලට ලක් කර තිබේ.එසේම ඔහු ව්‍යාපෘතියේ තත්ත්වය සම්බන්ධව තෘප්තිමත් වූ බවත් අමාත්‍යවරයා පැවසීය.පුටීන් විසින් පරීක්ෂා කර තිබෙන්නේ මෝටර් රථයේ මූලාකෘතියයි.එහි මූලාකෘතියට අවදානය යොමුකරන්නට ඔහුට ප්‍රමාණවත් කාලය නොතිබූ බව සඳහන් වේ.


කොටේජ් ව්‍යාපෘතිය නිර්මාණය වන්නේ ජනපති පුටීන්ගේ උවමනාව මතයි.එය ආරම්භ කරන්නේ 2012 වර්ෂයේදීය.ජනපති ලිමොසින් රථයට අමතර ව්‍යාපෘතිය යටතේ සෙඩ්නා,මිනිවෑන් සහ එස්යූවී රථයක් ඇතුලුව කාර්ය මණ්ඩලීය මෝටර් රථ පෙළක්ද නිෂ්පාදනය කෙරේ.මෙම රථ සැලසුම් කර තිබෙන්නේ මධ්‍යම විද්‍යාත්මක පර්යේෂණ ඔටෝමොබයිල් සහ එන්ජින් ආයතනය විසින්ය.ලබන වසරේ මැතිවරණයෙන් පසුව එළඹෙන ජනපති පදවිප්‍රාප්තියේදී ප්‍රථම වරට ප්‍රදර්ශනය කිරීමට නියමිත මෙම රථවල පළමු කාණ්ඩය මෙම වසරේ අගදී ෆෙඩරල් ආරක්ෂක සේවයේ පරීක්ෂාවට සහ අත්හදා බැලීම් සඳහා නිකුත් කිරීමට නියමිතය.


කොටේජ් ව්‍යාපෘතිය යටතේ නිර්මාණය කල ජනපති නිල මෝටර් රථය





මෙම රථ නිපදවීමේදී මධ්‍යම විද්‍යාත්මක පර්යේෂණ ඔටෝමොබයිල් සහ එන්ජින් ආයතනය ජර්මනියේ පෝර්ස්චේ සහ බොස්ච් යන සමාගම සමග වැඩකටයුතු කරයි.ව්‍යාපෘතිය වෙනුවෙන් නිර්මාණය කරන එන්ජින් දෙකක් එකක් පෝර්ස්චේ සමාගම විසින් සැලසුම් කල එකක් බව කියවේ.එය අශ්ව බල 650ක ලීටර් 4.6 වී8 ටර්බෝචාර්ජ් එන්ජිමකි.දෙවැනි එන්ජිම මධ්‍යම විද්‍යාත්මක පර්යේෂණ ඔටෝමොබයිල් සහ එන්ජින් ආයතනය නිර්මාණයකි.එය 2016 වර්ෂයේ මොස්කව් ජාත්‍යන්තර මෝටර් රථ ප්‍රදර්ශනයට ඉදිරිපත් කර තිබිණි.එය අශ්වබල 860 ලීටර් 6.6 එන්ජිමකි.කොටේජ් ව්‍යාපෘතියේ මෝටර් රථ වේග නමයක ස්වයංක්‍රීය සම්ප්‍රේෂණයක් සහිතය.


කාටේජ් ව්‍යාපෘතිය යටතේ නිර්මාණය කරන මිනිවෑන් රථය



කාටේජ් රථ දෙසියයක් ලබන වසර වන විට නිපදවීමට අපේක්ෂා කරන අතර 2020 වසර වන විට රථ 5000ක් දක්වා නිෂ්පාදනය කරනු ඇත.රජය විසින් නිල කටයුතු සඳහා මිලදී ගැනීමට අමතරව මෙම රථ සමහර ආරක්ෂක අංග රහිතව සිවිල් භාවිතය උදෙසා නිකුත් කිරීම 2018 හෝ 2019 වසර වල සිදුකිරීමට නියමිතය.


කාටේජ් ව්‍යාපෘතිය යටතේ නිර්මාණය කරන රථවල මොඩල





මෝටර් රථයේ ඇතුලත දර්ශන





දේශීය වශයෙන් මෝටර් රථ නිපදවන රටවල් බොහොමයක් ඔවුන්ගේ රාජ්‍ය නායකයින් සඳහා වෙනමම රථ නිපදවීම පොදු කරුණකි.එක්සත් ජනපදය,ජපානය,චීනය,ඉන්දියාව,එක්සත් රාජධානිය,ජර්මනිය,ප්‍රංශය සහ ඉතාලිය ආදී රටවල් මෙම සම්ප්‍රදාය අනුගමනය කරන රටවල්ය.මෙම සම්ප්‍රදායට සෝවියට් දේශය අවතීරණ වුනේ 1940 දශකයේ අග භාගයේදීය.නමුත් 1997 වර්ෂයේදී පළමු රුසියානු ජනපතිවරයා වූ බොරිස් යෙල්ට්සින් මෙම සම්ප්‍රදාය ප්‍රතික්ෂේප කර සන්නාහයමය මර්සිඩීස්-බෙන්ස් රථවලට මාරු විය.ඊට පෙර සෝවියට් දේශයේ ජනාධිපතිවරුන් භාවිතා කලේ ZIL රථය.2012 ජනාධිපතිවරණයෙන් පසුව මෙම සම්ප්‍රදාය වෙනස් කිරීමට අවශ්‍ය බව විලැඩ්මීර් පුටීන් කියා තිබිණි.රුසියාවේම නිෂ්පාදිත රථයක් ජනපති නිල රථය බවට පත් කිරීමේ ව්‍යාපෘතිය ඇරඹෙන්නේ එතැන් පටන්ය.


සෝවියට් ජනපති මිකායිල් ගෝර්බචෙව් පාවිච්චි කල ZIL රථය



විලැඩ්මීර් පුටීන් දැනට නිල රථය ලෙස භාවිතා කරන මර්සිඩීස් බෙන්ස් එස් 600


පසුගිය වසරේදී රුසියානු රජය මෙම ව්‍යාපෘතිය වෙනුවෙන් රූබල් බිලියන 3.7ක්(ඇ.ඩො.මිලියන 61.6ක් පමණ)අනුමත කරන ලදි.2015 වර්ෂයේදී ඒ සඳහා රූබල් බිලියන 3.6ක්(ඇ.ඩො.මිලියන 60)ලබාදී තිබේ.ආරක්ෂක අමාත්‍යාංශය සන්නාහමය රථයට ඇලුම් කරන බව පෙනෙන්නට තිබුණත් එය එලිදැක්වීම ලිමොසින්,සෙඩාන් සහ මිනිවෑන් යන රථ සම්පුර්ණ කිරීමෙන් පසුව සිදුවන බවයි වාර්තා වන්නේ.





Source:sputniknews.com
පුටීන්ගේ නවතම නිල මෝටර් රථය පුටීන්ගේ නවතම නිල මෝටර් රථය Reviewed by HarshaLulzSec on July 09, 2017 Rating: 5
Powered by Blogger.